‘ಕುಲಗುರು’ಗಳಾಗಲಿದ್ದಾರೆ ವಿವಿ ‘ಕುಲಪತಿ’ಗಳು: ಮರು ನಾಮಕರಣಕ್ಕೆ ಚಿಂತನೆ

ಭೋಪಾಲ್: ಮಧ್ಯ ಪ್ರದೇಶ ಸರ್ಕಾರ ವಿಶ್ವವಿದ್ಯಾಲಯದ ಕುಲಪತಿಗಳನ್ನು ಕುಲಪತಿ ಎಂದು ಕರೆಯುವ ಬದಲು ಕುಲಗುರು ಎಂದು ಮರುನಾಮಕರಣ ಮಾಡಲು ಚಿಂತನೆ ನಡೆಸಿದೆ.

ಮಧ್ಯಪ್ರದೇಶದ ಉನ್ನತ ಶಿಕ್ಷಣ ಸಚಿವ ಮೋಹನ್ ಯಾದವ್ ಅವರು ಈ ಬಗ್ಗೆ ಮಾಹಿತಿ ನೀಡಿದ್ದಾರೆ. ಹಿಂದಿಯಲ್ಲಿ ಜಿಲ್ಲಾಧಿಕಾರಿಗಳನ್ನು ಜಿಲ್ಲಾಧೀಶ ಎನ್ನಲಾಗುತ್ತದೆ. ಅದು ರಾಜ ಎಂಬುದನ್ನು ಪ್ರತಿನಿಧಿಸುತ್ತದೆ. ಕುಲಪತಿಗಿಂತ ಕುಲಗುರು ಎನ್ನುವುದು ಸೂಕ್ತವೆಂಬ ಉದ್ದೇಶವಿದೆ.

ಹೀಗಾಗಿ ವಿವಿಗಳ ಕುಲಪತಿಗಳಿಗೆ ಕುಲಗುರು ಎಂದು ಮರುನಾಮಕರಣ ಮಾಡಲು ಚಿಂತನೆ ನಡೆಸಲಾಗಿದ್ದು, ಮುಖ್ಯಮಂತ್ರಿ ನೇತೃತ್ವದಲ್ಲಿ ನಡೆಯಲಿರುವ ಸಂಪುಟ ಸಭೆಯಲ್ಲಿ ಈ ಬಗ್ಗೆ ಪ್ರಸ್ತಾಪವಿಡಲಿದ್ದು, ಅನುಮೋದನೆ ದೊರೆತರೆ ಮರುನಾಮಕರಣ ಮಾಡಲಾಗುವುದು ಎಂದು ತಿಳಿಸಿದ್ದಾರೆ.