ವಿಶೇಷ ವಿನ್ಯಾಸದ ಥೀಮ್‌ಗಳು, ವಿವರಗಳು ಮತ್ತು ವಿಶೇಷ ವಾಹನ ಕಾರ್ಯಾಚರಣೆಗಳಿರುವ ಹೊಸ ರೇಂಜ್ ರೋವರ್ ಎಸ್‌ವಿಗಾಗಿ ಲ್ಯಾಂಡ್ ರೋವರ್ ಬುಕಿಂಗ್ ಗವಾಕ್ಷಿ ತೆರೆದಿದೆ.
ಇದೇ ಮೊದಲ ಬಾರಿಗೆ ಐದು-ಆಸನದ ಎಲ್‌ಡಬ್ಲ್ಯೂಬಿ ಕಾನ್ಫಿಗರೇಶನ್ ಸೇರಿದಂತೆ ಸ್ಟ್ಯಾಂಡರ್ಡ್ ಮತ್ತು ಲಾಂಗ್ ವೀಲ್‌ಬೇಸ್ ಬಾಡಿ ವಿನ್ಯಾಸಗಳಲ್ಲಿ ಈ ವಾಹನ ಲಭ್ಯವಿರುತ್ತದೆ. ಎಲ್‌ಡಬ್ಲ್ಯೂಬಿ ಗ್ರಾಹಕರು ನಾಲ್ಕು-ಆಸನಗಳ ಎಸ್‌ವಿ ಸಿಗ್ನೇಚರ್ ಸೂಟ್ ಅನ್ನು ನಿರ್ದಿಷ್ಟಪಡಿಸುವ ಆಯ್ಕೆಯನ್ನು ಸಹ ಹೊಂದಿರುತ್ತಾರೆ. ಎಲೆಕ್ಟ್ರಿಕ್ ಆಗಿ ನಿಯೋಜಿಸಬಹುದಾದ ಕ್ಲಬ್ ಟೇಬಲ್ ಮತ್ತು ಇಂಟಿಗ್ರೇಟೆಡ್ ರೆಫ್ರಿಜರೇಟರ್‌ನೊಂದಿಗೆ ಈ ವಾಹನದ ಆಂತರಿಕ ವಿನ್ಯಾಸ ಮಾಡಲಾಗಿದೆ.
ಇಲ್ಲಿದೆ 2021ರಲ್ಲಿ ಬಿಡುಗಡೆಯಾದ ಟಾಪ್ ಇ – ಸ್ಕೂಟರ್‌ಗಳ ಪಟ್ಟಿ
ರೇಂಜ್ ರೋವರ್ ಎಸ್‌ವಿ ಹೊಸ 4.4-ಲೀಟರ್ ಅವಳಿ ಟರ್ಬೊ ಪೆಟ್ರೋಲ್ ಇಂಜಿನ್‌ ಅನ್ನು ಹೊಂದಿದೆ, ಇದು 390kW ಮತ್ತು 750Nm ಟಾರ್ಕ್ ಶಕ್ತಿಯನ್ನು ನೀಡುತ್ತದೆ ಮತ್ತು 3.0-ಲೀಟರ್ ನೇರ-ಆರು ಡೀಸೆಲ್ ಇಂಜಿನ್‌ 258 kW ಮತ್ತು 700 Nm ಟಾರ್ಕ್ ಉತ್ಪಾದಿಸಬಲ್ಲದು.
ಹೊಸ ರೇಂಜ್ ರೋವರ್ ಎಸ್‌ವಿ ವಿಶೇಷವಾದ ಮುಂಭಾಗದ ಬಂಪರ್ ಜೊತೆಗೆ ಐದು-ಬಾರ್ ಗ್ರಿಲ್ ವಿನ್ಯಾಸಗಳನ್ನು ಹೊಂದಿದ್ದು ಹೊಸ ಫ್ಲ್ಯಾಗ್‌ಶಿಪ್ ಮಾದರಿಯನ್ನು ಪ್ರತ್ಯೇಕಿಸುತ್ತದೆ. ಅಂದವಾದ ವಸ್ತುಗಳಲ್ಲಿ ನಯವಾದ ಸೆರಾಮಿಕ್ಸ್, ಮರದ ವಿನ್ಯಾಸ ಮತ್ತು ಲೋಹ ಲೇಪನ, ವಿಶೇಷ ವಾಹನಗಳು ಹೈಲೈಟ್ ಆಗಿ ಕಾಣುತ್ತವೆ.
ರೇಂಜ್ ರೋವರ್ ಎಸ್‌ವಿ ಮಾದರಿಗಳು 33.27 ಸೆಂಮೀ (13.1) ಹಿಂಬದಿ ಸೀಟ್ ಎಂಟರ್‌ಟೈನ್‌ಮೆಂಟ್ ಸ್ಕ್ರೀನ್‌ಗಳೊಂದಿಗೆ ಲಭ್ಯವಿವೆ. ಇದು ರೇಂಜ್ ರೋವರ್‌ಗೆ ಇದುವರೆಗೆ ಅಳವಡಿಸಲಾಗಿರುವ ದೊಡ್ಡದಾದ ಸ್ಕ್ರೀನ್ ಆಗಿದೆ.
Loading ...