ಗಾಲಿ ಕುರ್ಚಿಯ ಮೂಲಕ ಜೊಮ್ಯೋಟೊ ಬಾಯ್ ಡೆಲಿವರಿ; ಅಂಗವೈಕಲ್ಯತೆ ಮೆಟ್ಟಿ ನಿಂತ ಯುವಕನಿಗೆ ಶ್ಲಾಘನೆಗಳ ಮಹಾಪೂರ

ಜೀವನದಲ್ಲಿ ಸಾಧಿಸುವ ಗುರಿಯಿದ್ದರೆ ಏನು ಬೇಕಾದರೂ ಮಾಡಬಹುದು. ಅಂಥದ್ದೇ ಒಂದು ವಿಡಿಯೋವನ್ನು ಹಿಮಾಂಶು ಅವರು ಟ್ವಿಟ್ಟರ್‌ನಲ್ಲಿ ಹಂಚಿಕೊಂಡಿದ್ದಾರೆ.

ಮೋಟಾರು ಚಾಲಿತ ಗಾಲಿ ಕುರ್ಚಿಯ ಮೇಲೆ ಕುಳಿತಿರುವ ವ್ಯಕ್ತಿಯೊಬ್ಬ ಜೊಮ್ಯಾಟೊ ಡೆಲಿವರಿ ಬಾಯ್​ ಆಗಿರುವುದನ್ನುಇದು ತೋರಿಸುತ್ತದೆ.

ಜೊಮ್ಯಾಟೊ ಟೀ ಶರ್ಟ್ ಧರಿಸಿ, ಡೆಲಿವರಿ ಏಜೆಂಟ್ ಆಗುತ್ತಿದ್ದೇನೆ ಎಂದು ಈ ಯುವಕನಿಗೆ ತಿಳಿದಾಗ ಆತನ ಮೊಗದಲ್ಲಿ ಪ್ರಕಾಶಮಾನವಾದ ನಗುವನ್ನು ಮಿನುಗುವುದನ್ನು ನೋಡಬಹುದು.

ಈ ವಿಡಿಯೋದಲ್ಲಿ ದೀಪಗಳು ಹಸಿರು ಬಣ್ಣಕ್ಕೆ ತಿರುಗಿದ ನಂತರ ಮತ್ತು ಟ್ರಾಫಿಕ್ ಚಲಿಸಲು ಪ್ರಾರಂಭಿಸಿದ ನಂತರ ಡೆಲಿವರಿ ಏಜೆಂಟ್​ನನ್ನು ಜೂಮ್ ಮಾಡಿ ತೋರಿಸಲಾಗಿದೆ. ಆಗ ಆತ ಗಾಲಿಕುರ್ಚಿಯ ಮೇಲೆ ಕುಳಿತಿರುವುದನ್ನು ನೋಡಬಹುದು.

ಅನೇಕ ಮಂದಿ ಈತ ಎಲ್ಲರಿಗೂ ಸ್ಫೂರ್ತಿ ಎಂದು ಬರೆದಿದ್ದಾರೆ. ಗಾಲಿಕುರ್ಚಿಯ ಬೆಲೆಯನ್ನು ಕಡಿತಗೊಳಿಸುವುದರಿಂದ ಕಂಪನಿಯನ್ನು ಹಲವರು ಶ್ಲಾಘಿಸಿದ್ದಾರೆ.