ಬೆಂಗಳೂರಿನಲ್ಲಿ ‘ಬಹುಮಹಡಿ ಪಾರ್ಕಿಂಗ್ ಸಂಕೀರ್ಣ’ ಆರಂಭ, ಏನೆಲ್ಲಾ ಸೌಲಭ್ಯ ಇದೆ..?

ಬೆಂಗಳೂರು : ಬೆಂಗಳೂರಿನ ಹೃದಯಭಾಗದಲ್ಲಿರುವ ಫ್ರೀಡಂಪಾರ್ಕ್ ಬಳಿಯ ಬಹುಮಹಡಿ ಪಾರ್ಕಿಂಗ್ ಸಂಕೀರ್ಣ ಕಾರ್ಯಾರಂಭಗೊಂಡಿದೆ.

ಈ ಸಂಕೀರ್ಣವು ದೇಶದಲ್ಲೇ ಮೊದಲ ಬಾರಿಗೆ ಸುಧಾರಿತ ಪಾರ್ಕಿಂಗ್ ವ್ಯವಸ್ಥೆಯನ್ನು ಹೊಂದಿದೆ. ಸುಧಾರಿತ ಸ್ಮಾರ್ಟ್ ಪಾರ್ಕಿಂಗ್ ತಂತ್ರಜ್ಞಾನದಿಂದಾಗಿ 24/7 ಪಾರ್ಕಿಂಗ್ ತೆರೆದಿರುತ್ತದೆ. ಇದಲ್ಲದೆ ಶೌಚಾಲಯಗಳು, ಎಲೆಕ್ಟ್ರಿಕ್ ವಾಹನ ಚಾರ್ಜಿಂಗ್, ಗಾಲಿಕುರ್ಚಿಗಳು ಮತ್ತು ಆಂಬ್ಯುಲೆನ್ಸ್ ಸೇವೆಗಳು ಕಟ್ಟಡದಲ್ಲಿ ಲಭ್ಯವಿದೆ. ಯಾವುದೇ ಸಮಯದಲ್ಲಿ ಸಾವಿರಾರು ವಾಹನಗಳನ್ನು ನಿಲುಗಡೆ ಮಾಡಬಹುದಾಗಿದೆ.

ವೈಶಿಷ್ಟ್ಯತೆಗಳು

• ಕ್ಯಾಶ್ಲೆಸ್ ಪಾರ್ಕಿಂಗ್ ವ್ಯವಸ್ಥೆ
• 600 ಕಾರು, 750 ಬೈಕ್ ನಿಲುಗಡೆಗೆ ಸ್ಥಳಾವಕಾಶ
• ಮಹಿಳೆಯರು, ಅಂಗವಿಕಲರಿಗೆ ಪ್ರತ್ಯೇಕ ಸ್ಥಳ
• ಎಲ್ಇಡಿಗಳ ಮೂಲಕ ಪಾರ್ಕಿಂಗ್ ಸ್ಥಳಗಳ ಪ್ರದರ್ಶನ
• ಉಚಿತ ವೈಫೈ, ಇವಿ ಚಾರ್ಜಿಂಗ್ ಕೇಂದ್ರ
• ಶೌಚಾಲಯ, ಶುದ್ಧ ಕುಡಿಯುವ ನೀರಿನ ವ್ಯವಸ್ಥೆ