ಮಂಗಳವಾರ ಜಿಲ್ಲಾಧಿಕಾರಿಗಳ ಜೊತೆ ವಿಡಿಯೋ ಸಂವಾದ ನಡೆಸಿದ್ದ ಪ್ರಧಾನಿ ಮೋದಿ ಕೊರೊನಾ ತಡೆಗಾಗಿ ಡಿಸಿಗಳು ಫೀಲ್ಡ್ ಕಮಾಂಡರ್ಗಳಂತೆ ಕೆಲಸ ಮಾಡಬೇಕು. ಹಾಗೂ ಕೊರೊನಾ ವಿರುದ್ಧದ ಹೋರಾಟ ನಡೆಸಲು ಡಿಸಿಗೆ ಸೂಪರ್ ಪವರ್ ನೀಡಲಾಗುವುದು ಎಂದು ಹೇಳಿದ್ದರು.
ಇಂದು ಈ ವಿಚಾರವಾಗಿ ಮಂಗಳೂರಿನಲ್ಲಿ ಮಾತನಾಡಿದ ಮಾಜಿ ಸಚಿವ ಯು.ಟಿ. ಖಾದರ್ ಜಿಲ್ಲಾಧಿಕಾರಿಗಳಿಗೆ ಅಂತಹ ಯಾವ ಹೊಸ ಅಧಿಕಾರ ನೀಡಿದ್ದೀರಾ ಎಂದು ಪ್ರಶ್ನೆ ಮಾಡಿದ್ರು.
ಡಿಸಿಗಳನ್ನ ಪ್ರಧಾನಿ ಕಮಾಂಡರ್ ಇನ್ ಚೀಫ್ ಎಂದು ಕರೆದಿದ್ದಾರೆ. ಡಿಸಿಗೆ ಈ ಹಿಂದೆನೇ ಮ್ಯಾಜಿಸ್ಟ್ರೇಟ್ ಪವರ್ ಇತ್ತು. ಕಮಾಂಡರ್ ಇನ್ ಚೀಫ್ ಎಂದು ಕರೆದ ಬಳಿಕ ಅವರಿಗೆ ಯಾವ ವಿಶೇಷ ಅಧಿಕಾರವನ್ನ ನೀವು ಕೊಟ್ಟಿದ್ದೀರಾ..? ಸರಿಯಾಗಿ ಕಾರ್ಯನಿರ್ವಹಿಸದ ತಹಶೀಲ್ದಾರ್ ಹಾಗೂ ಎಸಿ ಮೇಲೆ ಕ್ರಮ ಕೈಗೊಳ್ಳುವ ಅಧಿಕಾರ ಜಿಲ್ಲಾಧಿಕಾರಿಗೆ ಇಲ್ಲ. ಡಿಹೆಚ್ಒ ಹಾಗೂ ವೈದ್ಯರು ಸರಿಯಾಗಿ ಕೆಲಸ ಮಾಡದೇ ಇದ್ದರೆ ಅವರನ್ನ ವರ್ಗ ಮಾಡುವ ಅಧಿಕಾರ ಡಿಸಿಗೆ ಇದೆಯಾ..? ಏನೂ ಪವರ್ ಕೊಡದೇ ಅವರನ್ನ ಕಮಾಂಡರ್ ಇನ್ ಚೀಫ್ ಎಂದು ಅದು ಹೇಗೆ ಕರೆದ್ರಿ ಎಂದು ಪ್ರಶ್ನೆ ಮಾಡಿದ್ರು.
ಕೇಂದ್ರ ಸರ್ಕಾರಕ್ಕೆ ಜನರ ಕಷ್ಟ ಇನ್ನೂ ಅರ್ಥವಾಗಿಲ್ಲ. ಸುಮ್ಮನೇ ಡಿಸಿಗೆ ಸೂಪರ್ ಪವರ್ ಎಂದು ಹೇಳಿ ಜನರನ್ನ ಮೂರ್ಖರನ್ನಾಗಿ ಮಾಡಿದ್ದಾರೆ. ಗ್ರಾಮ ಮಟ್ಟದಲ್ಲಿ ಟಾಸ್ಕ್ ಫೋರ್ಸ್ ರಚನೆ ಮಾಡಿ ಅಂತಾ ಪ್ರಧಾನಿ ಹೇಳ್ತಾರೆ. ನಮ್ಮಲ್ಲಿ ಟಾಸ್ಕ್ ಫೋರ್ಸ್ ರಚನೆಯಾಗಿ 2 ತಿಂಗಳ ಮೇಲಾಗಿದೆ. ಇದರಲ್ಲೇ ನಮ್ಮ ಪ್ರಧಾನಿ ಎಷ್ಟು ಹಿಂದೆ ಇದ್ದಾರೆ ಅನ್ನೋದು ತಿಳಿಯುತ್ತೆ ಎಂದು ವ್ಯಂಗ್ಯವಾಡಿದ್ರು.
Loading ...