ಬೈಕ್​ ಚಕ್ರಕ್ಕೆ ಸಿಲುಕಿದ ಕೋತಿಯನ್ನು ರಕ್ಷಿಸಿದ ಜನ: ಮನ ಮಿಡಿಯುವ ವಿಡಿಯೋ ವೈರಲ್​

ನೋಯ್ಡಾ: ಬೈಕ್‌ನ ಚಕ್ರಗಳ ಮಧ್ಯೆ ಸಿಲುಕಿಕೊಂಡಿದ್ದ ಕೋತಿಯನ್ನು ಜನರ ಗುಂಪೊಂದು ರಕ್ಷಿಸಲು ಯತ್ನಿಸುತ್ತಿರುವ ಹೃದಯಸ್ಪರ್ಶಿ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.

ಉತ್ತರ ಪ್ರದೇಶದ ಬಾರಾಬಂಕಿಯ ಬಡೋಸರೈ ಪ್ರದೇಶದಲ್ಲಿ ಕೋತಿ ರಸ್ತೆ ದಾಟಲು ಯತ್ನಿಸುವ ವೇಳೆ ಈ ಘಟನೆ ನಡೆದಿದೆ. ಘಟನೆಯ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದೆ.

ರಸ್ತೆಯನ್ನು ದಾಟುವ ಪ್ರಯತ್ನದಲ್ಲಿ ವೇಗವಾಗಿ ಹೋಗಿದೆ. ಆ ಸಂದರ್ಭದಲ್ಲಿ ಅದು ಬೈಕ್​ ಚಕ್ರಕ್ಕೆ ಸಿಲುಕಿಬಿಟ್ಟಿದೆ. ಈ ಸಂದರ್ಭದಲ್ಲಿ ಸವಾರ ಬೈಕ್​ ಚಲಿಸುತ್ತಿದ್ದ. ಅದೃಷ್ಟವಶಾತ್​ ಆತ ತಕ್ಷಣ ಬ್ರೇಕ್​ ಹಾಕಿದ್ದಾನೆ. ಇದರಿಂದ ಆತನ ಪ್ರಾಣವೂ ಉಳಿದಿದೆ, ಜತೆಗೆ ಕೋತಿಯ ಪ್ರಾಣವೂ ಉಳಿದಿದೆ. ಆದರೆ ಕೋತಿ ಆಘಾತಕ್ಕೆ ಒಳಗಾಗಿತ್ತು. ಅಲ್ಪಸ್ವಲ್ಪ ಗಾಯಗಳಾಗಿದ್ದು, ಅದನ್ನು ಚಕ್ರದಿಂದ ತೆಗೆಯುವಲ್ಲಿ ಜನರು ಯಶಸ್ವಿಯಾಗಿದ್ದು, ಇಂಥದ್ದೊಂದು ಸತ್ಕಾರ್ಯ ಮಾಡಿದುದಕ್ಕೆ ನೆಟ್ಟಿಗರು ಶ್ಲಾಘನೆ ವ್ಯಕ್ತಪಡಿಸುತ್ತಿದ್ದಾರೆ.