ಆದಿವಿ ಶೇಷ್ ನಟನೆಯ ತೆలుಗು ಚಿತ್ರ ‘ಡಕಾಯಿತ್’ ಆರಂಭದಿಂದಲೂ ಕುತೂಹಲ ಮೂಡಿಸುತ್ತಾ ಬಂದಿದೆ. ಈ ಚಿತ್ರದ ನಾಯಕಿಯಾಗಿ ಮೊದಲು ಶ್ರುತಿ ಹಾಸನ್ ಅವರನ್ನು ಘೋಷಿಸಲಾಗಿತ್ತು, ಆದರೆ ಚಿತ್ರಕಥೆಯ ಬಗ್ಗೆ ಭಿನ್ನಾಭಿಪ್ರಾಯಗಳ ಕಾರಣದಿಂದ ಚಿತ್ರದಿಂದ ಹೊರಗೆ ನಿರ್ಗಮಿಸಿದ್ದಾರೆ ಎನ್ನಲಾಗಿದೆ. ಈಗ ಮೃಣಾಲ್ ಠಾಕೂರ್ ಈ ಚಿತ್ರದ ನಾಯಕಿಯಾಗಿ ಚಿತ್ರತಂಡಕ್ಕೆ ಸೇರ್ಪಡೆಯಾಗಿದ್ದು, ಚಿತ್ರತಂಡವು ಚಿತ್ರದ ಮೊದಲ ನೋಟವನ್ನು ಬಿಡುಗಡೆ ಮಾಡಿದೆ.
ಇನ್‌ಸ್ಟಾಗ್ರಾಮ್‌ನಲ್ಲಿ ಮೃಣಾಲ್ ಈ ಪೋಸ್ಟರ್‌ಗಳನ್ನು ಹಂಟಿಕೊಳ್ಳುತ್ತಾ, “ಹೌದು, ನಾನು ಬಿಟ್ಟುಕೊಟ್ಟೆ….. ಆದರೆ ನಿಜವಾದ ಹೃದಯದಿಂದ ಪ್ರೀತಿಸಿದೆ.” (Yes, I gave up.. But loved with a true heart.) ಎಂದು ಬರೆದಿದ್ದಾರೆ.
ಇತ್ತೀಚೆಗೆ 123telugu.com ಜೊತೆಗಿನ ಸಂದರ್ಶನದಲ್ಲಿ, ಆದಿವಿ ಶೇಷ್ ‘ಡಕಾಯಿತ್’ ಬಗ್ಗೆ ಮಾತನಾಡಿದ್ದು, “ಇದು ತುಂಬಾ ತೀವ್ರತರವಾದ ಕಥೆ ಹೊಂದಿದೆ. ಭಾವನಾತ್ಮಕ ಹಾಗೂ ಸೇಡಿನ ಹಂದರ ಹೊಂದಿರುವ ಚಿತ್ರ. ‘ಕ್ಷಣಂ’ ಚಿತ್ರೀಕರಣದ ಸಮಯದಲ್ಲಿ, ಶೇಣೈಲ್ ದೇವ್ ನನಗೆ ಒಂದು ಸಣ್ಣ ಚಿತ್ರವನ್ನು ತೋರಿಸಿದರು. ಈ ಸಣ್ಣ ಚಿತ್ರವು ಕಾನ್ಸ್ ಚಲನಚಿತ್ರೋತ್ಸವಕ್ಕೆ ಆಯ್ಕೆಯಾಗಿದೆ ಎಂದು ಅವರು ನನಗೆ ತಿಳಿಸಿದ್ದು, ಅವರ ಪ್ರತಿಭೆಯಿಂದ ನಾನು ಆಶ್ಚರ್ಯಚಕಿತನಾದೆ, ಮತ್ತು ಆಗಲೇ ಅವರನ್ನು ನಿರ್ದೇಶಕರನ್ನಾಗಿ ಮಾಡಲು ನಾನು ನಿರ್ಧರಿಸಿದೆ.” ಎಂದು ಹೇಳಿದ್ದಾರೆ.
View this post on Instagram
Loading ...