ಫ್ಯಾಷನ್​ ಪ್ರಪಂಚಕ್ಕೆ ನಾಗಾ ಜನರ ಅದ್ಭುತ ಕೊಡುಗೆ: ಅಪರೂಪದ ವಿಡಿಯೋ ವೈರಲ್​

ಫ್ಯಾಷನ್ ಎಂಬುದು ಒಂದು ಹಂತಕ್ಕೆ ಮುಗಿಯುವುದಿಲ್ಲ. ಅದು ದಿನದಿಂದ ದಿನಕ್ಕೆ ಹೊಸ ರೂಪ ಪಡೆಯುತ್ತಲೇ ಇರುತ್ತವೆ. ಜನರು ಡಿಸೈನರ್ ಮೇಳಗಳಿಂದ ಪ್ರೇರಿತವಾದ ಬಟ್ಟೆಗಳೊಂದಿಗೆ ತಮ್ಮ ವಾರ್ಡ್​ರೋಬ್​ಗಳಲ್ಲಿ ಹೊಸ ಹೊಸ ವಿನ್ಯಾಸದ ಬಟ್ಟೆಗಳನ್ನು ಸಂಗ್ರಹಿಸುತ್ತಾರೆ. ಆದಾಗ್ಯೂ, ಹಲವಾರು ರಾಜ್ಯಗಳ ಹಳ್ಳಿಗಳಲ್ಲಿ ಇನ್ನೂ ಪ್ರಚಲಿತದಲ್ಲಿರುವ ಸಂಸ್ಕೃತಿಯನ್ನು ನೋಡಿದರೆ, ಪಟ್ಟಣ, ನಗರ ಪ್ರದೇಶಗಳಲ್ಲಿರುವ ಫ್ಯಾಷನ್​ಗೆ ಸೆಡ್ಡು ಹೊಡೆದಂತೆ ಇರುತ್ತದೆ.

ಕೆಲವು ಗ್ರಾಮಸ್ಥರು ತಮ್ಮ ಬಟ್ಟೆಗಳನ್ನು ಖುದ್ದು ಹೇಗೆ ತಯಾರಿಸುತ್ತಾರೆ ಎಂಬುದು ಅಷ್ಟೇ ಅಚ್ಚರಿಯಾಗುತ್ತದೆ. ಅಂಥದ್ದೇ ಒಂದು ಕುತೂಲಯದ ವಿಡಿಯೋವನ್ನು ಕೇಂದ್ರ ಸಚಿವ ಕಿರಣ್ ರಿಜಿಜು ಶೇರ್​ ಮಾಡಿಕೊಂಡಿದ್ದಾರೆ.

ನಾಗಾಲ್ಯಾಂಡ್ ಗ್ರಾಮವೊಂದರಲ್ಲಿ ಮಹಿಳೆಯರ ವಿಡಿಯೋವನ್ನು ಟ್ವಿಟರ್‌ನಲ್ಲಿ ಅವರು ಹಂಚಿಕೊಂಡಿದ್ದಾರೆ. ವೀಡಿಯೊದಲ್ಲಿ, ಮಹಿಳೆಯರು ಹತ್ತಿ ನೂಲುವ ಮತ್ತು ಬಟ್ಟೆಗೆ ಎಳೆಗಳನ್ನು ನೇಯುತ್ತಿರುವುದನ್ನು ಕಾಣಬಹುದು. ಈ ಹಳ್ಳಿಗರು ಭಾರತದ ಶ್ರೀಮಂತ ಪರಂಪರೆ ಮತ್ತು ಸಂಸ್ಕೃತಿಯನ್ನು ಇನ್ನೂ ಹೇಗೆ ಉಳಿಸಿಕೊಂಡಿದ್ದಾರೆ ಎಂಬುದನ್ನು ಇದು ತೋರಿಸುತ್ತದೆ.

“ನಮ್ಮ ನಾಗಾ ಸಹೋದರಿಯರು ಮತ್ತು ಸಹೋದರರ ಬಗ್ಗೆ ಅತ್ಯಂತ ಹೆಮ್ಮೆ! ಎಂದು ಕಿರಣ್​ ರಿಜಿಜು ಬರೆದುಕೊಂಡಿದ್ದಾರೆ.

https://twitter.com/RSBALAJI17/status/1619681856085200898?ref_src=twsrc%5Etfw%7Ctwcamp%5Etweetembed