ʼಪಾನ್ ಕಾರ್ಡ್ʼ ಹಾಳಾಗಿದೆ ಎಂದು ಕಾಡುತ್ತಿದೆಯಾ ಚಿಂತೆ…? ಇಲ್ಲಿದೆ ಅದರ ನಿವಾರಣೆಗೆ ಸುಲಭ ಪರಿಹಾರ

ದುಡಿಯುವ ವರ್ಗದವರಿಗೆ ಅತ್ಯಂತ ನಿರ್ಣಾಯಕ ದಾಖಲೆಗಳಲ್ಲಿ ಒಂದು ಪಾನ್‌ ಕಾರ್ಡ್ (ಶಾಶ್ವತ ಖಾತೆ ಸಂಖ್ಯೆ). ಆದಾಗ್ಯೂ, ಒಬ್ಬ ವ್ಯಕ್ತಿಯು ಪಾನ್ ಕಾರ್ಡ್ ಅನ್ನು ಕಳೆದುಕೊಂಡರೆ, ಹಣಕಾಸಿನ ವಹಿವಾಟಿನಲ್ಲಿ ಭಾರೀ ತೊಡಕುಗಳನ್ನು ಎದುರಿಸಬೇಕಾಗಬಹುದು.

ಒಂದು ವೇಳೆ ನೀವು ನಿಮ್ಮ ಪಾನ್ ಕಾರ್ಡ್ ಕಳೆದುಕೊಂಡರೆ ಗಾಬರಿಗೊಳ್ಳುವ ಅಗತ್ಯವಿಲ್ಲ. ಏಕೆಂದರೆ ಕೆಲವು ಸರಳ ಹಂತಗಳನ್ನು ಅನುಸರಿಸುವ ಮೂಲಕ ಯಾರಾದರೂ ಪಾನ್ ಕಾರ್ಡ್ ಮರುಮುದ್ರಣವನ್ನು ಪಡೆಯಬಹುದು.

ಗಮನಿಸಿ: ಈ ಆರ್ಥಿಕ ವ್ಯವಹಾರಗಳಿಗೆ ಬೇಕೇ ಬೇಕು ʼPAN ಕಾರ್ಡ್ʼ

ಅದಾಗಲೇ ಪಾನ್ ಸಂಖ್ಯೆಯನ್ನು ಪಡೆದವರು ಕೆಳಕಂಡ ಸರಳ ಪ್ರಕ್ರಿಯೆಗಳ ಮೂಲಕ ಪಾನ್ ಕಾರ್ಡ್‌ನ ನಕಲಿ ಪ್ರತಿಗಳನ್ನು ಪಡೆಯಬಹುದಾಗಿದೆ:

ಇನ್ನೊಂದು ಪ್ಯಾನ್ ಕಾರ್ಡ್ ಪಡೆಯಲು ಎರಡು ಮಾರ್ಗಗಳಿವೆ.

ನೀವು ಅದನ್ನು ಹೇಗೆ ಮರಳಿ ಪಡೆಯುತ್ತೀರಿ ಎಂಬುದು ಇಲ್ಲಿದೆ

ಹಂತ 1: ಈ ಜಾಲತಾಣಕ್ಕೆ ಭೇಟಿ ನೀಡಿ – https://www.tin-nsdl.com/

ಹಂತ 2: ಮುಖಪುಟದಲ್ಲಿ ಲಭ್ಯವಿರುವ Online PAN Servicesಗಾಗಿ ಹುಡುಕಿ.

ಹಂತ 3: ಆ ಆಯ್ಕೆಯನ್ನು ಕ್ಲಿಕ್ ಮಾಡಿ. ಪರದೆಯ ಮೇಲೆ ಡ್ರಾಪ್ ಬಾಕ್ಸ್ ಕಾಣಿಸುತ್ತದೆ.

ಹಂತ 4: ‘Apply for PAN Online ಆಯ್ಕೆಯನ್ನು ಆರಿಸಿ.

ಹಂತ 5: ಒಂದು ಪುಟ ಕಾಣಿಸುತ್ತದೆ. Reprint of PAN Card’ಎಂದು ಹುಡುಕಿ ಮತ್ತು ‘here’ ಮೇಲೆ ಕ್ಲಿಕ್ ಮಾಡಿ.

ಹಂತ 6: ‘Request for Reprint of PAN Card’ ಪುಟವು ಕಾಣಿಸಿಕೊಳ್ಳುತ್ತದೆ.

ಹಂತ 7: ನಿಮ್ಮ ಎಲ್ಲಾ ವಿವರಗಳನ್ನು ಭರ್ತಿ ಮಾಡಿ ಮತ್ತು submit ಆಯ್ಕೆಯನ್ನು ಕ್ಲಿಕ್ ಮಾಡಿ.

ಹಂತ 8: ಇ-ಮೇಲ್ ಐಡಿ ಅಥವಾ ಮೊಬೈಲ್ ಸಂಖ್ಯೆ ಮೂಲಕ OTP ಆಯ್ಕೆಯನ್ನು ಆಯ್ಕೆಮಾಡಿ ಮತ್ತು ಪರಿಶೀಲಿಸಿ.

ಹಂತ 9: 50ರೂ. ಶುಲ್ಕವನ್ನು ಪಾವತಿಸಿ.

ಹಂತ 10: ನಿಮ್ಮ ಮೊಬೈಲ್‌ಗೆ ಸಂದೇಶ ಬರುತ್ತದೆ. ಈ ಸಂದೇಶದ ಮೂಲಕ ನೀವು ಇ-ಪ್ಯಾನ್ ಅನ್ನು ಸಹ ಡೌನ್‌ಲೋಡ್ ಮಾಡಬಹುದು.

ಹಂತ 11: ಆದಾಯ ತೆರಿಗೆ ಇಲಾಖೆಯಲ್ಲಿ ಲಭ್ಯವಿರುವ ಇತ್ತೀಚಿನ ವಿವರಗಳ ಪ್ರಕಾರ ಪಾನ್ ಕಾರ್ಡ್ ಅನ್ನು ಸಂವಹನ ವಿಳಾಸಕ್ಕೆ ಕಳುಹಿಸಲಾಗುತ್ತದೆ.

ನೀವು ಪಾನ್‌ ಕಾರ್ಡ್ ಹೇಗೆ ಮರಳಿ ಪಡೆಯುತ್ತೀರಿ ಎಂಬುದು ಇಲ್ಲಿದೆ

ಹಂತ 1: ಆದಾಯ ತೆರಿಗೆ ಪಾನ್ ವೆಬ್‌ಸೈಟ್‌ಗೆ ಭೇಟಿ ನೀಡಿ – https://www.pan.utiitsl.com/PAN/reprint.html

ಹಂತ 2: ಮುಖಪುಟದಲ್ಲಿ ಲಭ್ಯವಿರುವ ‘Reprint of PAN Card’ ಆಯ್ಕೆಯನ್ನು ಆಯ್ಕೆಮಾಡಿ.

ಗಮನಿಸಿ: ಈ ಆಯ್ಕೆಯು ಈಗಾಗಲೇ ಪಾನ್ ಸಂಖ್ಯೆಯನ್ನು ನಿಗದಿಪಡಿಸಿದವರಿಗೆ ಮಾತ್ರ ಲಭ್ಯವಿದೆ.

ಹಂತ 3: ಲಿಂಕ್ ಅನ್ನು ಆಯ್ಕೆ ಮಾಡಿದ ನಂತರ, ಒಂದು ಫಾರ್ಮ್ ಕಾಣಿಸಿಕೊಳ್ಳುತ್ತದೆ.

ಹಂತ 4: ಫಾರ್ಮ್ ಅನ್ನು ಸಂಪೂರ್ಣವಾಗಿ ಮತ್ತು ಸರಿಯಾಗಿ ಭರ್ತಿ ಮಾಡಿ.

ಹಂತ 5: ಅದರ ನಂತರ, ನೀವು 50ರೂ ಪಾವತಿಸಬೇಕು.

ಗಮನಿಸಿ: ಯಾವುದೇ ಕ್ರೆಡಿಟ್ ಕಾರ್ಡ್, ಡೆಬಿಟ್ ಕಾರ್ಡ್, ನೆಟ್ ಬ್ಯಾಂಕಿಂಗ್ ಇತ್ಯಾದಿಗಳ ಮೂಲಕ ಪಾವತಿ ಮಾಡಬಹುದು.

ಹಂತ 6: ಪಾನ್ ಕಾರ್ಡ್‌ನ ಮರುಮುದ್ರಣ ಪ್ರತಿಯನ್ನು ಆದಾಯ ತೆರಿಗೆ ಇಲಾಖೆಯಲ್ಲಿ ಲಭ್ಯವಿರುವ ನಿಮ್ಮ ಸಂವಹನ ವಿಳಾಸಕ್ಕೆ ತಲುಪಿಸಲಾಗುತ್ತದೆ.