ಟಾಪ್ ಸ್ಥಾನದಲ್ಲಿದ್ದ ನಟಿಯ ಯಶಸ್ಸನ್ನೇ ನಾಶ ಮಾಡಿತ್ತು ಖಾಸಗಿ ವಿಡಿಯೋ….!

ಚಿತ್ರರಂಗದಲ್ಲಿ ಟಾಪ್ 1 ಸ್ಥಾನವನ್ನು ಎಲ್ಲಾ ಕಾಲಕ್ಕೂ ಉಳಿಸಿಕೊಳ್ಳುವುದು ಕಷ್ಟ. ಕೆಲವೊಮ್ಮೆ ಇದು ಬೇರೆಯವರ ಪ್ರವೇಶದಿಂದ ನಂಬರ್ 1 ಸ್ಥಾನ ಕೆಳಗೆ ಬಿದ್ದರೆ ಕೆಲವೊಮ್ಮೆ ಆ ಸ್ಥಾನವನ್ನ ಖುದ್ದು ಕಲಾವಿದರೇ ಕಳೆದುಕೊಂಡುಬಿಡುತ್ತಾರೆ. ಅಂಥವರ ಗುಂಪಿಗೆ ಒಂದು ಕಾಲದಲ್ಲಿ ಟಾಪ್ ಸ್ಥಾನದಲ್ಲಿದ್ದ ನಟಿ ರಿಯಾ ಸೇನ್ ಸೇರುತ್ತಾರೆ.

ರಿಯಾ ಸೇನ್ ಚಿತ್ರರಂಗದಲ್ಲಿ ತನ್ನ ವೃತ್ತಿಜೀವನವನ್ನು ಮೊದಲು ಪ್ರಾರಂಭಿಸಿದಾಗ ಭಾರತದ ದಿಟ್ಟ ಯುವ ಐಕಾನ್ ಎಂದು ಕರೆಯಲ್ಪಟ್ಟು ಪ್ರಸಿದ್ಧ ನಟಿಯಾಗಿದ್ದರು. ಆದರೆ ಒಂದು ವೀಡಿಯೊ ಅವರ ವೃತ್ತಿಜೀವನವನ್ನು ಹಾಳುಮಾಡಿಬಿಟ್ಟಿತು. ಈಗ ಚಲನಚಿತ್ರಗಳಲ್ಲಿ ಮತ್ತು ಟಿವಿಯಲ್ಲಿ ಸಣ್ಣ ಪಾತ್ರಗಳನ್ನು ನಿರ್ವಹಿಸುತ್ತಿದ್ದಾರೆ.

ಅನೇಕ ಸೂಪರ್‌ಹಿಟ್ ಚಲನಚಿತ್ರಗಳನ್ನು ನೀಡಿದ ನಂತರ, ರಿಯಾ ಸೇನ್ ಅವರ ವೃತ್ತಿಜೀವನವು ಸರಿಯಾದ ಹಾದಿಯಲ್ಲಿ ಸಾಗುತ್ತಿದೆ ಎಂದುಕೊಳ್ಳುತ್ತಿದ್ದಾಗ ಅವರ ಖಾಸಗಿ ವೀಡಿಯೊ ಆನ್‌ಲೈನ್‌ನಲ್ಲಿ ಸೋರಿಕೆಯಾಗಿ ಅವರು ಬಾಲಿವುಡ್‌ನಿಂದ ಹೊರಹೋಗಬೇಕಾಯಿತು, ಇದು ವಿವಾದಕ್ಕೆ ಕಾರಣವಾಯಿತು.

ರಿಯಾ ಸೇನ್ ಹಿಂದಿ ಚಿತ್ರಗಳಲ್ಲಿ ಕಾಣಿಸಿಕೊಂಡು ಜನಪ್ರಿಯವಾಗಿಲ್ಲ.ಬದಲಾಗಿ ಅವರು ಬಂಗಾಳಿ, ತೆಲುಗು ಮತ್ತು ತಮಿಳು ಚಿತ್ರರಂಗದಲ್ಲಿ ಜನಪ್ರಿಯ. ಅವರಿಗೆ ಈಗ 43 ವರ್ಷ, ಆದರೆ ಸೌಂದರ್ಯ ಇನ್ನೂ ಹಾಗೇ ಇದೆ. ರಿಯಾ ಸೇನ್ ಅವರು 1998 ರಲ್ಲಿ 17 ನೇ ವಯಸ್ಸಿನಲ್ಲಿ ಫಲ್ಗುಣಿ ಪಾಠಕ್ ಅವರ ಸಂಗೀತ ವೀಡಿಯೊ ‘ಯಾದ್ ಪಿಯಾ ಕಿ ಆನೆ ಲಗೀ’ ನಲ್ಲಿ ಕಾಣಿಸಿಕೊಂಡರು.

ಆದಾಗ್ಯೂ, ರಿಯಾ ಸೇನ್ ಅದಕ್ಕಿಂತ ಮುಂಚೆಯೇ ತಮ್ಮ ಚಲನಚಿತ್ರ ವೃತ್ತಿಜೀವನವನ್ನು ಪ್ರಾರಂಭಿಸಿದರು. ಅವರು ಐದು ವರ್ಷದವಳಿದ್ದಾಗ, ತನ್ನ ತಾಯಿ ಮೂನ್ ಮೂನ್ ಸೇನ್ ಮಗಳಾಗಿ ಮೊದಲ ಬಾರಿಗೆ ತೆರೆಯ ಮೇಲೆ ನಟಿಸಿದರು. 1991 ರಲ್ಲಿ ಅವರು ‘ವಿಷ್ಕನ್ಯಾ’ ಚಿತ್ರದಲ್ಲಿ ಬಾಲ ನಟಿಯಾಗಿ ಕೆಲಸ ಮಾಡಿದರು. ಅವರ ಚಲನಚಿತ್ರ ವೃತ್ತಿಜೀವನದಲ್ಲಿ ಅವರ ಮೊದಲ ಸಕ್ಸಸ್ ಚಿತ್ರ 2001 ರಲ್ಲಿನ ‘ಸ್ಟೈಲ್’.

‘ಝಂಕಾರ್ ಬೀಟ್ಸ್’ (2003), ಮತ್ತು ಮಲಯಾಳಂ ಭಯಾನಕ ಚಿತ್ರ ‘ಅನಂತಭದ್ರಂ’ (2005) ನಲ್ಲೂ ರಿಯಾ ಸೇನ್ ನಟಿಸಿದರು. ರಿಯಾ ಸೇನ್ ರಾಜಮನೆತನಕ್ಕೆ ಸೇರಿದವರು. ಆಕೆಯ ತಂದೆ ಭರತ್ ದೇವ್ ವರ್ಮಾ ತ್ರಿಪುರಾದ ರಾಜಮನೆತನದಿಂದ ಬಂದವರು. ಅವರು ಕೂಚ್ ಬೆಹಾರ್‌ನ ರಾಜಕುಮಾರಿ ಇಳಾ ದೇವಿಯ ಮಗ ಮತ್ತು ಜೈಪುರದ ಮಹಾರಾಣಿ ಗಾಯತ್ರಿ ದೇವಿಯ ಸೋದರಳಿಯ. ಆಕೆಯ ತಾಯಿ ಮೂನ್ ಮೂನ್ ಸೇನ್ ಮತ್ತು ಅಜ್ಜಿ ಸುಚಿತ್ರಾ ಸೇನ್ ಹಿರಿಯ ನಟಿಯರಾಗಿದ್ದರು. ಅವರ ಸಹೋದರಿ ರೈಮಾ ಸೇನ್ ಕೂಡ ನಟಿ.

ರಿಯಾ ಸೇನ್ ಅವರ ವೃತ್ತಿಜೀವನವು ಸಾರ್ವಕಾಲಿಕ ಉತ್ತುಂಗದಲ್ಲಿದ್ದಾಗ, ಅವರ ವೈಯಕ್ತಿಕ ಜೀವನವೂ ಹೆಚ್ಚು ಚರ್ಚಿಸಲ್ಪಟ್ಟಿತು. ರಿಯಾ ಸೇನ್ ಅಕ್ಷಯ್ ಖನ್ನಾ ಮತ್ತು ಬರಹಗಾರ ಸಲ್ಮಾನ್ ರಶ್ದಿ ಅವರೊಂದಿಗೆ ಸಂಬಂಧ ಹೊಂದಿದ್ದರು. ಈಕೆಯ ಹೆಸರು ಭಾರತದ ಮಾಜಿ ಕ್ರಿಕೆಟಿಗ ಶ್ರೀಶಾಂತ್ ಜೊತೆಗೂ ತಳುಕು ಹಾಕಿಕೊಂಡಿತ್ತು.

ನಟ ಅಶ್ಮಿತ್ ಪಟೇಲ್ ಅವರೊಂದಿಗಿನ ಅವರ ಸಂಬಂಧ ಕೂಡ ಗಮನ ಸೆಳೆದಿತ್ತು. ಅವರ ಸಂಬಂಧದ ಸಮಯದಲ್ಲಿ, ಅವರಿಬ್ಬರ ಎಂಎಂಎಸ್ ಸೋರಿಕೆಯಾಯಿತು, ನಂತರ ಅನೇಕ ವಿವಾದಗಳು ಎದ್ದವು. ರಿಯಾ ಸೇನ್ ಅವರ ಎಂಎಂಎಸ್ ಅನ್ನು ಉದ್ದೇಶಪೂರ್ವಕವಾಗಿ ಸೋರಿಕೆ ಮಾಡಿದ್ದಾರೆ ಎಂದು ಹಲವರು ಆರೋಪಿಸಿದ್ದಾರೆ. ಇದು ರಿಯಾ ಸೇನ್ ಅವರ ವೃತ್ತಿಜೀವನದಲ್ಲಿ ತೀವ್ರ ಕುಸಿತಕ್ಕೆ ಕಾರಣವಾಯಿತು. ಅವರ ವೈಯಕ್ತಿಕ ಜೀವನಕ್ಕೆ ಸಂಬಂಧಿಸಿದಂತೆ, ರಿಯಾ ಸೇನ್ ಆಗಸ್ಟ್ 2017 ರಿಂದ ಶಿವಂ ತಿವಾರಿ ಅವರನ್ನು ವಿವಾಹವಾಗಿದ್ದಾರೆ.