Laptop ನಲ್ಲೂ ಮಾಡ್ಬಹುದು ವಾಟ್ಸಾಪ್‌ ವಿಡಿಯೋ ಕಾಲ್‌…! ಇಲ್ಲಿದೆ ಈ ಕುರಿತ ಮಾಹಿತಿ

ಭಾರತದಲ್ಲಿ ಕೋಟ್ಯಾಂತರ ಜನರು ವಾಟ್ಸಾಪ್‌ ಬಳಸ್ತಾರೆ. ವಾಟ್ಸಾಪ್‌ ಆಡಿಯೋ ಕಾಲ್‌ ಕೂಡ ಸಾಕಷ್ಟು ಪ್ರಯೋಜನಕಾರಿಯಾಗಿದೆ. ಕೊರೊನಾ ಪೆಂಡಮಿಕ್‌ ಸಮಯದಲ್ಲಂತೂ ನಮ್ಮ ಆಪ್ತರನ್ನು ವಿಡಿಯೋ ಕಾಲ್‌ ಮೂಲಕ ನೋಡಲು, ಅವರ ಆರೋಗ್ಯ ವಿಚಾರಿಸಲು ವಾಟ್ಸಾಪ್‌ ಸಹಾಯ ಮಾಡಿದೆ.

ಇದೀಗ ಡೆಸ್ಕ್‌ ಟಾಪ್‌ ನಲ್ಲೂ ವಿಡಿಯೋ ಕಾಲ್‌ ಮಾಡುವ ಹೊಸ ಆಪ್ಷನ್‌ ಅನ್ನು ವಾಟ್ಸಾಪ್‌ ನೀಡ್ತಾ ಇದೆ. ಲ್ಯಾಪ್ಟಾಪ್‌ ನಲ್ಲೂ ನೀವು ವಿಡಿಯೋ ಕಾಲ್‌ ಮಾಡಬೇಕಂದ್ರೆ ಕೆಲವೊಂದು ಸಿಂಪಲ್‌ ಸ್ಟೆಪ್‌ ಗಳನ್ನು ಫಾಲೋ ಮಾಡಿ. ಮೊದಲು ನಿಮ್ಮ ಲ್ಯಾಪ್‌ ಟಾಪ್‌ ಅಥವಾ ಡೆಸ್ಕ್ ಟಾಪ್‌ ನಲ್ಲಿ ವಾಟ್ಸಾಪ್‌ ಡೆಸ್ಕ್‌ ಟಾಪ್‌ ಅಪ್ಲಿಕೇಶನ್‌ ಅನ್ನು ಡೌನ್‌ಲೋಡ್‌ ಮಾಡಿ.

ಬಳಕೆದಾರರ ಹೆಸರು ಮತ್ತು ಫೋನ್ ಸಂಖ್ಯೆಯನ್ನೆಲ್ಲ ಹಾಕಿ ಲಾಗಿನ್‌ ಮಾಡಿ. Windows 10, 64-ಬಿಟ್ ಆವೃತ್ತಿ 1903, macOS 10.13 ನಲ್ಲಿ ಮಾತ್ರ ವಾಟ್ಸಾಪ್ ವಿಡಿಯೋ ಕರೆಗಳನ್ನು ಮಾಡಲು ಸಾಧ್ಯ. ಗ್ರೂಪ್‌ ವಿಡಿಯೋ ಕಾಲ್‌ ಮಾಡಲು ಇದರಲ್ಲಿ ಸಾಧ್ಯವಿಲ್ಲ. ಒಂದು ಬಾರಿ ಒಬ್ಬರಿಗೆ ಮಾತ್ರ ವಿಡಿಯೋ ಕಾಲ್‌ ಮಾಡಬಹುದು.

1. ಮೇಲೆ ತಿಳಿಸಿದಂತೆ Windows ಅಥವಾ Mac ಗಾಗಿ WhatsApp ಡೆಸ್ಕ್‌ಟಾಪ್ ಅಪ್ಲಿಕೇಶನ್ ಅನ್ನು ಡೌನ್ಲೋಡ್‌ ಮಾಡಿ.

2. ಸೈನ್ ಇನ್ ಮಾಡಲು ನಿಮ್ಮ ಫೋನ್‌ನಿಂದ PC ಯಲ್ಲಿ QR ಕೋಡ್ ಅನ್ನು ಸ್ಕ್ಯಾನ್ ಮಾಡಿ.

3. ಡೆಸ್ಕ್‌ಟಾಪ್‌ನಲ್ಲಿ ನಿಮ್ಮ WhatsApp ಖಾತೆಯನ್ನು ತೆರೆದ ನಂತರ, ಚಾಟ್ ಅನ್ನು ತೆರೆಯಿರಿ ಮತ್ತು ಮೇಲಿನ ಬಲ ಮೂಲೆಯಲ್ಲಿರುವ ವಿಡಿಯೋ ಕರೆ ಐಕಾನ್ ಅನ್ನು ಕ್ಲಿಕ್ ಮಾಡಿ.

4. ನೀವು ಸಂಪರ್ಕವನ್ನು ಆಯ್ಕೆ ಮಾಡಬಹುದು ಮತ್ತು ನಿಮ್ಮ PC ಯಲ್ಲಿ WhatsApp ವಿಡಿಯೋ ಕರೆ ಮಾಡಬಹುದು.

PCಯಲ್ಲಿ WhatsApp ವಿಡಿಯೋ ಕರೆಗಳನ್ನು ಮಾಡಲು ಕೆಲವು ಕನಿಷ್ಠ ಅವಶ್ಯಕತೆಗಳಿವೆ ಎಂಬುದನ್ನು ನೆನಪಿನಲ್ಲಿಡಿ. ಇವುಗಳಲ್ಲಿ ಆಡಿಯೊ ಔಟ್‌ಪುಟ್ ಸಾಧನ ಮತ್ತು ಮೈಕ್ರೊಫೋನ್, ಬಾಹ್ಯ ಅಥವಾ ಅಂತರ್ಗತ ವೆಬ್‌ಕ್ಯಾಮ್ ಮತ್ತು ಸಕ್ರಿಯ ಇಂಟರ್ನೆಟ್ ಸಂಪರ್ಕ ಇರಬೇಕು.