ಕಾಫಿ ಆರ್ಡರ್ ಮಾಡಿದ ವ್ಯಕ್ತಿಗೆ ಬಿಗ್ ಶಾಕ್, ಚಿಕನ್ ಪೀಸ್ ಕಂಡು ಕೆಂಡಾಮಂಡಲ

ನವದೆಹಲಿ: ದೆಹಲಿಯ ವ್ಯಕ್ತಿಯೊಬ್ಬರು ಜೊಮ್ಯಾಟೊದಿಂದ ಆರ್ಡರ್ ಮಾಡಿ ತರಿಸಿಕೊಂಡ ಕಾಫಿಯಲ್ಲಿ ಚಿಕನ್ ತುಂಡು ಕಂಡು ಬಂದಿದ್ದು, ಅವರು ಕೋಪಗೊಂಡಿದ್ದಾರೆ.

ದಕ್ಷಿಣ ದೆಹಲಿಯಲ್ಲಿ ನೆಲೆಸಿರುವ ಸುಮಿತ್ ಸೌರಭ್ ಅವರು ಥರ್ಡ್ ವೇವ್ ಕಾಫಿಯಿಂದ Zomato ಮೂಲಕ ಖರೀದಿಸಿದ ಪಾನೀಯದ ಸ್ನ್ಯಾಪ್‌ ಶಾಟ್ ಅನ್ನು ಟ್ವೀಟ್ ಮಾಡಿದ್ದಾರೆ. ಪಾನೀಯದಲ್ಲಿ ಚಿಕನ್ ಪೀಸ್ ಕಂಡು ಬಂದಿದೆ. ಥರ್ಡ್ ವೇವ್ ಕಾಫಿ ಪ್ರಕಾರ, ಪಾನೀಯವನ್ನು ಅನಾನಸ್ ತುಂಡುಗಳಿಂದ ಅಲಂಕರಿಸಲಾಗಿತ್ತು, ಅದನ್ನು ಚಿಕನ್ ಎಂದು ತಪ್ಪಾಗಿ ಭಾವಿಸಲಾಗಿದೆ.

ಜೊಮ್ಯಾಟೊ, ಥರ್ಡ್ ವೇವ್ ಇಂಡಿಯಾದಿಂದ ಕಾಫಿಯನ್ನು ಆರ್ಡರ್ ಮಾಡಿದೆ. ಕಾಫಿಯಲ್ಲಿ ಚಿಕನ್ ತುಂಡು. ಕಂಡು ಬಂದಿದೆ. ನಿಮ್ಮೊಂದಿಗಿನ ನನ್ನ ಒಡನಾಟ ಇಂದು ಅಧಿಕೃತವಾಗಿ ಕೊನೆಗೊಂಡಿತು ಎಂದು ಸುಮಿತ್ ಸೌರಭ್ ಟ್ವೀಟ್ ಮಾಡಿದ್ದಾರೆ.

ನಂತರದಲ್ಲಿ ಜೊಮ್ಯಾಟೊ ಜೊತೆಗಿನ ಸಂಭಾಷಣೆಯ ಸ್ಕ್ರೀನ್‌ಶಾಟ್ ಅನ್ನು ಸುಮಿತ್ ಪೋಸ್ಟ್ ಮಾಡಿದ್ದಾರೆ. ಅವರ ದೋಷಕ್ಕೆ ಪರಿಹಾರವಾಗಿ ಆಹಾರ ವಿತರಣಾ ಅಪ್ಲಿಕೇಶನ್ ಅವರಿಗೆ ಪ್ರೊ ಸದಸ್ಯತ್ವವನ್ನು ನೀಡುತ್ತಿದೆ ಎಂದು ಅವರು ಹೇಳಿದರು.

ಥರ್ಡ್ ವೇವ್ ಇಂಡಿಯಾ ಎಂಬ ಕಾಫಿ ಶಾಪ್ ಕೂಡ ಅವರ ಟ್ವೀಟ್‌ ಗೆ ಪ್ರತಿಕ್ರಿಯಿಸಿದೆ. ಇದಕ್ಕಾಗಿ ನಾವು ಅತ್ಯಂತ ವಿಷಾದಿಸುತ್ತೇವೆ. DM ಮೂಲಕ ನಿಮ್ಮ ಸಂಪರ್ಕ ವಿವರಗಳನ್ನು ಹಂಚಿಕೊಳ್ಳಲು ವಿನಂತಿಸಲಾಗುತ್ತಿದೆ. ನಮ್ಮ ತಂಡವು ಆದಷ್ಟು ಬೇಗ ಸಂಪರ್ಕದಲ್ಲಿರಲಿದೆ. ಧನ್ಯವಾದಗಳು ಎಂದು ಥರ್ಡ್ ವೇವ್ ಇಂಡಿಯಾ ಬರೆದಿದೆ.