ಕುಷ್ಟ ರೋಗಿಗಳಿಗೆ ಹಾವು ಕಚ್ಚುವುದಿಲ್ಲ ಒಂದೊಮ್ಮೆ ಕಚ್ಚಿದರೂ ಸಹ ವಿಷ ಏರುವುದಿಲ್ಲ ಎಂಬ ಕುರುಡು ನಂಬಿಕೆಯಿಂದ ಹುಚ್ಚಾಟ ಮೆರೆಯಲು ಮುಂದಾದ ವ್ಯಕ್ತಿಯೊಬ್ಬ ಹಾವು ಕಚ್ಚಿದ್ದರಿಂದಲೇ ಮೃತಪಟ್ಟ ದಾರುಣ ಘಟನೆ ಗದಗ ಜಿಲ್ಲೆಯಲ್ಲಿ ನಡೆದಿದೆ.
ರೋಣದ ಕಲ್ಯಾಣ ನಗರ ಬಡಾವಣೆಯ ನಿವಾಸಿ ಮಕ್ತುಂ ಸಾಬ್ ರಾಜೆಖಾನ್ ಮೃತಪಟ್ಟ ವ್ಯಕ್ತಿಯಾಗಿದ್ದು, ಕುಷ್ಟರೋಗ ಹೊಂದಿದ್ದ ಈತ ತನಗೆ ಹಾವು ಕಚ್ಚುವುದಿಲ್ಲ ಅಥವಾ ಕಚ್ಚಿದರೂ ಸಹ ವಿಷ ಏರುವುದಿಲ್ಲ ಎಂಬ ಭಾವನೆ ಹೊಂದಿದ್ದ ಎನ್ನಲಾಗಿದೆ.
ನಟಿ ಕಾಜಲ್ ಅಗರ್ವಾಲ್ಗೆ ಅಸ್ತಮಾ..! ಇಲ್ಲಿದೆ ನೋಡಿ ಅಸ್ತಮಾ ಕುರಿತ ಬಹುಮುಖ್ಯ ಮಾಹಿತಿ
ಹೀಗಾಗಿ ಭಾನುವಾರದಂದು ನಾಗರ ಹಾವೊಂದನ್ನು ಹಿಡಿದಿದ್ದು ಅದರೊಂದಿಗೆ ಆಟವಾಡಲು ಶುರು ಮಾಡಿದ್ದಾನೆ. ಈ ವೇಳೆ ಹಿತೈಷಿಗಳು ಪರಿಪರಿಯಾಗಿ ಹೇಳಿದರೂ ಸಹ ಮಕ್ತುಂ ಸಾಬ್ ಅವರ ಮಾತನ್ನು ಕೇಳಿಲ್ಲ. ಒಂದು ಹಂತದಲ್ಲಿ ನಾಗರಹಾವು ಆತನಿಗೆ ಕಡಿದಿದ್ದು, ಇದರಿಂದ ಆತ ಪ್ರಜ್ಞೆ ತಪ್ಪಿ ಬಿದ್ದಿದ್ದಾನೆ. ಕೂಡಲೇ ಆತನನ್ನು ಆಸ್ಪತ್ರೆಗೆ ದಾಖಲಿಸಲಾಯಿತಾದರೂ ಚಿಕಿತ್ಸೆ ಫಲಕಾರಿಯಾಗದೆ ಸಾವನ್ನಪ್ಪಿದ್ದಾನೆ.
Loading ...