ಡಿಜಿಟಲ್ ಕ್ರಾಂತಿಯು ನಮ್ಮ ಬದುಕಿಗೆ ಸಾಕಷ್ಟು ವೇಗ ಮತ್ತು ಅನುಕೂಲತೆಯನ್ನು ನೀಡಿದೆ. ಆದರೆ ಅದರ ಜೊತೆಜೊತೆಗೆ ಮಾನಸಿಕ ಆರೋಗ್ಯಕ್ಕೆ ಸಂಬಂಧಿಸಿದ ಸವಾಲುಗಳನ್ನೂ ಹೆಚ್ಚಿಸಿದೆ. ನಿರಂತರ ಸ್ಕ್ರೀನ್‌ ಟೈಮ್‌, ಸೋಶಿಯಲ್‌ ಮೀಡಿಯಾದ ಒತ್ತಡ, ಮಾಹಿತಿಯ ಓವರ್‌ಲೋಡ್ ಮತ್ತು ಸೈಬರ್‌ ಬುಲ್ಲಿಂಗ್‌ನಂತಹ ಸಮಸ್ಯೆಗಳು ಮಾನಸಿಕ ಸಮತೋಲನವನ್ನು ಕದಡುತ್ತಿವೆ.
ಮನೋವೈದ್ಯರ ಪ್ರಕಾರ ಯುವಕರಲ್ಲಿ ಖಿನ್ನತೆ, ಆತಂಕ ಮತ್ತು ನಿದ್ರೆಯ ಸಮಸ್ಯೆಗಳು ಇವುಗಳಿಂದಾಗಿಯೇ ಹೆಚ್ಚುತ್ತಿವೆ. ಸೋಷಿಯಲ್ ಮೀಡಿಯಾದಲ್ಲಿ ಇತರರ ಪರಿಪೂರ್ಣ ಜೀವನವನ್ನು ನೋಡಿದ ನಂತರ ಅಸೂಯೆ ಮತ್ತು ಕೀಳರಿಮೆ ಅನುಭವಿಸುವುದು ಸಾಮಾನ್ಯವಾಗಿದೆ. ಅಲ್ಲದೆ ಮಾಹಿತಿಯ ನಿರಂತರ ಪ್ರವಾಹವು ಮನಸ್ಸನ್ನು ಆಯಾಸಗೊಳಿಸುತ್ತದೆ.
ಇವುಗಳಿಂದ ಪರಿಹಾರ ಪಡೆಯಲು ಕಾಲಕಾಲಕ್ಕೆ ಸ್ಮಾರ್ಟ್‌ಫೋನ್‌ಗಳು ಮತ್ತು ಇಂಟರ್ನೆಟ್‌ನಿಂದ ದೂರವಿರುವುದು ಮುಖ್ಯ. ಪ್ರಕೃತಿಯೊಂದಿಗೆ ಸಮಯ ಕಳೆಯುವುದು, ಪುಸ್ತಕಗಳನ್ನು ಓದುವುದು ಅಥವಾ ಹವ್ಯಾಸವನ್ನು ಅನುಸರಿಸುವುದು ಮನಸ್ಸನ್ನು ಶಾಂತಗೊಳಿಸುತ್ತದೆ.
ಆನ್‌ಲೈನ್‌ನಲ್ಲಿ ಧನಾತ್ಮಕ ಮತ್ತು ಸ್ಪೂರ್ತಿದಾಯಕ ವಿಷಯಗಳನ್ನು ಫಾಲೋ ಮಾಡಬೇಕು. ಆಸಕ್ತಿಗಳನ್ನು ಹಂಚಿಕೊಳ್ಳುವ ಮತ್ತು ಸಕಾರಾತ್ಮಕ ವಾತಾವರಣವನ್ನು ಸೃಷ್ಟಿಸುವ ಜನರೊಂದಿಗೆ ಸಂಪರ್ಕ ಸಾಧಿಸಿ. ನಿಜ ಜೀವನದ ಸಂಬಂಧಗಳನ್ನು ಬಲಪಡಿಸಲು ಕುಟುಂಬ ಮತ್ತು ಸ್ನೇಹಿತರೊಂದಿಗೆ ಸಮಯ ಕಳೆಯಿರಿ. ನಿಮ್ಮ ಭಾವನೆಗಳನ್ನು ಹಂಚಿಕೊಳ್ಳಿ ಮತ್ತು ಅವರ ಬೆಂಬಲವನ್ನು ತೆಗೆದುಕೊಳ್ಳಿ.
ಇದಲ್ಲದೆ ನಿಯಮಿತ ವ್ಯಾಯಾಮವು ಒತ್ತಡವನ್ನು ಕಡಿಮೆ ಮಾಡಲು ಮತ್ತು ಮನಸ್ಥಿತಿಯನ್ನು ಸುಧಾರಿಸಲು ಸಹಾಯ ಮಾಡುತ್ತದೆ. ಯೋಗ ಅಥವಾ ಧ್ಯಾನದಂತಹ ಅಭ್ಯಾಸಗಳು ಸಹ ಪ್ರಯೋಜನಕಾರಿ.
ಪ್ರತಿ ರಾತ್ರಿ 7-8 ಗಂಟೆಗಳ ನಿದ್ದೆ ಅಗತ್ಯ. ನಿದ್ರೆಯ ಕೊರತೆಯು ಆತಂಕ ಮತ್ತು ಖಿನ್ನತೆಯ ಅಪಾಯವನ್ನು ಹೆಚ್ಚಿಸುತ್ತದೆ. ಇದಲ್ಲದೆ ಸೈಬರ್‌ ಬುಲ್ಲಿಂಗ್‌ನಂತಹ ಕೃತ್ಯಗಳನ್ನು ನಿಲ್ಲಿಸಲು ಕಟ್ಟುನಿಟ್ಟಾದ ಕಾನೂನು ಜಾರಿ ಮಾಡುವ ಅವಶ್ಯಕತೆಯಿದೆ.
Loading ...