ಅಬ್ಬಬ್ಬಾ….! ಒಂಬತ್ತು ಮಕ್ಕಳನ್ನು ಸೈಕಲ್​ ಮೇಲೆ ಕುಳ್ಳರಿಸಿಕೊಂಡು ಸವಾರಿ; ವಿಡಿಯೋ ವೈರಲ್​

ಒಂದು ಸೈಕಲ್​ ಮೇಲೆ ಎಷ್ಟು ಮಂದಿ ಹೋಗಲು ಸಾಧ್ಯ? ಮೂರು, ನಾಲ್ಕು… ಚಿಕ್ಕ ಚಿಕ್ಕಮಕ್ಕಳಿದ್ದು ಭಾರಿ ಸರ್ಕಸ್​ ಮಾಡಿದರೆ ಐದು…. ಹೂಂ… ಹೂಂ…. ಒಂದು ಸೈಕಲ್​ನಲ್ಲಿ 9 ಮಂದಿ ಹೋಗಿದ್ದಾರೆ! ನಂಬಲು ಅಸಾಧ್ಯ ಎನ್ನುವ ವಿಡಿಯೋ ಒಂದು ವೈರಲ್​ ಆಗಿದೆ.

ಒಂಬತ್ತು ಮಕ್ಕಳನ್ನು ಒಂದೇ ಸೈಕಲ್​ ಮೇಲೆ ಹೊತ್ತೊಯ್ಯುತ್ತಿದ್ದಾನೆ ಓರ್ವ ವ್ಯಕ್ತಿ. ಹಿಂಭಾಗದಲ್ಲಿ ಮುಂಭಾಗದಲ್ಲಿ ಅಲ್ಲದೆ ಭುಜವನ್ನೇರಿ, ಚಕ್ರದ ಮೇಲೆ ಹೀಗೆ ಎಲ್ಲೆಂದರಲ್ಲಿ ಚೀಲಗಳನ್ನು ಸಿಕ್ಕಿಸಿಕೊಂಡಂತೆ ಪುಟ್ಟ ಮಕ್ಕಳನ್ನು ಕೂರಿಸಿಕೊಂಡು ನಿಲ್ಲಿಸಿಕೊಂಡು ಈ ವ್ಯಕ್ತಿ ಸೈಕಲ್​ ಓಡಿಸುತ್ತಿದ್ದಾನೆ.

ಸ್ವಲ್ಪ ಆಯ ತಪ್ಪಿದರೂ ಎಲ್ಲರ ಜೀವಕ್ಕೂ ಅಪಾಯ. ಆದರೆ ಅದ್ಯಾವುದನ್ನೂ ಲೆಕ್ಕಿಸದೇ ಆತ ಸೈಕಲ್​ ತುಳಿಯುತ್ತಿದ್ದು, ಮಕ್ಕಳು ಆರಾಮಾಗಿ ಇದ್ದರೆ. ಇದಕ್ಕೆ ನಿನ್ನೆ ನಿನ್ನೆಗೆ, ನಾಳೆ ನಾಳೆಗೆ ಎಂಬ ಬ್ಯಾಕ್​ಗ್ರೌಂಡ್​ ಮ್ಯೂಸಿಕ್​ ಕೊಟ್ಟು ವೈರಲ್​ ಮಾಡಲಾಗಿದೆ.

ಈ ವಿಡಿಯೋ ಎಲ್ಲಿಯದ್ದು ಎಂದು ತಿಳಿದಿಲ್ಲವಾದರೂ ಈ ಪರಿ ಸಾಹಸ ಮಾಡುತ್ತಿರುವ ಸವಾರನಿಗೆ ಮಾತ್ರ ಹ್ಯಾಟ್ಸ್​ ಆಫ್​ ಹೇಳಲೇಬೇಕು.

https://twitter.com/JaikyYadav16/status/1592438950991626241?ref_src=twsrc%5Etfw%7Ctwcamp%5Etweetembed%7Ctwterm%5E1592438950991626241%7Ctwgr%5Ec5d8f1085a8eee7c6a02db656efb2f4e29c0dce3%7Ctwcon%5Es1_&ref_url=https%3A%2F%2Fwww.indiatoday.in%2Ftrending-news%2Fstory%2Fman-rides-bicycle-with-9-children-in-bizarre-viral-video-internet-reacts-2297952-2022-11-16