ಸೂರ್ಯನ ಸುತ್ತ ಕಾಣಿಸಿಕೊಳ್ತು ಉಂಗುರ: ಖಗೋಳ ವಿಜ್ಞಾನದ ಮತ್ತೊಂದು ಕೌತುಕಕ್ಕೆ ಸಾಕ್ಷಿಯಾದ ಬೆಂಗಳೂರಿನ ಜನ

ಸೋಮವಾರ ಇಂತಹದ್ದೇ ಒಂದು ವಿಸ್ಮಯಕ್ಕೆ ಬೆಂಗಳೂರಿಗರು ಸಾಕ್ಷಿಯಾಗಿದೆ. ಮುಂಜಾನೆ ಮೂಡಿದ ಸೂರ್ಯನ ಸುತ್ತ ಉಂಗುರದ ಮಾದರಿಯ ಆಕೃತಿ ಕಾಣಿಸಿಕೊಂಡಿದ್ದು ಹಲವು ಕುತೂಹಲಕ್ಕೆ ಕಾರಣವಾಗಿತ್ತು.

ಸೂರ್ಯ ಈ ರೀತಿ ವಿಭಿನ್ನವಾಗಿ ಕಾಣಿಸಿಕೊಳ್ತಾ ಇದ್ದಂತೆ ಬೆಂಗಳೂರು ಮಂದಿ ಈ ಫೋಟೋವನ್ನ ಕ್ಲಿಕ್ಕಿಸಿ ಟ್ವಿಟರ್​, ಫೇಸ್​ಬುಕ್​, ಇನ್​ಸ್ಟಾಗ್ರಾಂ, ವಾಟ್ಸಾಪ್​ ಸೇರಿದಂತೆ ವಿವಿಧ ಸೋಶಿಯಲ್​ ಮೀಡಿಯಾ ವೇದಿಕೆಗಳಲ್ಲಿ ಶೇರ್​ ಮಾಡಿದ್ದಾರೆ.

ಅಂದಹಾಗೆ ಕಾಮನಬಿಲ್ಲಿನಂತೆ ಕಾಣುವ ಈ ಉಂಗುರಾಕೃತಿಯನ್ನ ಖಗೋಳ ವಿಜ್ಞಾನದ ಭಾಷೆಯಲ್ಲಿ ಹ್ಯಾಲೋ ಎಂದು ಕರೆಯಲಾಗುತ್ತೆ. ವಾತಾವರಣದಲ್ಲಿನ ಮಂಜಿನ ಕಣಗಳು ಸೂರ್ಯನ ಸುತ್ತ ಒಗ್ಗೂಡುವ ಮೂಲಕ ಉಂಗುರಾಕೃತಿಯನ್ನ ರಚಿಸುತ್ತದೆ.

ಈ ವಿದ್ಯಮಾನ ಬೆಂಗಳೂರಿಗರಿಗೆ ಬಹಳ ವಿಶಿಷ್ಟವಾಗಿ ಕಂಡರೂ ಸಹ ಇದೇನು ಅಪರೂಪದ ವಿಸ್ಮಯವಲ್ಲ. ಬೆಳಕು ಹಾಗೂ ಮಂಜಿನ ಕಣಗಳು ಸಂವಹನ ನಡೆಸಿದಾಗ ವಾತಾವರಣದಲ್ಲಿ ಈ ವಿದ್ಯಮಾನ ಕಾಣಿಸಿಕೊಳ್ಳುತ್ತೆ. ಕಾಮನಬಿಲ್ಲಿನಂತೆ ಹ್ಯಾಲೋದಲ್ಲೂ ಬಣ್ಣಗಳು ಕಂಡರೂ ಸಹ ಇದು ಕಾಮನಬಿಲ್ಲಲ್ಲ. ಸೂರ್ಯನ ಸುತ್ತ ವೃತ್ತವನ್ನ ಸೃಷ್ಟಿಸೋದ್ರಿಂದ ಇದನ್ನ 22 ಡಿಗ್ರಿ ಹ್ಯಾಲೋ ಎಂದೂ ಕರೆಯಲಾಗುತ್ತೆ.

ಬೆಂಗಳೂರಿನ ಹೊರಗೆ ನೀವಿದ್ದು ಉಂಗುರದೊಳಗಿನ ಸೂರ್ಯನ ಸೌಂದರ್ಯವನ್ನ ನೀವು ಕಣ್ತುಂಬಿಕೊಂಡಿಲ್ಲ ಎಂದಾದಲ್ಲಿ ಈ ಫೋಟೋಗಳು ನಿಮಗಾಗಿ :