ದೀಪಿಕಾ ಪಡುಕೋಣೆಯಂತೆ ನೃತ್ಯ ಮಾಡಿ ನೆಟ್ಟಿಗರ ಹುಬ್ಬೇರಿಸಿದ ಪುಟ್ಟ ಪೋರಿ..!

ಪುಟಾಣಿ ಬಾಲಕಿ ದೀಪಿಕಾ ಪಡುಕೋಣೆ ಅಭಿನಯದ ಬಾಜಿರಾವ್ ಮಸ್ತಾನಿ ಸಿನಿಮಾದ ದೀವಾನಿ ಮಸ್ತಾನಿ ಹಾಡಿಗೆ ನೃತ್ಯ ಮಾಡಿದ್ದು ಸೋಶಿಯಲ್​ ಮೀಡಿಯಾದಲ್ಲಿ ವೈರಲ್​ ಆಗಿದೆ. ‌

ದೀಪಿಕಾ ಪಡುಕೋಣೆ ನೃತ್ಯ ಮಾಡಿದ ರೀತಿಯಲ್ಲಿಯೇ ಬಾಲಕಿ ನೃತ್ಯ ಮಾಡಿದ್ದಾಳೆ. ತಾನಿಯಾ & ಸೋನಿ ಹೆಸರಿನ ಫೇಸ್​ಬುಕ್​ , ಇನ್​ಸ್ಟಾಗ್ರಾಂ ಪೇಜ್​ನಲ್ಲಿ ಈ ವಿಡಿಯೋ ಶೇರ್​ ಮಾಡಲಾಗಿದೆ.

ಇದೇ ಖಾತೆಯಲ್ಲಿ ಶೇರ್​ ಮಾಡಲಾದ ಇತರೆ ವಿಡಿಯೋಗಳಲ್ಲಿ ತಾನಿಯಾ ತಾಯಿ ಸೋನಿ ಕೂಡ ಆಕೆಯೊಂದಿಗೆ ನೃತ್ಯ ಮಾಡುವ ದೃಶ್ಯಗಳನ್ನು ನೋಡಬಹುದಾಗಿದೆ.

ಈ ವಿಡಿಯೋ ಬರೋಬ್ಬರಿ 954000 ವೀವ್ಸ್​ ಸಂಪಾದಿಸಿದೆ. ಸೆಪ್ಟೆಂಬರ್​​ 5ರಂದು ಈ ವಿಡಿಯೋವನ್ನು ಪೋಸ್ಟ್​ ಮಾಡಲಾಗಿತ್ತು.

ಥೇಟ್​​ ದೀಪಿಕಾ ಪಡುಕೋಣೆಯ ಉಡುಗೆಯನ್ನು ಹೋಲುವಂತೆ ತಾನಿಯಾ ಕೂಡ ಬಂಗಾರ ಬಣ್ಣದ ಧಿರಿಸನ್ನು ಧರಿಸಿದ್ದಾಳೆ. ಒಂದೇ ಒಂದು ಹೆಜ್ಜೆಯನ್ನೂ ಮಿಸ್​ ಮಾಡದೇ ತಾನಿಯಾ ದೀಪಿಕಾರಂತೆ ನೃತ್ಯ ಮಾಡಿದ್ದಾಳೆ. ಈ ವಿಡಿಯೋ ನೋಡಿದ ನೆಟ್ಟಿಗರು ಫಿದಾ ಆಗಿದ್ದಾರೆ.

https://youtu.be/Agv7mK6J_Xs