ಮದುವೆ ನಂತರ “ಮೆರ್ರಿ‌ ಕ್ರಿಸ್ಮಸ್” ಗಿಫ್ಟ್ ನೀಡಿದ ಕತ್ರಿನಾ ಕೈಫ್

ಮದುವೆಯಾದ ನಂತರ ತಮ್ಮ ಮೊದಲ ಪ್ರಾಜೆಕ್ಟ್ ಅನೌನ್ಸ್ ಮಾಡಿರುವ ಕತ್ರೀನಾ ಕೈಫ್ ತಮ್ಮ ಅಭಿಮಾನಿಗಳಿಗೆ ಕ್ರಿಸ್ಮಸ್ ಗಿಫ್ಟ್ ನೀಡಿದ್ದಾರೆ.

ನಟ ವಿಕ್ಕಿ ಕೌಶಲ್ ಅವರೊಂದಿಗಿನ ವಿವಾಹದ ನಂತರ, ಕತ್ರಿನಾ, ಶ್ರೀರಾಮ್ ರಾಘವನ್ ಅವರನ್ನ ಮುಂಬೈನಲ್ಲಿ ಭೇಟಿಯಾಗಿದ್ದರು. ಇವರಿಬ್ಬರ ಭೇಟಿಯ ಚಿತ್ರಗಳು ಎಲ್ಲೆಡೆ ವೈರಲ್ ಆಗಿದ್ದವು.

ಕತ್ರಿನಾ ನೆಕ್ಸ್ಟ್ ಮೂವೀ ಶ್ರೀರಾಮ್ ಅವ್ರೊಂದಿಗೆ ಮಾಡುತ್ತಾರ ಅನ್ನೋ ಸುದ್ದಿ ಎಲ್ಲೆಡೆ ಚರ್ಚೆಯಾಗ್ತಿತ್ತು.

ಸಧ್ಯ ಈ ಎಲ್ಲಾ ಊಹಾಪೋಹಗಳಿಗೆ ಖುದ್ದು ಮಿಸಸ್ ಕೌಶಲ್ ಉತ್ತರ ನೀಡಿದ್ದು, ಮೆರ್ರಿ ಕ್ರಿಸ್ಮಸ್ ಚಿತ್ರದ ಘೋಷಣೆಯನ್ನ ಕ್ರಿಸ್ಮಸ್ ದಿನದಂದೇ ಮಾಡಿದ್ದಾರೆ.

ಈ ಬಗ್ಗೆ ತಮ್ಮ ಸೋಷಿಯಲ್ ಮೀಡಿಯಾದಲ್ಲಿ ಅಧಿಕೃತವಾಗಿ ಪೋಸ್ಟ್ ಮಾಡಿರುವ ಕತ್ರೀನಾ, ಹೊಸ ಆರಂಭದ ಬಗ್ಗೆ ಹೇಳಿದ್ದಾರೆ. ಶ್ರೀರಾಮ್ ರಾಘವನ್ ರ, ಮೆರ್ರಿ ಕ್ರಿಸ್ಮಸ್ ಮೂಲಕ ಸೆಟ್ ಗೆ ಹಿಂತಿರುಗುತ್ತಿದ್ದೇನೆ. ನನಗೆ ಯಾವಾಗಲೂ ಶ್ರೀರಾಮ್ ರಾಘವನ್ ಅವರೊಂದಿಗೆ ಕೆಲಸ ಮಾಡುವ ಆಸೆಯಿತ್ತು. ಥ್ರಿಲ್ಲರ್ ಕಥೆಗಳಿಗೆ ಉತ್ತಮ ನಿರೂಪಣೆ ಮೂಲಕ ಜೀವತುಂಬುವ ಇವರು ಥ್ರಿಲ್ಲರ್ ಕಥೆಗಳ ಮಾಸ್ಟರ್ ಎಂದು ತಮ್ಮ ನಿರ್ದೇಶಕರನ್ನ ಹೊಗಳಿದ್ದಾರೆ.

ಜೊತೆಗೆ ಚಿತ್ರದ ನಾಯಕ ವಿಜಯ್ ಸೇತುಪತಿ ಹಾಗೂ ನಿರ್ಮಾಪಕರಾದ ರಮೇಶ್ ತೌರಾನಿ ಹಾಗೂ ಸಂಜಯ್ ಅವ್ರನ್ನ ಟ್ಯಾಗ್ ಮಾಡಿ ನಿಮ್ಮೊಂದಿಗೆ ಕೈಜೋಡಿಸಲು ಉತ್ಸುಕಳಾಗಿದ್ದೇನೆ ಎಂದಿದ್ದಾರೆ.