ʼಓಲಾʼ ಸೇವಾ ಕೇಂದ್ರದಿಂದಲೇ ದೋಷಪೂರಿತ ಸ್ಕೂಟರ್‌ ಮಾಹಿತಿ ಹಂಚಿಕೊಂಡ ಗ್ರಾಹಕ | Video

ಗ್ರಾಹಕರ ಸೇವೆಗೆ ಸಂಬಂಧಿಸಿದಂತೆ ಸ್ಟ್ಯಾಂಡಪ್‌ ಕಮೆಡಿಯನ್ ಕುನಾಲ್ ಕಮ್ರಾ ಮತ್ತು ಓಲಾ ಸಿಇಒ ಭವಿಶ್ ಅಗರ್ವಾಲ್ ನಡುವಿನ ಇತ್ತೀಚಿನ ಘರ್ಷಣೆಯು ಸಾಮಾಜಿಕ ಮಾಧ್ಯಮದಲ್ಲಿ ಸಾಕಷ್ಟು ಚರ್ಚೆಯನ್ನು ಹುಟ್ಟುಹಾಕಿದೆ.

ಇದರ ಮಧ್ಯೆ, ಯುವಕನೊಬ್ಬ ಓಲಾ ಸ್ಕೂಟರ್ ಮತ್ತು ಅದರ ಸೇವಾ ಕೇಂದ್ರದ ಜೊತೆಗಿನ ತನ್ನ ಸಂಕಷ್ಟದ ಅನುಭವವನ್ನು ಹಂಚಿಕೊಳ್ಳುವ ಮೂಲಕ ಮತ್ತೊಂದು ಚರ್ಚೆ ಹುಟ್ಟು ಹಾಕಿದ್ದಾರೆ. ತಮ್ಮ ಹೊಚ್ಚಹೊಸ ಸ್ಕೂಟರ್ ಅನ್ನು ಸರ್ವಿಸ್‌ ಗೆ ಬಿಟ್ಟಿದ್ದ ಅವರು ರಿಪೇರಿಗಾಗಿ ಕಾಯುತ್ತಿರುವ ಇತರ ಅನೇಕ ವಾಹನಗಳ ನೋಡಿ ನಿರಾಸೆಗೊಂಡಿದ್ದಾರೆ.

ವೀಡಿಯೊದಲ್ಲಿ ಹಾಳಾದ Ola ಸ್ಕೂಟರ್‌ಗಳಿಂದ ತುಂಬಿದ ಇಕ್ಕಟ್ಟಾದ ಪ್ರದೇಶ ಕಾಣಿಸುತ್ತಿದ್ದು, ಯುವಕ ತನ್ನ ಸ್ಕೂಟರ್ ಹೇಗೆ ಅಸಮರ್ಪಕವಾಗಿ ಕಾರ್ಯನಿರ್ವಹಿಸುತ್ತಿದೆ ಎಂದು ಹೇಳುತ್ತಾ, ಅದು ರಸ್ತೆ ಮಧ್ಯದಲ್ಲಿ ನಿಂತ ನಿದರ್ಶನಗಳನ್ನು ವಿವರಿಸಿದ್ದಾರೆ. 1 ಲಕ್ಷ ರೂ. ಬೆಲೆಯ ಓಲಾ ಸ್ಕೂಟರ್‌ನಲ್ಲಿ ಹೂಡಿಕೆ ಮಾಡುವ ಮೊದಲು ಎರಡು ಬಾರಿ ಯೋಚಿಸಿ ಎಂದು ಅವರು ಎಚ್ಚರಿಸಿದ್ದಾರೆ.

“ಸದ್ಯ, ನಾನು ಓಲಾ ಸರ್ವಿಸ್ ಸೆಂಟರ್‌ನಲ್ಲಿದ್ದೇನೆ ಮತ್ತು ದೋಷಪೂರಿತ ಸ್ಕೂಟರ್‌ಗಳನ್ನು ಇಲ್ಲಿ ನಿಲ್ಲಿಸಲಾಗಿದೆ. ನಾನು ನನ್ನ ಸ್ಕೂಟರ್ ಅನ್ನು ಎರಡು ತಿಂಗಳ ಹಿಂದೆ ಹೊಸದಾಗಿ ಖರೀದಿಸಿದ್ದೆ. ನಾನು ಈಗ ಈ ಸ್ಕೂಟರ್‌ನಿಂದ ಬೇಸತ್ತಿದ್ದೇನೆ ಎಂದು ಹೇಳಿ, ನಾವು ಮ್ಯಾನೇಜರ್‌ಗೆ ಕರೆ ಮಾಡುತ್ತಿದ್ದೇವೆ, ಆದರೆ ಅವರು ಫೋನ್ ಅನ್ನು ತೆಗೆದುಕೊಳ್ಳುತ್ತಿಲ್ಲ” ಎಂದಿದ್ದಾರೆ.