ಹಾಡಹಗಲೇ ಗುಂಡಿನ ಸುರಿಮಳೆಗೈದು ಹೊಟೇಲ್ ಮಾಲೀಕನ ಕಿಡ್ನಾಪ್;‌ ಶಾಕಿಂಗ್‌ ದೃಶ್ಯ ಸಿಸಿ ಟಿವಿಯಲ್ಲಿ ಸೆರೆ

ಹಾಡಹಗಲೇ ಗುಂಡಿನ ಸುರಿಮಳೆಗರೆದ ಕಿಡ್ನಾಪರ್‌ ಒಬ್ಬ ಹೊಟೇಲ್ ಮಾಲೀಕರನ್ನು ಅಪಹರಿಸಿದ ಘಟನೆ ಮುಂಬೈನ ಅಂಧೇರಿ-ಕುರ್ಲಾ ರಸ್ತೆಯಲ್ಲಿ ಜರುಗಿದೆ.

ಇಡೀ ಘಟನೆ ಸಿಸಿ ಟಿವಿ ಕ್ಯಾಮೆರಾದಲ್ಲಿ ಸೆರೆಯಾಗಿದ್ದು, ಆಪಾದಿತರನ್ನು ಮುಂಬೈ ಪೊಲೀಸರು ಈಗ ಬಂಧಿಸಿದ್ದಾರೆ.

ಸಣ್ಣದೊಂದು ಬೀದಿಯಲ್ಲಿ ಇಬ್ಬರು ಪುರುಷರು ಅಲೆದಾಡುತ್ತಿರುವುದನ್ನು ಈ ವಿಡಿಯೋದಲ್ಲಿ ನೋಡಬಹುದಾಗಿದೆ. ಇವರಲ್ಲಿ ಒಬ್ಬನ ಕೈಯಲ್ಲಿ ಗನ್ ಹಾಗೂ ಬ್ರೀಫ್‌ಕೇಸ್‌ ಇದ್ದು, ಮತ್ತೊಬ್ಬ ಗಾಳಿಯಲ್ಲಿ ಗುಂಡು ಹಾರಿಸುತ್ತಿದ್ದಾನೆ.

ಇದೇ ವೇಳೆ, ಕಪ್ಪು ಕಾರೊಂದು ಸ್ಥಳಕ್ಕೆ ಬಂದು, ಅವರು ಅಲ್ಲಿಂದ ಓಡಿ ಹೋಗಿದ್ದಾರೆ.