ನಿಮ್ಮ ಆಲೋಚನೆಗಳು, ಭಾವನೆಗಳನ್ನು ವ್ಯಕ್ತಪಡಿಸಲು ನೃತ್ಯವು ಒಂದು ಸುಂದರ ಮಾರ್ಗವಾಗಿದೆ. ಬಹಳ ಖುಷಿಯಾಗಿದ್ದಾಗ ಡಾನ್ಸ್ ಮಾಡುವುದೆಂದ್ರೆ ಎಲ್ಲಿಲ್ಲದ ಸಂತೋಷವಾಗುತ್ತದೆ. ಪ್ರತಿದಿನ, ಬಹಳಷ್ಟು ಡಾನ್ಸ್ ವಿಡಿಯೋಗಳು ಅಂತರ್ಜಾಲದಲ್ಲಿ ವೈರಲ್ ಆಗುತ್ತಿವೆ. ಇದೀಗ ವೈರಲ್ ಆಗಿರೋ ವಿಡಿಯೋ ನಿಮ್ಮ ಮನ ಗೆಲ್ಲೋದ್ರಲ್ಲಿ ಸಂಶಯವೇ ಇಲ್ಲ.
ಮೆಟ್ರೋ ರೈಲಿನೊಳಗೆ ಬಾಲಕಿಯೊಬ್ಬಳು ಆಕರ್ಷಕವಾಗಿ ನೃತ್ಯ ಮಾಡುತ್ತಿರುವ ವಿಡಿಯೋ ವೈರಲ್ ಆಗಿದೆ. ಬಾಲಿವುಡ್ ನ ಜನಪ್ರಿಯ ಮೇನ್ ಸೇ ಮೀನಾ ಸೆ ನಾ ಸಾಕಿ ಸೇ ಹಾಡಿಗೆ ಬಾಲಕಿ ಅದ್ಭುತವಾಗಿ ಹೆಜ್ಜೆ ಹಾಕಿದ್ದಾಳೆ. ಆಕೆ ನೃತ್ಯ ಮಾಡುವಾಗ ಮುಖದಲ್ಲಿ ತುಂಬಾ ನಗು ತುಂಬಿಕೊಂಡು, ಮುಗ್ಧತೆ ಮತ್ತು ಸಂತೋಷದಿಂದ ನೃತ್ಯ ಮಾಡಿದ್ದಾಳೆ.
3.2 ಮಿಲಿಯನ್ ಅನುಯಾಯಿಗಳನ್ನು ಹೊಂದಿರುವ ಸಾಹಿಲ್ ಮತ್ತು ಅನನ್ಯಾ ಎಂಬ ಇನ್‌ಸ್ಟಾಗ್ರಾಮ್ ಪುಟವು ವಿಡಿಯೋವನ್ನು ಹಂಚಿಕೊಂಡಿದೆ. ಈ ವಿಡಿಯೋ ವೈರಲ್ ಆಗಿದ್ದು, ಜನರು ಬಾಲಕಿ ಆರಾಧ್ಯ ನೃತ್ಯವನ್ನು ಇಷ್ಟಪಟ್ಟಿದ್ದಾರೆ. ಈ ವಿಡಿಯೋ ಇದುವರೆಗೆ 139,101 ಲೈಕ್‌ಗಳನ್ನು ಪಡೆದುಕೊಂಡಿದೆ. ಕಾಮೆಂಟ್ ವಿಭಾಗದಲ್ಲಿ ನೆಟ್ಟಿಗರು ಬಾಲಕಿಯನ್ನು ಪ್ರಶಂಸಿದ್ದಾರೆ.
Loading ...