ಕೊರೊನಾ 2ನೇ ಅಲೆಯಲ್ಲಾದ ತಪ್ಪು 3ನೇ ಅಲೆಯಲ್ಲಿ ಆಗೋದಿಲ್ಲ: ಸಚಿವ ಆರ್​. ಅಶೋಕ್​​

ರಾಜ್ಯ ಸರ್ಕಾರ ಕೊರೊನಾ ಮೂರನೇ ಅಲೆಯನ್ನ ಎದುರಿಸಲು ಸಕಲ ರೀತಿಯಲ್ಲಿ ಸಜ್ಜಾಗಿದೆ ಎಂದು ಕಂದಾಯ ಸಚಿವ ಆರ್​. ಅಶೋಕ್​ ಹೇಳಿದ್ದಾರೆ. ರಾಜ್ಯ ಸರ್ಕಾರ ಕೊರೊನಾ 2ನೆ ಅಲೆಯನ್ನ ನಿಯಂತ್ರಿಸುವಲ್ಲಿ ವಿಫಲವಾಗಿದೆ ಎಂಬ ವಿಪಕ್ಷಗಳ ಆರೋಪದ ಬೆನ್ನಲ್ಲೇ ಆರ್​. ಅಶೋಕ್​ ಈ ಹೇಳಿಕೆಯನ್ನ ನೀಡಿದ್ದಾರೆ.

ಕೊರೊನಾ ಮೂರನೇ ಅಲೆಯನ್ನ ಎದುರಿಸಲು ರಾಜ್ಯ ಸರ್ಕಾರ ಸಕಲ ರೀತಿಯಲ್ಲಿ ಸಜ್ಜಾಗಿದೆ. ಮೂರ್ನಾಲ್ಕು ದಿನಗಳಲ್ಲಿ ಕೊರೊನಾ ವಿಶೇಷ ಟಾಸ್ಕ್​ ಫೋರ್ಸ್​ ರಚನೆಯಾಗಲಿದೆ. ಸಿಎಂ ಯಡಿಯೂರಪ್ಪ ಈ ವಿಶೇಷ ಟಾಸ್ಕ್​ ಫೋರ್ಸ್​ನ್ನು ಅಂತಿಮ ಮಾಡಲಿದ್ದಾರೆ. ಕೊರೊನಾ 3ನೇ ಅಲೆ ಹೆಚ್ಚಾಗಲು ಬಿಡೋದಿಲ್ಲ. ಪ್ರತಿ ಜಿಲ್ಲೆಯಲ್ಲೂ ಮಕ್ಕಳಿಗೆ ಪ್ರತ್ಯೇಕ ಕೇಂದ್ರಗಳನ್ನ ನಿರ್ಮಾಣ ಮಾಡುತ್ತೇವೆ. ಕಂದಾಯ ಇಲಾಖೆ ವತಿಯಿಂದ ಆರೈಕೆ ಕೇಂದ್ರಗಳನ್ನ ನಿರ್ಮಿಸಲಿದ್ದೇವೆ.

ಕೊರೊನಾ 2ನೇ ಅಲೆಯಲ್ಲಾದ ತಪ್ಪುಗಳು ಮೂರನೇ ಅಲೆಯಲ್ಲಿ ಪುನರಾವರ್ತನೆಯಾಗೋದಿಲ್ಲ ಎಂದು ಹೇಳಿದ್ರು.