ಸ್ವಾತಂತ್ರ್ಯ ಹೋರಾಟಗಾರನಿಗೆ ʼಪಿಂಚಣಿʼ ನೀಡುವ ವಿಚಾರದಲ್ಲಿ ಬಾಂಬೆ ಹೈಕೋರ್ಟ್ ಮಹತ್ವದ ಆದೇಶ

1948ರ ಹೈದರಾಬಾದ್​ ಮುಕ್ತಿ ಸಂಗ್ರಾಮದಲ್ಲಿ ಭೂಗತ ಸ್ವಯಂ ಸೇವಕರಾಗಿ ಭಾಗವಹಿಸಿದ್ದಕ್ಕಾಗಿ ಸ್ವಾತಂತ್ರ್ಯ ಹೋರಾಟಗಾರ ಪಿಂಚಣಿಗಾಗಿ ವ್ಯಕ್ತಿಯೊಬ್ಬನ ಹಕ್ಕನ್ನು ತಿರಸ್ಕರಿಸಿದ ಮಹಾರಾಷ್ಟ್ರ ಸರ್ಕಾರದ ಆದೇಶವನ್ನು ಬಾಂಬೆ ಹೈಕೋರ್ಟ್​ನ ಔರಂಗಾಬಾದ್​ನ ನ್ಯಾಯಪೀಠವು ಎತ್ತಿ ಹಿಡಿದಿದೆ.

ಔರಾಂಗಾಬಾದ್​​ನ ಕನ್ಹೂಜಿ ಹಿವ್ರಾಲೆ(78) ರಿಗೆ ಸ್ವಾತಂತ್ರ್ಯ ಹೋರಾಟಗಾರರ ಪಿಂಚಣಿಯ ಹಕ್ಕನ್ನು ತಿರಸ್ಕರಿಸುವ ಮಹಾರಾಷ್ಟ್ರ ಸರ್ಕಾರದ ಆದೇಶವನ್ನು ರದ್ದುಗೊಳಿಸುವಂತೆ ಕೋರ್ಟ್ ಮೆಟ್ಟಿಲೇರಿದ್ದರು.

ಕನ್ಹೂಜಿ ಹಿವ್ರಾಲೆ ಹೈದರಾಬಾದ್​ ಮುಕ್ತಿ ಸಂಗ್ರಾಮದ ಸದಸ್ಯರಾಗಿದ್ದರು. ಹಾಗೂ ಭೂಗತ ಸ್ವಾತಂತ್ರ್ಯ ಹೋರಾಟಗಾರರಾಗಿದ್ದರು. ಇವರು ಸ್ವಾತಂತ್ರ್ಯಕ್ಕಾಗಿ ಹೋರಾಡಿದ್ದರು. ಹಿಂದಿನ ನಿಜಾಮ್​ ಸರ್ಕಾರದ ವಿರುದ್ಧ ಪ್ರಚಾರ ಮಾಡಿದ್ದರು. ಚಳವಳಿಗೆ ನಿಧಿ ಸಂಗ್ರಹ ಮಾಡಿದ್ದರು. ಕಾರ್ಮಿಕರಿಗೆ ಶಸ್ತ್ರಾಸ್ತ್ರಗಳನ್ನು ಪೂರೈಸುವ ಕಾರ್ಯ ಮಾಡಿದ್ದರು. ಪೊಲೀಸ್​​ ಚಲನವಲನಗಳ ಬಗ್ಗೆ ಮಾಹಿತಿ ನೀಡುತ್ತಿದ್ದರು. ಪೊಲೀಸರ ಮೇಲೆ ದಾಳಿ ನಡೆಸಿದ್ದರು. ಆದರೆ ಎಂದಿಗೂ ಅವರು ಬಂಧನಕ್ಕೊಳಗಾಗಿರಲಿಲ್ಲ.

ಹಿವ್ರಾಲೆ ಪಿಂಚಣಿ ಪಡೆಯಲು ಅರ್ಹರಾಗಿದ್ದಾರೆ. 2003ರಲ್ಲಿ ಮಹಾರಾಷ್ಟ್ರ ಸರ್ಕಾರಕ್ಕೆ ಸ್ವತಂತ್ರ ಸೈನಿಕ ಸನ್ಮಾನ್​​ ಪಿಂಚಣಿಗೆ ಅರ್ಜಿ ಸಲ್ಲಿಸಿದ್ದರು ಎಂದು ಹಿವ್ರಾಲೆ ಪರ ವಕೀಲರು ವಾದಿಸಿದ್ದರು.