ಚೆನ್ನೈ ವಿಮಾನ ನಿಲ್ದಾಣದ ಕಸ್ಟಮ್ಸ್ ಅಧಿಕಾರಿಗಳು ಒಬ್ಬ ಪ್ರಯಾಣಿಕನನ್ನು ಬಂಧಿಸಿ ಆತನ ಬಳಿಯಿದ್ದ 47.56 ಲಕ್ಷ ಮೌಲ್ಯದ 24 ಕ್ಯಾರಟ್ ಶುದ್ಧತೆಯ 1.2 ಕೆಜಿ ಚಿನ್ನದ ಸ್ಪ್ಯಾನರ್ ಗಳನ್ನು ವಶಪಡಿಸಿಕೊಂಡಿದ್ದಾರೆ.
ಆಂಧ್ರಪ್ರದೇಶದ ವೈಎಸ್‌ಆರ್ ಜಿಲ್ಲೆಯ ನಿವಾಸಿ ಮೆಹಬೂಬ್ ಬಾಷಾ ಎಂದು ಗುರುತಿಸಲಾದ ಪ್ರಯಾಣಿಕನನ್ನು ರಿಯಾದ್‌ ನಿಂದ ಬಂದ ನಂತರ ನಗರದ ವಿಮಾನ ನಿಲ್ದಾಣದಲ್ಲಿ ತಡೆದು ಪರಿಶೀಲಿಸಲಾಯಿತು. ಶೋಧದ ನಂತರ 6 ಚಿನ್ನದ ಸ್ಪ್ಯಾನರ್ ಗಳ ಮೇಲೆ ಹೊಳೆಯುವ ಬೆಳ್ಳಿಯ ಬಣ್ಣದ ಲೇಪನ ಮಾಡಿರುವುದು ಗೊತ್ತಾಗಿದೆ.
ವಶಪಡಿಸಿಕೊಂಡ 1.2 ಕೆಜಿ ತೂಕದ ಚಿನ್ನದ ಸ್ಪ್ಯಾನರ್‌ಗಳ ಮೌಲ್ಯ 47.56 ಲಕ್ಷ ರೂ. ಆಗಿದ್ದು, ಪ್ರಯಾಣಿಕನನ್ನು ಬಂಧಿಸಿ ಚಿನ್ನದ ಸ್ಪ್ಯಾನರ್ ಗಳನ್ನು ವಶಪಡಿಸಿಕೊಳ್ಳಲಾಗಿದೆ. ಹೆಚ್ಚಿನ ತನಿಖೆ ನಡೆಯುತ್ತಿದೆ.
Loading ...