ಹಿಂದೂ ಮಟನ್ ಸ್ಟಾಲ್ ಗಳಿಗೆ ಸರ್ಕಾರದ ನೆರವು, ಜಟ್ಕಾ ಮಾಂಸದಂಗಡಿಗಳಿಗೆ ‘ಮಲ್ಹಾರ್’ ಪ್ರಮಾಣ ಪತ್ರ

ಮುಂಬೈ: ಮಹಾರಾಷ್ಟ್ರ ಸರ್ಕಾರ ಮಟನ್ ಶಾಪ್ ಗಳಿಗೆ ಮಲ್ಹಾರ್ ಪ್ರಮಾಣ ಪತ್ರ ನೀಡುವ ಯೋಜನೆ ಆರಂಭಿಸಲು ಮುಂದಾಗಿದೆ.

ಸಚಿವ ನಿತೇಶ್ ರಾಣೆ ಈ ಬಗ್ಗೆ ಮಾಹಿತಿ ನೀಡಿದ್ದು, ಹಿಂದೂಗಳು ಮಾತ್ರ ನಡೆಸುವ ನ್ಯಾಯಯುತ ಮಟನ್ ಸ್ಟಾಲ್ ಗಳಿಗೆ ಹೊಸ ರೀತಿಯ ಪ್ರಮಾಣ ಪತ್ರ ನೀಡಲಾಗುವುದು ಎಂದು ತಿಳಿಸಿದ್ದಾರೆ.

ಹಿಂದೂ ಸಮುದಾಯದ ಯುವಕರನ್ನು ಆರ್ಥಿಕವಾಗಿ ಸಬಲೀಕರಣಗೊಳಿಸುವ ನಿಟ್ಟಿನಲ್ಲಿ ನ್ಯಾಯಯುತ ಮಟನ್ ಅಂಗಡಿ ಆರಂಭಿಸಲು ಸರ್ಕಾರ ನೆರವು ನೀಡಲಿದೆ. ಕಲಬೆರಕೆ ತಡೆಯಲು ಮಲ್ಹಾರ್ ಪ್ರಮಾಣ ಪತ್ರ ನೀಡಲಾಗುವುದು. ಈ ಪ್ರಮಾಣ ಪತ್ರ ಇಲ್ಲದ ಕಡೆ ಹಿಂದೂ ಸಮುದಾಯ ಮಟನ್ ಖರೀದಿಸಬಾರದು ಎಂದು ಕರೆ ನೀಡಿದ್ದಾರೆ.

ರಾಜ್ಯಾದ್ಯಂತ ಎಲ್ಲಾ ಜಟ್ಕಾ ಮಟನ್ ಅಂಗಡಿಗಳನ್ನು ಹೊಸದಾಗಿ ಪ್ರಾರಂಭಿಸಲಾದ ಮಲ್ಹಾರ್ ಪ್ರಮಾಣಪತ್ರದ ಅಡಿಯಲ್ಲಿ ನೋಂದಾಯಿಸಲಾಗುವುದು. ಅವುಗಳನ್ನು ಹಿಂದೂಗಳೇ ಪ್ರತ್ಯೇಕವಾಗಿ ನಡೆಸುತ್ತಾರೆ. ಮಲ್ಹಾರ್ ಸರ್ಟಿಫಿಕೇಶನ್.ಕಾಮ್ ಎಂಬ ಜಟ್ಕಾ ಮಾಂಸ ಪೂರೈಕೆದಾರರ ಪ್ರಮಾಣೀಕರಣ ವೇದಿಕೆಯನ್ನು ರಚಿಸುವುದಾಗಿ ಘೋಷಿಸಿದರು,

ಅಂತಹ ಮಳಿಗೆಗಳು ಶೇಕಡ 100 ರಷ್ಟು ಹಿಂದೂಗಳಿಂದ ನಡೆಸಲ್ಪಡುತ್ತವೆ. ಇಂದು ನಾವು ಮಹಾರಾಷ್ಟ್ರದಿಂದ ಹಿಂದೂ ಸಮುದಾಯಕ್ಕಾಗಿ ಒಂದು ಪ್ರಮುಖ ಹೆಜ್ಜೆಯನ್ನು ಇಟ್ಟಿದ್ದೇವೆ. ಹಿಂದೂ ಸಮುದಾಯಕ್ಕಾಗಿ ಈ ಚಿಂತನೆಯನ್ನು ತರಲಾಗುತ್ತಿದೆ, ಅದರ ಮೂಲಕ ಹಿಂದೂಗಳಿಗೆ ಜಟ್ಕಾ ಮಟನ್ ಮಾರಾಟ ಮಾಡುವ ಮಟನ್ ಅಂಗಡಿಗಳಿಗೆ ಹಿಂದೂಗಳು ಪ್ರವೇಶ ಪಡೆಯುತ್ತಾರೆ ಎಂದು ರಾಣೆ ಹೇಳಿದ್ದಾರೆ.