ರಾಜ್ಯದಲ್ಲಿ 25 ಸಾವಿರ ಗಡಿ ದಾಟಿದ ಸೋಂಕಿತರು, 400 ರ ಗಡಿ ದಾಟಿದ ಸಾವಿನ ಸಂಖ್ಯೆ: 14 ಸಾವಿರ ಸಕ್ರಿಯ ಕೇಸ್ – 279 ಜನ ಗಂಭೀರ

ಬೆಂಗಳೂರು: ರಾಜ್ಯದಲ್ಲಿ ನಿನ್ನೆ ಒಂದೇ ದಿನ 1843 ಮಂದಿಗೆ ಕೊರೊನಾ ಸೋಂಕು ತಗುಲಿರುವುದು ದೃಢಪಟ್ಟಿದೆ. ಇದರೊಂದಿಗೆ ಒಟ್ಟು ಸಂಖ್ಯೆ 25,317 ಕ್ಕೆ ಏರಿಕೆಯಾಗಿದೆ. ನಿನ್ನೆ ಒಂದೇ ದಿನ 680 ಮಂದಿ ಬಿಡುಗಡೆ ಹೊಂದಿದ್ದು ಇದುವರೆಗೆ 10,527 ಜನ ಗುಣಮುಖರಾಗಿ ಬಿಡುಗಡೆಯಾಗಿದ್ದಾರೆ.

14,385 ಸಕ್ರಿಯ ಪ್ರಕರಣಗಳಿದ್ದು 279 ಜನ ಐಸಿಯುನಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ರಾಜ್ಯದಲ್ಲಿ ಸೋಮವಾರ  ಕೊರೋನಾ ಸೋಂಕಿನಿಂದ 30 ಮಂದಿ ಸಾವನ್ನಪ್ಪಿದ್ದು, ಇದುವರೆಗೆ 401 ಮಂದಿ ಕೊರೋನಾ ಸೋಂಕಿನಿಂದ ಮೃತಪಟ್ಟಿದ್ದಾರೆ.

ಬೆಂಗಳೂರಿನಲ್ಲಿ 981 ಜನರಿಗೆ ಸೋಂಕು ತಗುಲಿದ್ದು, ಒಟ್ಟು ಸೋಂಕಿತರ ಸಂಖ್ಯೆ 10,561 ಕ್ಕೆ ಏರಿಕೆಯಾಗಿದೆ. 8860 ಸಕ್ರಿಯ ಪ್ರಕರಣ ಇವೆ.