ಬಸ್ ಪ್ರಯಾಣಿಕರಿಗೆ ಮತ್ತೊಂದು ಗುಡ್ ನ್ಯೂಸ್: ಪ್ರಯಾಣ ದರ ಇಳಿಕೆ

ಬಳ್ಳಾರಿ: ಈಶಾನ್ಯ ಕರ್ನಾಟಕ ಸಾರಿಗೆ ಸಂಸ್ಥೆಯ ವತಿಯಿಂದ ಬಳ್ಳಾರಿಯಿಂದ ಬೆಂಗಳೂರು ರಾಜಹಂಸ ಸಾರಿಗೆ ಹಾಗೂ ಬಳ್ಳಾರಿಯಿಂದ ಶಿವಮೊಗ್ಗ, ಬಳ್ಳಾರಿಯಿಂದ ದಾವಣಗೆರೆ ಮಾರ್ಗಗಳಲ್ಲಿ ಮಾತ್ರ ಬಸ್ ಪ್ರಯಾಣ ದರಗಳನ್ನು ಇಳಿಕೆ ಮಾಡಲಾಗಿದೆ.

ಬಳ್ಳಾರಿಯಿಂದ ಚಿತ್ರದುರ್ಗ ಮಾರ್ಗಕ್ಕೆ 146 ರೂ., ಬಳ್ಳಾರಿಯಿಂದ ಚಳ್ಳಕೆರೆ ಮಾರ್ಗಕ್ಕೆ 113 ರೂ., ಚಳ್ಳಕೆರೆಯಿಂದ ಚಿತ್ರದುರ್ಗ ಮಾರ್ಗಕ್ಕೆ 30 ರೂ., ಚಿತ್ರದುರ್ಗದಿಂದ ದಾವಣಗೆರೆ ಮಾರ್ಗಕ್ಕೆ 60 ರೂ., ಚಿತ್ರದುರ್ಗದಿಂದ ಶಿವಮೊಗ್ಗ ಮಾರ್ಗಕ್ಕೆ 90 ರೂ., ಬಳ್ಳಾರಿಯಿಂದ ಬೆಂಗಳೂರು ಮಾರ್ಗಕ್ಕೆ 421 ರೂ., ಚಳ್ಳಕೆರೆಯಿಂದ ಬೆಂಗಳೂರು ಮಾರ್ಗಕ್ಕೆ 260 ರೂ., ಹಿರಿಯೂರಿನಿಂದ ಬೆಂಗಳೂರು ಮಾರ್ಗಕ್ಕೆ 260 ರೂ. ಪ್ರೋತ್ಸಾಹದಾಯಕ ಪ್ರಯಾಣ ದರ ನಿಗದಿಪಡಿಸಲಾಗಿದೆ.

ಪ್ರತಿದಿನ ಬೆಳಗ್ಗೆ 8.30ಕ್ಕೆ ಬಳ್ಳಾರಿಯಿಂದ ಶಿವಮೊಗ್ಗ, ಬೆಳಗ್ಗೆ 9ಕ್ಕೆ ಬಳ್ಳಾರಿಯಿಂದ ದಾವಣಗೆರೆ ಹಾಗೂ ರಾತ್ರಿ 10.15ಕ್ಕೆ ಬಳ್ಳಾರಿಯಿಂದ ಬೆಂಗಳೂರು ಮಾರ್ಗಕ್ಕೆ ವೇಗದೂತ, ರಾಜಹಂಸ ಬಸ್ ಸಂಚರಿಸಲಿವೆ ಎಂದು ಸಂಸ್ಥೆಯ ವಿಭಾಗೀಯ ನಿಯಂತ್ರಣಾಧಿಕಾರಿ ತಿಳಿಸಿದ್ದಾರೆ.