ಹುಲಿಗಳ ಕಾದಾಟದ ವಿಡಿಯೋ ವೈರಲ್

ಎರಡು ಹುಲಿಗಳು ಕಾದಾಟದಲ್ಲಿ ಇರುವುದನ್ನು ನೋಡುವುದೇ ಒಂದು ಭಯಂಕರ ಅನುಭವ. ಭಾರತೀಯ ಅರಣ್ಯ ಸೇವೆ ಅಧಿಕಾರಿ ಸುಶಾಂತಾ ನಂದಾ ತಮ್ಮ ಟ್ವಿಟರ್‌ ಖಾತೆಯಲ್ಲಿ ಶೇರ್‌ ಮಾಡಿಕೊಂಡಿದ್ದಾರೆ.

ಕಾಡು ಹುಲಿಯೊಂದು ಸಫಾರಿ ಹುಲಿಯೊಂದಿಗೆ ಕಾದಾಟಕ್ಕೆ ಇಳಿದಿರುವ ಈ ಘಟನೆಯನ್ನು ಭನ್ನೇರುಘಟ್ಟ ರಾಷ್ಟ್ರೀಯ ಉದ್ಯಾನದಲ್ಲಿ ಚಿತ್ರೀಕರಿಸಲಾಗಿದೆ. 45 ಸೆಕೆಂಡ್‌ಗಳು ಇರುವ ಈ ವಿಡಿಯೋದಲ್ಲಿ, ಪರಸ್ಪರ ಕಾದಾಟದಲ್ಲಿ ಇರುವ ಹುಲಿಗಳ ನಡುವೆ ಕಬ್ಬಿಣದ ಬೇಲಿಯೊಂದು ಅಡ್ಡವಿದೆ.

ಬೇಲಿಯ ಇಕ್ಕೆಲಗಳಲ್ಲಿ ನಿಂತುಕೊಂಡೇ ಒಂದರ ಮೇಲೊಂದು ದಾಳಿ ಮಾಡಲು ಮುಂದಾಗುತ್ತಿರುವ ಹುಲಿಗಳನ್ನು ಈ ವಿಡಿಯೋದಲ್ಲಿ ಕಾಣಬಹುದಾಗಿದೆ. ಒಂದೇ ಹುಲಿ ಕನ್ನಡಿ ಮುಂದೆ ನಿಂತುಕೊಂಡು ತನ್ನದೇ ಪ್ರತಿಬಿಂಬದೊಂದಿಗೆ ಕಾದಾಡುತ್ತಿದೆ ಎನಿಸುವ ಮಟ್ಟದಲ್ಲಿ ಈ ಕಾದಾಟ ಗೋಚರಿಸುತ್ತದೆ.