ಪೇಟಿಎಂ ಸಿಇಓಗೆ ಇಮೇಲ್ ಕಳುಹಿಸಿದ ವ್ಯಕ್ತಿ: ಅಷ್ಟಕ್ಕೂ ಅದರಲ್ಲೇನಿತ್ತು ಗೊತ್ತಾ..?

ಪೇಟಿಎಂ ಸಿಇಒ ವಿಜಯ್ ಶೇಖರ್ ಶರ್ಮಾ ಆಗಾಗ್ಗೆ ಕೆಲವು ವಿಲಕ್ಷಣ ಇಮೇಲ್‌ ಗಳನ್ನು ಸ್ವೀಕರಿಸುತ್ತಾರೆ. ಇದೀಗ ಅವರು ಯಾರೋ ಕಳುಹಿಸಿದ ಅತ್ಯಂತ ಹಾಸ್ಯಾಸ್ಪದ ಇಮೇಲ್ ಅನ್ನು ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಂಡಿದ್ದಾರೆ.

ಈ ಇಮೇಲ್ ತನ್ನ ಸ್ಟಾರ್ಟ್ ಅಪ್ ಕಲ್ಪನೆಗೆ ಹಣವನ್ನು ಹುಡುಕುತ್ತಿರುವ ವ್ಯಕ್ತಿಯಿಂದ ಬಂದಿದ್ದು, ಇದು ಪಿಚ್ ಡೆಕ್‌ ಗಳನ್ನು ಹೇಗೆ ಬರೆಯಬಾರದು ಎಂಬ ಅಧ್ಯಯನವಾಗಿದೆ.

ಕಳೆದ 8 ತಿಂಗಳಲ್ಲಿ ತಾನು ಹೆಚ್ಚು ಅಧ್ಯಯನ ಮಾಡಿದ್ದೇನೆ ಎಂದು ವ್ಯಕ್ತಿ ಮೊದಲನೆಯದಾಗಿ ವಿವರಿಸುತ್ತಾನೆ. ಸಾಕ್ರೆಟೀಸ್‌ನಿಂದ ನ್ಯೂಟನ್‌, ಸ್ವಾಮಿ ವಿವೇಕಾನಂದರವರೆಗೆ….. 18 ವರ್ಷಗಳಲ್ಲಿ  ಶಾಲೆಯಲ್ಲಿ ಕಲಿತ ಎಲ್ಲವನ್ನೂ ಎಂಟು ತಿಂಗಳಲ್ಲಿ ಅಧ್ಯಯನ ಮಾಡಿರುವುದಾಗಿ ತಿಳಿಸಿದ್ದಾರೆ.

ಅವರು ಜೀವನದಲ್ಲಿ ಎರಡು ನಿಯಮಗಳ ಬಗ್ಗೆ ಮಾತನಾಡಲು ಬಯಸಿದ್ದಾರೆ. ಮೊದಲನೆಯದು ಟ್ರಿಲಿಯನ್ ಡಾಲರ್ ವ್ಯವಹಾರವನ್ನು ನಿರ್ಮಿಸಬಹುದೆಂಬ ಭರವಸೆ ಮತ್ತು ವಿಶ್ವದ ನಂಬರ್ ಒನ್ ಆಟಿಕೆ ಕಂಪನಿಯನ್ನು ನಿರ್ಮಿಸುವುದು ಅವರ ಗುರಿಯಾಗಿದೆ.

ಸರ್….. ನಾನು ಸಾಕಷ್ಟು ಹಣ ಸಂಪಾದಿಸಬಹುದು. ಈ ದಿನ ಮತ್ತು ಯುಗದಲ್ಲಿ, ಗಾಳಿ, ನೀರು, ಸ್ನೇಹಿತರು ಮತ್ತು ಕುಟುಂಬದ ನಂತರ ಹಣವು ಮುಖ್ಯವಾಗಿದೆ ಎಂದು ಅವರು ಹೇಳಿದ್ದಾರೆ.

ಅಂತಿಮವಾಗಿ ಆಟಿಕೆ ಕಂಪನಿಯನ್ನು ಪ್ರಾರಂಭಿಸುವ ಗುರಿಯನ್ನು ಹೊಂದಿದ್ದಾರೆ ಎಂದು ಹೇಳಲು ಇಚ್ಛಿಸಿದ್ದಾರೆ. ಮುಂದಿನ ಹಂತದಲ್ಲಿ ವಿಶ್ವದ ನಂಬರ್ ಒನ್ ಆಟಿಕೆ ಕಂಪನಿಯನ್ನು ನಿರ್ಮಿಸುವುದು ನನ್ನ ಗುರಿಯಾಗಿದೆ ಎಂದು ಅವರು ಹೇಳಿದ್ದಾರೆ.

ಅವರು ಐದು ಸಾಹಸೋದ್ಯಮ ಬಂಡವಾಳ ಕಂಪನಿಗಳನ್ನು ಸಂಪರ್ಕಿಸಿದ್ದಾರೆ. ಆದರೆ, ಅವರ ವ್ಯಾಪಾರ ಯೋಜನೆಗೆ ಹಣ ನೀಡಲು ಯಾರೂ ಒಪ್ಪಲಿಲ್ಲ. ತನ್ನ ಬಳಿ 1 ಟ್ರಿಲಿಯನ್ ಡಾಲರ್ ಹೊಂದಿದ್ದರೆ ಮತ್ತು ಯಾರಾದರೂ ತನ್ನ ಬಳಿ 0.01 ಶೇಕಡಾ ಕೇಳಿದ್ದರೆ, ಆ ವ್ಯಕ್ತಿಗೆ ಸುಲಭವಾಗಿ ಹಣ ನೀಡುತ್ತಿದ್ದೆ ಎಂಬುದಾಗಿ ಹೇಳಿದ್ದಾರೆ.

ಶರ್ಮಾ ಅವರು ತನ್ನ ಇನ್‌ಬಾಕ್ಸ್‌ನಿಂದ ಮತ್ತೊಂದು ಪತ್ರದ ಬಗ್ಗೆ ಪ್ರಸ್ತುತಪಡಿಸಿದ್ದಾರೆ. ಎರಡನೇ ಇಮೇಲ್‌ ನಲ್ಲಿ, ಹೈದರಾಬಾದ್‌ನ ವ್ಯಕ್ತಿ ಶಾಲಾ ವಿದ್ಯಾರ್ಥಿಗಳಿಗೆ ನೀಡಿದ ವರದಿ ಕಾರ್ಡ್‌ಗಳಂತೆಯೇ ಸಣ್ಣ ವ್ಯಾಪಾರದ ಮಾಲೀಕರಿಗೆ ‘ಪ್ರಗತಿ ವರದಿ’ ಆಪ್ ಅನ್ನು ನಿರ್ಮಿಸುವ ತನ್ನ ಕನಸನ್ನು ವಿವರಿಸಿದ್ದಾನೆ.

ಇನ್ನು ಈ ಇಮೇಲ್ ನೆಟ್ಟಿಗರನ್ನು ರಂಜಿಸಿದೆ. ಹಲವಾರು ಮಂದಿ ತಮಾಷೆಯ ರೀತಿಯಲ್ಲಿ ಈ ಪೋಸ್ಟ್ ಗೆ ಪ್ರತಿಕ್ರಿಯೆ ನೀಡಿದ್ದಾರೆ.