ಎಲ್ಲರ ಗಮನ ಸೆಳೆದಿದೆ ಎರಡು ಕೆಜಿ ಜಂಬೂ ಜಲೇಬಿ….!

ಜಲೇಬಿಯು ದೇಶದಾದ್ಯಂತ ಬಹಳ ಜನಪ್ರಿಯ ಸಿಹಿತಿಂಡಿ. ಜಿಲೇಬಿ ಸೈಜ್​ ಬಗ್ಗೆ ಎಲ್ಲರಿಗೂ ಒಂದು ಕಲ್ಪನೆ ಇದೆ. ಆದರೆ, ಜಂಬೂ ಗಾತ್ರದ ಜಿಲೇಬಿಯನ್ನು ಸವಿಯಲು, ಕೊಲ್ಕೊತ್ತಾದ ಬಂಕುರಾ ನಗರದಿಂದ ಸುಮಾರು 20 ಕಿಲೋಮೀಟರ್​ ದೂರದಲ್ಲಿರುವ ಕೆಂಜಕುರಾ ಗ್ರಾಮಕ್ಕೆ ಭೇಟಿ ನೀಡಬೇಕು.

ಈ ಜಿಲೇಬಿ ಗಾತ್ರ 2 ಕೆ.ಜಿ. ಯದ್ದಾಗಿದೆ. ವಿಶ್ವಕರ್ಮ ಪೂಜೆ ಮತ್ತು ವಡುಪೂಜೆಯ ಸಂದರ್ಭದಲ್ಲಿ ಬಂಕುರಾದ ಕೆಂಜಕೂರ ಪ್ರಸಿದ್ಧ ಜಂಬೂ ಜಿಲೇಬಿ ಎಲ್ಲರ ಗಮನ ಸೆಳೆದಿದೆ.

ಬಂಗಾಳದಲ್ಲಿ ವಿಜಯ ದಶಮಿ ಅಥವಾ ಬಂಗಾಳಿ ಹೊಸ ವರ್ಷದ ಹಬ್ಬಗಳ ಸಮಯದಲ್ಲಿ ಜಿಲೇಬಿ ತಿನ್ನುವ ಸಂಪ್ರದಾಯವನ್ನು ಹೊಂದಿದ್ದಾರೆ.

ಕೆಂಜಕುರಾ ಬಂಕುರಾದ ದ್ವಾರಕೇಶ್ವರ ನದಿಯ ದಡದಲ್ಲಿರುವ ಅತ್ಯಂತ ಹಳೆಯ ಪಟ್ಟಣಗಳಲ್ಲಿ ಒಂದಾಗಿದೆ. ಒಂದು ಕಡೆ, ಪ್ರಸಿದ್ಧ ಕಂಚಿನ ಕಲಾ ಕೇಂದ್ರವಿದೆ, ಇನ್ನೊಂದು ಬದಿಯಲ್ಲಿ ಬಂಕುರಾದ ಕೆಂಜಕುರಾ ಬೃಹತ್​ ಬಂಗಾಳದ ವಿವಿಧ ಜಾನಪದ ಸಂಸ್ಕೃತಿಯ ಆಚರಣೆಗಳ ಸ್ಥಳವಿದೆ.

ಪ್ರಾಚೀನ ಕಾಲದಿಂದಲೂ ಈ ಪ್ರದೇಶದಲ್ಲಿ ವಿಶ್ವಕರ್ಮ ಮತ್ತು ಭಾದು ಪೂಜೆ ಪ್ರಸಿದ್ಧವಾಗಿದೆ. ಪೂಜೆಯ ಸಂದರ್ಭದಲ್ಲಿ ಕೆಂಜಕೂರಿನ ಸಿಹಿತಿಂಡಿ ಮಾರಾಟಗಾರರು ಪೂರ್ವಜರು ತೋರಿದ ದಾರಿಗೆ ಅನುಗುಣವಾಗಿ ಬೃಹತ್​ ಗಾತ್ರದ ವಿಶೇಷ ಜಿಲೇಬಿಯನ್ನು ತಯಾರಿಸುತ್ತಾರೆ. ಒಂದು ಜಿಲೇಬಿಯ ತೂಕವು 500 ಗ್ರಾಂನಿಂದ ಸುಮಾರು 2 ಕೆಜಿ ವರೆಗೆ ಇರುತ್ತದೆ. ಇಲ್ಲಿ ಜಿಲೇಬಿಯನ್ನು ತೂಕದಲ್ಲಿ ಮಾರಾಟ ಮಾಡಲಾಗುತ್ತದೆ. ಈ ಜಂಬೂ ಜಿಲೇಬಿ ಕೆಜಿಗೆ 150 ರೂ. ಇರಲಿದೆ.

ಈ ಹಿಂದೆ ಕೆಂಜಕೂರ ಗ್ರಾಮದ ಸಿಹಿ ಮಾರಾಟಗಾರರ ನಡುವೆ ದೊಡ್ಡ ಜಿಲೇಬಿಯನ್ನು ಯಾರು ಮಾಡಬಹುದೆಂಬ ಪೈಪೋಟಿ ಏರ್ಪಟ್ಟಿತ್ತು. ಒಂದು ಕಾಲದಲ್ಲಿ ಒಂದು ಜಿಲೇಬಿ 3 ರಿಂದ 4 ಕೆಜಿ ತೂಕವಿತ್ತು, ಈಗ ಅದು 1.5 ಕೆಜಿರಿಂದ 2 ಕೆಜಿ ವರೆಗೆ ಇಳಿದಿದೆ. ಜಂಬೂ ಜಲೇಬಿಯ ಜನಪ್ರಿಯತೆಯು ರಾಜ್ಯವನ್ನು ಮೀರಿ ಇತರ ರಾಜ್ಯಗಳಿಗೂ ಹೋಗುತ್ತದೆ.