ಮಾರುತಿ ಸುಜುಕಿ ಜಿಮ್ನಿ SUV ಖರೀದಿಯಲ್ಲಿ ಸಿಗಲಿದೆ 1 ಲಕ್ಷ ರೂ.ವರೆಗಿನ ಲಾಭ…!

ಮಾರುತಿ ಸುಜುಕಿ ಜಿಮ್ನಿ ಈ ವರ್ಷದ ಬಹುನಿರೀಕ್ಷಿತ SUVಗಳ ಪೈಕಿ ಒಂದಾಗಿದೆ. ಹೀಗಾಗಿ ಜಿಮ್ನಿ ಎಸ್​ಯುವಿ ಭಾರತೀಯ ಆಟೋಮೊಬೈಲ್​ ಮಾರುಕಟ್ಟೆಯಲ್ಲಿ ಬಹುಬೇಗನೇ ಪ್ರಚಲಿತವನ್ನು ಪಡೆದುಕೊಳ್ಳುವಲ್ಲಿ ಯಶಸ್ವಿಯಾಗಿದೆ. ಮಾರುತಿ ಸುಜುಕಿ ಜಿಮ್ನಿ ಎಸ್​ಯುವಿ 1 ಲಕ್ಷ ರೂಪಾಯಿವರೆಗಿನ ಪ್ರಯೋಜನವನ್ನು ಹೊಂದಿದೆ. 50 ಸಾವಿರ ರೂಪಾಯಿವರೆಗಿನ ಫ್ಲಾಟ್​ ರಿಯಾಯಿತಿ ಹಾಗೂ 50 ಸಾವಿರ ರೂಪಾಯಿಯ ಹೆಚ್ಚುವರಿ ವಿನಿಮಯ ಬೋನಸ್​ ಹೊಂದಿದೆ.

ಈ ರಿಯಾಯಿತಿ ಕೊಡುಗೆಯು ಮಾನ್ಯುವಲ್​ ಹಾಗೂ ಆಟೊಮ್ಯಾಟಿಕ್​​ ಎರಡೂ ರೂಪಾಂತರಗಳಿಗೆ ಅನ್ವಯಿಸುತ್ತದೆ. ಕೆಲವು ವಿತರಕರು ಎಸ್​ಯುವಿಯ ರೂಪಾಂತರಗಳ ಮೇಲೆ ಹೆಚ್ಚುವರಿ ರಿಯಾಯಿತಿ ಸಹ ನೀಡುತ್ತಿದ್ದಾರೆ. ಇದುವರೆಗೆ 3000 ಯುನಿಟ್​​ಗಳನ್ನು ಮಾರುತಿ ಮಾರಾಟ ಮಾಡಿದೆ.

ಪವರ್‌ಟ್ರೇನ್‌ ವಿಚಾರಕ್ಕೆ ಬರೋದಾದ್ರೆ, ಮಾರುತಿ ಸುಜುಕಿ ಜಿಮ್ನಿ SUV 1.5-ಲೀಟರ್, 4-ಸಿಲಿಂಡರ್, ಪೆಟ್ರೋಲ್ ಎಂಜಿನ್‌ನಿಂದ ನಿಯಂತ್ರಿಸಲ್ಪಡುತ್ತದೆ. ಈ ಎಂಜಿನ್ 103bhp ಮತ್ತು 134.2Nm ಟಾರ್ಕ್ ಅನ್ನು ಉತ್ಪಾದಿಸುತ್ತದೆ. ಇದಲ್ಲದೆ, ಗೇರ್ ಬಾಕ್ಸ್ ಆಯ್ಕೆಗಳು 4-ಸ್ಪೀಡ್ ಆಟೋಮ್ಯಾಟಿಕ್ ಯುನಿಟ್ ಮತ್ತು 5-ಸ್ಪೀಡ್ ಮ್ಯಾನ್ಯುವಲ್ ಟ್ರಾನ್ಸ್ಮಿಷನ್ ಅನ್ನು ಒಳಗೊಂಡಿವೆ.

ಹೊಸ ಮಾರುತಿ ಸುಜುಕಿ ಜಿಮ್ನಿ ಎಸ್‌ಯುವಿಯು ಸುಜುಕಿಯ ಆಲ್‌ಗ್ರಿಪ್ ಪ್ರೊ 4ಡಬ್ಲ್ಯೂಡಿ ಸಿಸ್ಟಮ್‌ನೊಂದಿಗೆ ಬರುತ್ತದೆ, ಇದು ಉತ್ತಮ ಆಫ್-ರೋಡಿಬಿಲಿಟಿಗಾಗಿ ಕಡಿಮೆ-ಶ್ರೇಣಿಯ ಗೇರ್‌ಬಾಕ್ಸ್ ಅನ್ನು ಒಳಗೊಂಡಿದೆ. ಈ 4WD ವ್ಯವಸ್ಥೆಯು SUV ಯ ಸ್ವಯಂಚಾಲಿತ ಮತ್ತು ಹಸ್ತಚಾಲಿತ ರೂಪಾಂತರಗಳಿಗೆ ಸಾಮಾನ್ಯವಾಗಿದೆ.