ಸೋದರಳಿಯನ ಜೊತೆ ಪತ್ನಿಯ ಅಕ್ರಮ ಸಂಬಂಧ….! ಕೋಪಗೊಂಡ ಪತಿಯಿಂದ ಘೋರ ಕೃತ್ಯ

ಪತ್ನಿಯೊಂದಿಗೆ ಸೋದರಳಿಯನ ಅಕ್ರಮ ಸಂಬಂಧದ ಬಗ್ಗೆ ಅರಿತ 45 ವರ್ಷದ ವ್ಯಕ್ತಿ ಸೋದರಳಿಯನನ್ನು ಬರ್ಬರವಾಗಿ ಕೊಲೆಗೈದ ಘಟನೆ ಪಂಜಾಬ್​ನ ಲೂಧಿಯಾನದ ಜಾಗಿರ್​​ಪುರ ರಸ್ತೆಯಲ್ಲಿ ಸಂಭವಿಸಿದೆ.

ಆರೋಪಿ ಶ್ರವಣ್​ ಕುಮಾರ್​​​ ಮಾರ್ಚ್ ತಿಂಗಳಿನಿಂದಲೇ ಪತ್ನಿಯ ಅಕ್ರಮ ಸಂಬಂಧದ ಬಗ್ಗೆ ಮಾಹಿತಿ ಹೊಂದಿದ್ದ. ಹೀಗಾಗಿ ಸೋದರಳಿಯನ ಕೊಲೆಗೆ ಸಂಚು ರೂಪಿಸುತ್ತಲೇ ಇದ್ದ ಎನ್ನಲಾಗಿದೆ. ಅದೇ ರೀತಿ 30 ವರ್ಷದ ಸಪನ್​ ಕುಮಾರ್​ ಶಾನನ್ನು ಕೊಲೆ ಮಾಡಿದ್ದಾನೆ. ತನಿಖೆ ವೇಳೆ ಆರೋಪಿ ಶ್ರವಣ್​​ ತಪ್ಪೊಪ್ಪಿಕ್ಕೊಂಡಿದ್ದಾನೆ.

ಸಿದ್ದು ಕುಮಾರ್​ ಎಂಬ ಕೂಲಿ ಕಾರ್ಮಿಕ ಫೋನ್​ ಕರೆಗೆ ಸಪನ್​ ಉತ್ತರಿಸದ ಹಿನ್ನೆಲೆಯಲ್ಲಿ ಈ ಕೊಲೆ ಪ್ರಕರಣ ಬೆಳಕಿಗೆ ಬಂದಿದೆ. ಸಪನ್​ ತನ್ನ ಹಾಸಿಗೆ ಮೇಲೆ ಶವದ ರೀತಿಯಲ್ಲಿ ಪತ್ತೆಯಾದ ಹಿನ್ನೆಲೆಯಲ್ಲಿ ಪೊಲೀಸರಿಗೆ ಕರೆ ಮಾಡಿದ್ದಾನೆ.

ಪ್ರಕರಣ ಸಂಬಂಧ ಮಾತನಾಡಿದ ಜಂಟಿ ಆಯುಕ್ತ ಸಚಿನ್​ ಗುಪ್ತಾ, ಬಿಹಾರದ ಮಾದೆಪುರ ನಿವಾಸಿಯಾದ ಮೃತ ವ್ಯಕ್ತಿಯು ಬಿಹಾರದ ಮಾಧೇಪುರ ನಿವಾಸಿಯಾಗಿದ್ದು ಗುತ್ತಿಗೆದಾರನಾಗಿ ಕಾರ್ಯ ನಿರ್ವಹಿಸುತ್ತಿದ್ದ ಎನ್ನಲಾಗಿದೆ. ಈತ ತನ್ನ ಸೋದರ ಮಾವ ಆತನ ಪತ್ನಿ ಹಾಗೂ ಮಕ್ಕಳು ಇದ್ದ ಬಿಲ್ಡಿಂಗ್​ನಲ್ಲೇ ವಾಸವಿದ್ದ. ಪ್ರಕರಣ ಸಂಬಂಧ ತನಿಖೆ ನಡೆಸುತ್ತಿರುವಾಗ ಶ್ರವಣ್​ ಪದೇ ಪದೇ ತನಿಖೆ ಬದಲಾಯಿಸೋದನ್ನ ಕಂಡ ಪೊಲೀಸರಿಗೆ ಶಂಕೆ ಶುರುವಾಗಿದೆ. ತನಿಖೆ ತೀವ್ರಗೊಳಿಸುತ್ತಿದ್ದಂತೆಯೇ ಶ್ರವಣ್​ ತಪ್ಪೊಪ್ಪಿಕೊಂಡಿದ್ದಾನೆ ಎನ್ನಲಾಗಿದೆ.

ಪತ್ನಿಯೊಂದಿಗಿನ ಅಕ್ರಮ ಸಂಬಂಧದ ಹಿನ್ನೆಲೆ ಸಪನ್​ ಮೇಲೆ ಕೋಪಗೊಂಡಿದ್ದ ಶ್ರವಣ್​ ಆತ ನಿದ್ರಿಸುತ್ತಿದ್ದ ವೇಳೆ ಕಬ್ಬಿಣದ ರಾಡ್​ನಿಂದ ಹೊಡೆದು ಕೊಲೆಗೈದಿದ್ದಾಗಿ ಪೊಲೀಸರ ಎದುರು ಹೇಳಿದ್ದಾನೆ.