ಟೋಕಿಯೋ ಒಲಿಂಪಿಕ್ನಲ್ಲಿ ಭಾರ ಎತ್ತುವ ಸ್ಪರ್ಧೆಯಲ್ಲಿ ರಜತ ಪದಕ ಗಳಿಸಿರುವ ಸಾಯಿಕೋಮ್ ಮೀರಾಬಾಯಿ ಚಾನು ಜನಮನ್ನಣೆಗೆ ಪಾತ್ರರಾಗಿದ್ದಾರೆ. ಸಂಪೂರ್ಣ ಭಾರತವೇ ಹೆಮ್ಮೆ ಪಡುವಂತೆ ಮಾಡಿದ ಈ ಮಹಿಳಾ ಕ್ರೀಡಾಪಟು ಪ್ರಶಸ್ತಿ ಗಳಿಸುವ ಸಲುವಾಗಿ ಸವೆಸಿದ ಹಾದಿ ಮಾತ್ರ ತುಂಬಾನೇ ಕಠಿಣವಾಗಿತ್ತು.
ಯಶಸ್ಸು ಸಿಕ್ಕ ಬಳಿಕ ತಾವು ಸಾಗಿ ಬಂದ ಹಾದಿಯನ್ನ ಮಾತ್ರ ಸಾಯಿಕೋಮ್ ಮೀರಾಬಾಯಿ ಚಾನು ಮರೆತಂತೆ ಕಾಣುತ್ತಿಲ್ಲ. ಒಲಿಂಪಿಕ್ನಲ್ಲಿ ಬೆಳ್ಳಿ ಪದಕ ಸಂಪಾದಿಸುವ ಮುನ್ನ ಇಂಫಾಲ್ನಲ್ಲಿರುವ ತರಬೇತಿ ಕೇಂದ್ರಕ್ಕೆ ತೆರಳಲು ಮೀರಾಬಾಯಿ ಟ್ರಕ್ ಚಾಲಕರ ನೆರವನ್ನು ಪಡೆಯುತ್ತಿದ್ದರಂತೆ. ಅನೇಕ ಟ್ರಕ್ ಚಾಲಕರು ಮೀರಾಬಾಯಿಯನ್ನು ಉಚಿತವಾಗಿ ಹಾಗೂ ಸುರಕ್ಷಿತವಾಗಿ ತರಬೇತಿ ಕೇಂದ್ರಕ್ಕೆ ತಲುಪಿಸುತ್ತಿದ್ದರಂತೆ.
ಆದರೆ ಪದಕ ಸಂಪಾದನೆ ಮಾಡಿದ ಬಳಿಕ ಟ್ರಕ್ ಚಾಲಕರ ಸಹಾಯವನ್ನು ಮರೆಯದ ಮೀರಾಬಾಯಿ ಇವರೆನ್ನೆಲ್ಲ ಭೇಟಿ ಮಾಡಬೇಕೆಂದು ಕಾತುರರಾಗಿದ್ದಾರೆ. ನೊಂಗ್ಪೋಕ್ ಕಕ್ಚಿಂಗ್ ಗ್ರಾಮದಲ್ಲಿ ಖುಮನ್ ಲಾಂಪಕ್ ಸ್ಪೋರ್ಟ್ಸ್ ಕಾಂಪ್ಲೆಕ್ಸ್ಗೆ ಉಚಿತವಾಗಿ ಟ್ರಕ್ನಲ್ಲಿ ಕರೆದುಕೊಂಡು ಹೋಗುತ್ತಿದ್ದ ಟ್ರಕ್ ಚಾಲಕರ ಭೇಟಿಗೆ ಕಾಯುತ್ತಿರೋದಾಗಿ ಮೀರಾಬಾಯಿ ಹೇಳಿದ್ದಾರೆ.
Loading ...