ಕೇರಳದ ಅತ್ಯಂತ ಶ್ರೀಮಂತ ವ್ಯಕ್ತಿ ರವಿ ಪಿಳ್ಳೈ ತಮ್ಮ ಮಗಳ ವಿವಾಹವನ್ನು ಅದ್ಧೂರಿಯಾಗಿ ಆಯೋಜಿಸಿದ್ದು, ಅದೀಗ ವೈರಲ್ ಆಗಿದೆ. ಮಧ್ಯಪ್ರಾಚ್ಯದ ಅತ್ಯಂತ ಶಕ್ತಿಶಾಲಿ ಭಾರತೀಯರಲ್ಲಿ ಒಬ್ಬರಾಗಿರುವ ರವಿ ಪಿಳ್ಳೈ, ವೃತ್ತಿಯಲ್ಲಿ ವೈದ್ಯರಾದ ಆದಿತ್ಯ ವಿಶು ಅವರ ಜೊತೆ ಮಗಳು ಆರತಿ ಪಿಳ್ಳೈ ಅವರ ಮದುವೆಗೆ 55 ಕೋಟಿ ರೂಪಾಯಿ ಖರ್ಚು ಮಾಡಿ ನವೆಂಬರ್ 26, 2015 ರಂದು, ಕೇರಳದ ಕೊಲ್ಲಂನಲ್ಲಿ ಮದುವೆ ನೆರವೇರಿಸಿದ್ದು, ಅದೀಗ ಸಾಮಾಜಿಕ ಜಾಲತಾಣದಲ್ಲಿ ಮತ್ತೆ ಸದ್ದು ಮಾಡುತ್ತಿದೆ.
ಮದುವೆಯಲ್ಲಿ 42 ದೇಶಗಳಿಂದ ಒಟ್ಟು 30,000 ಅತಿಥಿಗಳೊಂದಿಗೆ ಟಾಪ್ ಜಾಗತಿಕ ಸಿಇಒಗಳು ಭಾಗವಹಿಸಿದ್ದರು. ಕತಾರ್‌ನ ರಾಜಮನೆತನದವರೂ ಅದ್ದೂರಿ ವಿವಾಹದಲ್ಲಿ ಪಾಲ್ಗೊಂಡಿದ್ದರು.
ಅಂದಹಾಗೆ ರವಿ ಪಿಳ್ಳೆ ಅವರನ್ನು ಕೇರಳದ ಅತ್ಯಂತ ಶ್ರೀಮಂತ ವ್ಯಕ್ತಿ ಎಂದು ಪರಿಗಣಿಸಲಾಗಿದೆ ಮತ್ತು ಅವರು ಸ್ವಯಂ-ನಿರ್ಮಿತ ವ್ಯಾಪಾರ ಉದ್ಯಮಿಯಾಗಿದ್ದಾರೆ. ಅವರು 100 ಕೋಟಿ ರೂಪಾಯಿಗಳ ಏರ್‌ಬಸ್ H145 ಹೆಲಿಕಾಪ್ಟರ್ ಅನ್ನು ಹೊಂದಿದ ಮೊದಲ ಭಾರತೀಯರಾಗಿದ್ದಾರೆ.
ಬಡತನದಿಂದ ಹೋರಾಡುತ್ತಿರುವ ರೈತನ ಮಗನಾಗಿ ಜನಿಸಿದ ಪಿಳ್ಳೈ ಅವರು, ಆರ್‌ಪಿ ಗ್ರೂಪ್‌ನ ಬಹು-ಮಿಲಿಯನ್ ಡಾಲರ್ ಸಾಮ್ರಾಜ್ಯವನ್ನು ಸ್ಥಾಪಿಸಿದ ಕಾರಣ ಅವರ ಸಂಕಲ್ಪದಿಂದ ಯಶಸ್ವಿಯಾಗಿದ್ದಾರೆ. ಅವರ ಬಳಿ ಐಷಾರಾಮಿ ಹೋಟೆಲ್‌ಗಳು, ಉಕ್ಕು, ಅನಿಲ, ತೈಲ, ಸಿಮೆಂಟ್ ಕಂಪನಿಗಳು ಮತ್ತು ಶಾಪಿಂಗ್ ಮಾಲ್‌ಗಳಿವೆ.
Loading ...