ಮದುವೆಯ ಆಮಂತ್ರಣ ಪತ್ರಿಕೆಯಲ್ಲಿಯೂ ಹಲವರು ವಿಶೇಷ ರೀತಿಯ ಪ್ರಯೋಗ ಮಾಡುತ್ತಿರುವುದನ್ನು ನಾವು ನೋಡುತ್ತಿದ್ದೇವೆ. ತಮ್ಮ ಹುದ್ದೆಗೆ ಅನುಗುಣವಾಗಿ ತಮಾಷೆಯ ರೂಪದಲ್ಲಿ ಇರುವ ಆಮಂತ್ರಣ ಪತ್ರಿಕೆ ಹಾಗೂ ಅದರಲ್ಲಿರುವ ಅಕ್ಷರಗಳ ವಿನ್ಯಾಸಗೊಳಿಸುವುದು ಇದೆ. ಈಗ ಸ್ಟಾಕ್ ಮಾರುಕಟ್ಟೆಯ ಉತ್ಸಾಹಿಯೊಬ್ಬನ ಮದುವೆಯ ಆಹ್ವಾನದ ಪತ್ರಿಕೆ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಸ್ಟಾಕ್ ಮಾರ್ಕೆಟ್ ಪ್ರಿಯರಿಗೆ ಇಷ್ಟವಾಗುವ ಆಮಂತ್ರಣ ಪತ್ರಿಕೆ ಇದಾಗಿದೆ. ಈ ಆಮಂತ್ರಣ ಪತ್ರಿಕೆಯನ್ನು ಇನ್‌ಸ್ಟಾಗ್ರಾಮ್‌ನಲ್ಲಿ ಸ್ಟಾಕ್ ಮಾರ್ಕೆಟ್ ಇಂಡಿಯಾ ಎಂಬ ಪೇಜ್ ಹಂಚಿಕೊಂಡಿದೆ. ಇದು ಮಹಾರಾಷ್ಟ್ರದ ನಾಂದೇಡ್‌ನ ವೈದ್ಯರೊಬ್ಬರ ಮದುವೆಯ ಆಮಂತ್ರಣ ಪತ್ರವನ್ನು ಒಳಗೊಂಡಿದೆ.
ಸಂಪೂರ್ಣ ಆಮಂತ್ರಣವು ಪರಿಭಾಷೆಯಿಂದ ತುಂಬಿದ್ದರಿಂದ ವೈದ್ಯರು ಷೇರು ಮಾರುಕಟ್ಟೆಯ ಅಭಿಮಾನಿಯಂತೆ ಕಾಣುತ್ತಾರೆ. ಆರಂಭಿಕ ಸಾರ್ವಜನಿಕ ಕೊಡುಗೆಯನ್ನು (IPO) ಅಮೂಲ್ಯ ಸಂದರ್ಭದ ಆಮಂತ್ರಣ ಎಂದು ಹೇಳಲಾಗಿದ್ದು, ವಧು ಮತ್ತು ವರ ಇಬ್ಬರನ್ನೂ ಘಟಕಗಳು ಎಂದು ಕರೆಯಲಾಗಿದೆ. ವಿವಾಹ ಸಮಾರಂಭವನ್ನು ವಿಲೀನ ಎಂದು ಹೇಳಲಾಗಿದ್ದು, ಸ್ನೇಹಿತರು ಮತ್ತು ಕುಟುಂಬದಸ್ಥರನ್ನು ಚಿಲ್ಲರೆ ಹೂಡಿಕೆದಾರರು ಎಂದು ಇದರಲ್ಲಿ ಹೇಳಲಾಗಿದೆ.
Loading ...