ದೇಶದ ಅತಿ ಅಗಲದ ಸುರಂಗ ಮಾರ್ಗ ನಿರ್ಮಾಣ ಕಾರ್ಯ ಪೂರ್ಣ

8 ಕಿಲೋಮೀಟರ್​ ಉದ್ದದ ಈ ಅವಳಿ ಸುರಂಗಗಳು 17.5 ಮೀಟರ್​ ಅಗಲವಿದೆ . ಇದು 700ಕಿಲೋಮೀಟರ್​ ಅಂತರ ಹೊಂದಿರುವ ಮುಂಬೈ – ನಾಗ್ಪುರ ಮಾರ್ಗವನ್ನು ತ್ವರಿತಗತಿಯಲ್ಲಿ ತಲುಪಲು ಸಹಾಯ ಮಾಡುತ್ತದೆ.

ಈ ಹಿಂದೆ 14-15 ಗಂಟೆಗಟ್ಟಲೆ ಸಮಯ ತೆಗೆದುಕೊಳ್ತಿದ್ದ ಮುಂಬೈ – ನಾಗ್ಪುರ ನಡುವಿನ ಪ್ರಯಾಣವು ಈ ಸುರಂಗದ ಬಳಿಕ 8-9 ಗಂಟೆಗಳಲ್ಲಿಯೇ ಪೂರ್ಣಗೊಳ್ಳಲಿದೆ.

2745 ಕೋಟಿ ರೂಪಾಯಿ ವೆಚ್ಚದ ಈ ಅವಳಿ ಸುರಂಗ ಯೋಜನೆಯು ನಾಸಿಕ್​ ಜಿಲ್ಲೆಯ ತರಂಗಪಡ ಗ್ರಾಮ ಹಾಗೂ ಥಾಣೆಯ ವಶಲಾ ಗ್ರಾಮವನ್ನು ಸಂಪರ್ಕಿಸುತ್ತದೆ. ಈ ಮೂಲಕ ಕಾಸರ ಘಾಟ್​​ನ 30-35 ನಿಮಿಷಗಳ ಪ್ರಯಾಣ ಸಮಯವನ್ನು ಉಳಿಸಬಹುದಾಗಿದೆ.

ದೇಶದ ಇತಿಹಾಸದಲ್ಲಿಯೇ ಕೇವಲ 2 ವರ್ಷಗಳ ಅವಧಿಯಲ್ಲಿ ಅತ್ಯಂತ ಅಗಲವಾದ ಹಾಗೂ 8 ಕಿಲೋಮೀಟರ್​ ಉದ್ದದ ಸುರಂಗವು ನಿರ್ಮಾಣವಾಗಿಯೇ ಇರಲಿಲ್ಲ ಎಂದು ಎಂಎಸ್​ಆರ್​ಡಿಸಿ ಜಂಟಿ ಎಂಡಿ ಹಾಗೂ ಪಿಡಬ್ಲುಡಿ ಸೆಕ್ರೆಟರಿ ಅನಿಲ್​ ಕುಮಾರ್​ ಗಾಯಕವಾಡ ಹೇಳಿದ್ದಾರೆ.