ಡ್ರಗ್ಸ್ ಪ್ರಕರಣ: ವೀರೇನ್ ಖನ್ನಾ ನಿವಾಸದ ಮೇಲೆಯೂ ಸಿಸಿಬಿ ದಾಳಿ

ಬೆಂಗಳೂರು: ಡ್ರಗ್ಸ್ ಪ್ರಕರಣಕ್ಕೆ ಸಂಬಂಧಿಸಿದಂತೆ ಪಾರ್ಟಿ ಆಯೋಜಕ ವೀರೇನ್ ಖನ್ನಾ ನಿವಾಸಗಳ ಮೇಲೆ ಸಿಬಿಐ ಅಧಿಕಾರಿಗಳು ದಾಳಿ ನಡೆಸಿದ್ದಾರೆ.

ನಟಿ ರಾಗಿಣಿ ಆಪ್ತನ ರೀತಿ ಗುರುತಿಸಿಕೊಂಡಿರುವ ವೀರೇನ್ ಖನ್ನಾನನ್ನು ಸಿಸಿಬಿ ಪೊಲೀಸರು ಈಗಾಗಲೇ ಬಂಧಿಸಿದ್ದಾರೆ. ಸದ್ಯ ಸಿಸಿಬಿ ವಶದಲ್ಲಿರುವ ವೀರೇನ್ ಖನ್ನಾಗೆ ಸೇರಿದ ಬೆಂಗಳೂರಿನ ಶಾಂತಿನಗರದ ನಿವಾಸ ಮತ್ತು ದೆಹಲಿ ನಿವಾಸದ ಮೇಲೆ ಏಕಕಾಲಕ್ಕೆ ಸಿಸಿಬಿ ಅಧಿಕಾರಿಗಳು ದಾಳಿ ನಡೆಸಿ ಪರಿಶೀಲನೆ ನಡೆಸಿದ್ದಾರೆ ಎಂದು ಹೇಳಲಾಗಿದೆ.

ನಟಿ ಸಂಜನಾ ನಿವಾಸದ ಮೇಲೆ ಸಿಸಿಬಿ ಪೊಲೀಸರು ದಾಳಿ ಮಾಡಿದ್ದು, ಇದರ ಜೊತೆಗೇ ವೀರೇನ್ ಖನ್ನಾ ನಿವಾಸಗಳ ಮೇಲೆಯೂ ರೇಡ್ ಮಾಡಲಾಗಿದೆ.