ಹಕ್ಕಾನಿ ಸಚಿವಾಲಯದಿಂದ ಭದ್ರತೆ ನಿರಾಕರಿಸಿದ ತಾಲಿಬಾನ್​ ಸಹ ಸಂಸ್ಥಾಪಕ ಮುಲ್ಲಾ ಅಬ್ದುಲ್​ ಘನಿ

ತಾಲಿಬಾನ್​ ಸರ್ಕಾರ ಉಪ ಪ್ರಧಾನಿ ಮುಲ್ಲಾ ಅಬ್ದುಲ್​ ಘನಿ ಬರಾದಾರ್​​ ಕಾಬೂಲ್​ಗೆ ಮರಳಿದ್ದು ಜಾಗತಿಕ ಉಗ್ರ ಸಿರಾಜುದ್ದೀನ್​ ಹಕ್ಕಾನಿ ನೇತೃತ್ವದ ಆಂತರಿಕ ಸಚಿವಾಲಯದಿಂದ ಭದ್ರತೆಯನ್ನು ನಿರಾಕರಿಸಿದ್ದಾನೆ.

ಕಾಬೂಲ್​ನ ಗುಪ್ತಚರ ಇಲಾಖೆ ನೀಡಿರುವ ಮಾಹಿತಿಯ ಪ್ರಕಾರ, ಕಾಬೂಲ್​ನಲ್ಲಿ ಹಕ್ಕಾನಿ ಜೊತೆಗಿನ ಜಟಾಪಟಿಯಲ್ಲಿ ಬರಾದಾರ್​ ಗಾಯಗೊಂಡಿದ್ದನು. ಮಂಗಳವಾರ ಕಂದಹಾರ್​ನಿಂದ ಬರಾದಾರ್​​ ಕಾಬೂಲ್​ಗೆ ಮರಳಿದ್ದಾನೆ.

ಏಕಾಏಕಿ ನೆಲಕ್ಕಪ್ಪಳಿಸಿದ ‌ʼಡ್ರೋನ್ʼಗಳು…! ಸುರಕ್ಷಿತ ಸ್ಥಳಗಳಿಗೆ ದೌಡಾಯಿಸಿದ ಜನ

ಕೆಲ ಸಮಯದ ಹಿಂದಷ್ಟೇ ಬರಾದಾರ್​ ಸಾವನ್ನಪ್ಪಿದ್ದಾನೆ ಎಂಬ ವದಂತಿ ವಿಶ್ವಾದ್ಯಂತ ಹರಿದಾಡಿತ್ತು. ಹಕ್ಕಾನಿ ಜೊತೆಗಿನ ಘರ್ಷಣೆಯಲ್ಲಿ ತಾಲಿಬಾನ್​ ಸಹಸಂಸ್ಥಾಪಕ ಬರಾದಾರ್​ ಮೃತಪಟ್ಟಿದ್ದ ಎಂದು ಮಾಧ್ಯಮಗಳು ವರದಿ ಮಾಡಿದ್ದವು. ಆದರೆ ಸೆಪ್ಟೆಂಬರ್​ 13ರಂದು ಬರಾದಾರ್​ ಆಡಿಯೋ ಸಂದೇಶ ಕಳುಹಿಸಿ ತಾನಿನ್ನೂ ಬದುಕಿದ್ದೇನೆ ಎಂದು ಹೇಳುವ ಮೂಲಕ ಎಲ್ಲಾ ವದಂತಿಗಳಿಗೆ ತೆರೆ ಎಳೆದಿದ್ದ.

SHOCKING NEWS: ಪೋಷಕರೇ ಹುಷಾರ್…! ಸಿಲಿಕಾನ್ ಸಿಟಿಯಲ್ಲಿ ಮಕ್ಕಳ ಮಾರಾಟ ದಂಧೆ; ಪೊಲೀಸರನ್ನೇ ಬೆಚ್ಚಿ ಬೀಳಿಸಿದ ಖತರ್ನಾಕ್ ಗ್ಯಾಂಗ್

ಕಾಬೂಲ್​ಗೆ ಮರಳಿರುವ ಬರಾದಾರ್​ ಹಕ್ಕಾನಿ ಸಚಿವಾಲಯದಿಂದ ಭದ್ರತೆ ನಿರಾಕರಿಸಿದ್ದು ತಾವೇ ಸ್ವಂತ ಭದ್ರತಾ ಪಡೆಯನ್ನು ನಿಯೋಜಿಸಿಕೊಳ್ಳುವುದಾಗಿ ಹೇಳಿದ್ದಾನೆ ಎನ್ನಲಾಗಿದೆ. ಬರಾದಾರ್​ ಕಾಬೂಲ್​ನಲ್ಲಿ ವಾಸ್ತವ್ಯ ಹೂಡಿದ್ದು, ರಕ್ಷಣಾ ಸಚಿವ ಮುಲ್ಲಾ ಯಾಕೂಬ್​ ಇನ್ನೂ ಕಂದಹಾರ್​ನಲ್ಲಿಯೇ ಇದ್ದಾನೆ.