ನೋಡನೋಡುತ್ತಿದ್ದಂತೆ ಡಿಸಿ ಕನ್ನಡಕ ಎಗರಿಸಿ ಮಂಗ ಪರಾರಿ…!

ಮಥುರಾ ಜಿಲ್ಲಾ ಮ್ಯಾಜಿಸ್ಟ್ರೇಟ್​ ಅವರ ಕನ್ನಡಕವನ್ನು ಕೋತಿಯೊಂದು ಎಗರಿಸಿದ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದೆ.
ವೃಂದಾವನ ಮಥುರಾದ ಬಂಕೆ ಬಿಹಾರಿ ದೇವಸ್ಥಾನದಲ್ಲಿ ಜನ್ಮಾಷ್ಟಮಿಯಂದು ಸಂಭವಿಸಿದ ಕಾಲ್ತುಳಿತ ಘಟನೆಯ ತನಿಖೆಗಾಗಿ ಜಿಲ್ಲಾ ಮ್ಯಾಜಿಸ್ಟ್ರೇಟ್​ ನವನೀತ್​ ಸಿಂಗ್​ ಚಾಹಲ್​, ಎಸ್​ಎಸ್​ಪಿ ಭಾನುವಾರ ಆಗಮಿಸಿದ್ದಾಗ ಈ ಘಟನೆ ನಡೆದಿದೆ.

ಅವರು ಸಹೋದ್ಯೋಗಿಗಳೊಂದಿಗೆ ಚರ್ಚೆ ನಡೆಸುತ್ತಿದ್ದಾಗ ಕೋತಿಯು ಅಧಿಕಾರಿಯ ಮೇಲೆ ಹಾರಿ ಕನ್ನಡಕದೊಂದಿಗೆ ಓಡಿಹೋಯಿತು. ಕನ್ನಡಕದೊಂದಿಗೆ ಕಟ್ಟಡದ ಮೇಲೆ ಕುಳಿತ ಕೋತಿ ವೀಕ್ಷಿಸಲು ರಸ್ತೆಗಳಲ್ಲಿ ಅಪಾರ ಸಂಖ್ಯೆಯ ಜನರು ಸೇರಿದ್ದರು. ಅಂತಿಮವಾಗಿ ಕನ್ನಡಕವನ್ನು ಮರಳಿ ಪಡೆಯುವಲ್ಲಿ ಯಶಸ್ವಿಯಾದರು.

ಜನ್ಮಾಷ್ಟಮಿಯಂದು ಮಂಗಲ ಆರತಿಯ ಸಂದರ್ಭದಲ್ಲಿ ವೃಂದಾವನದ ಬಂಕೆ ಬಿಹಾರಿ ದೇವಸ್ಥಾನದಲ್ಲಿ ಉಸಿರುಗಟ್ಟುವಿಕೆ ಮತ್ತು ಕಾಲ್ತುಳಿತದಿಂದ ಸಾವನ್ನಪ್ಪಿದ ಘಟನೆಯ ತನಿಖೆಗಾಗಿ ಉತ್ತರ ಪ್ರದೇಶ ಸರ್ಕಾರವು ಸಮಿತಿಯನ್ನು ರಚಿಸಿದೆ. ಮಂಗಲ ಆರತಿ ವೇಳೆ ದೇವಸ್ಥಾನದಲ್ಲಿ ಭಾರಿ ಜನಸ್ತೋಮ ನೆರೆದಿದ್ದರಿಂದ ಉಸಿರುಗಟ್ಟಿ ಇಬ್ಬರು ಸಾವನ್ನಪ್ಪಿದ್ದು, ಹಲವರು ಅಸ್ವಸ್ಥಗೊಂಡಿದ್ದರು.