ಮಧ್ಯಪ್ರದೇಶದ ಉಜ್ಜಯಿನಿ ನಗರದಲ್ಲಿ 20 ವರ್ಷದ ಯುವತಿ ಗಾಳಿಪಟದ ದಾರದಿಂದ ಜೀವ ಕಳೆದುಕೊಂಡಿದ್ದಾರೆ. `ಚೈನೀಸ್ ಸ್ಟ್ರಿಂಗ್'(ಗಾಜಿನಿಂದ ಲೇಪಿತವಾದ ದಾರ) ಕತ್ತು ಸೀಳಿ ಪ್ರಾಣ ಅವರು ಕಳೆದುಕೊಂಡಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಮಾಧವ್ ನಗರ ಪೊಲೀಸ್ ಠಾಣಾ ವ್ಯಾಪ್ತಿಯ ಝೀರೋ ಪಾಯಿಂಟ್ ಬ್ರಿಡ್ಜ್‌ನಲ್ಲಿ ಯುವತಿ ಸ್ನೇಹಿತನೊಂದಿಗೆ ಸ್ಕೂಟರ್‌ನಲ್ಲಿ ಹೋಗುತ್ತಿದ್ದಾಗ ಈ ಘಟನೆ ನಡೆದಿದೆ ಎಂದು ಹೆಚ್ಚುವರಿ ಪೊಲೀಸ್ ವರಿಷ್ಠಾಧಿಕಾರಿ ರವೀಂದ್ರ ವರ್ಮಾ ತಿಳಿಸಿದ್ದಾರೆ.
ಗಾಳಿಪಟದ ದಾರವು ಆಕೆಯ ಕುತ್ತಿಗೆಯನ್ನು ಸೀಳಿದ್ದು, ಅವಳು ಸ್ಥಳದಲ್ಲೇ ಸಾವನ್ನಪ್ಪಿದ್ದಾಳೆ. ಪ್ರಕರಣ ದಾಖಲಾಗಿದ್ದು, ಗಾಳಿಪಟ ಹಾರಿಸುತ್ತಿದ್ದ ವ್ಯಕ್ತಿಗಾಗಿ ಶೋಧ ನಡೆಸಲಾಗಿದೆ. ಪೊಲೀಸರು ಆ ಪ್ರದೇಶದ ಸಿಸಿಟಿವಿ ದೃಶ್ಯಾವಳಿಗಳನ್ನು ಸಹ ಪರಿಶೀಲನೆ ಮಾಡುತ್ತಿದ್ದಾರೆ ಎಂದು ವರ್ಮಾ ಹೇಳಿದ್ದಾರೆ.
ಸಾಮಾನ್ಯವಾಗಿ `ಚೈನೀಸ್ ಸ್ಟ್ರಿಂಗ್’ ಎಂದು ಕರೆಯಲ್ಪಡುವ ಪುಡಿಮಾಡಿದ ಗಾಜಿನ-ಲೇಪಿತ ದಾರದ ಸರಬರಾಜುದಾರರು ಮತ್ತು ಮಾರಾಟಗಾರರ ವಿರುದ್ಧವೂ ಪೊಲೀಸರು ಕ್ರಮ ತೆಗೆದುಕೊಳ್ಳಲಿದ್ದಾರೆ ಎಂದು ಅವರು ತಿಳಿಸಿದ್ದಾರೆ.
ದಾರವನ್ನು ಪುಡಿಮಾಡಿದ ಗಾಜಿನಿಂದ ಲೇಪಿಸಲಾಗಿದೆ. ಅದನ್ನು ರೇಜರ್-ಶಾರ್ಪ್ ಮಾಡಲು ಮತ್ತು ಆಕಾಶದಲ್ಲಿ ಹಾರುವ ಇತರ ಗಾಳಿಪಟಗಳನ್ನು `ಕತ್ತರಿಸಲು’ ಸಕ್ರಿಯಗೊಳಿಸುತ್ತದೆ. ಕೆಲವೊಮ್ಮೆ ಜನರು ಅದರಲ್ಲೂ ಬೈಕ್ ಸವಾರರು ದಾರಕ್ಕೆ ಸಿಲುಕಿ ಬೀಳುವ, ಕೆಲವೊಮ್ಮೆ ಪ್ರಾಣಾಪಾಯದಿಂದ ಪಾರಾದ ಘಟನೆಗಳು ಪ್ರತಿ ವರ್ಷ ಮಕರ ಸಂಕ್ರಾಂತಿ ಹಬ್ಬದಂದು ವರದಿಯಾಗುತ್ತಿವೆ. ಅನೇಕ ಸ್ಥಳಗಳಲ್ಲಿ, ಅಂತಹ ದಾರವನ್ನು ಬಳಸುವುದು ಕಾನೂನುಬಾಹಿರವಾಗಿದೆ.
Loading ...