ಲಾರಿ ಹರಿದು 20 ಕ್ಕೂ ಅಧಿಕ ಕುರಿಗಳ ಸಾವು

ಶಿವಮೊಗ್ಗ ತಾಲ್ಲೂಕಿನ ಆಯನೂರು ಬಳಿ ನಿನ್ನೆ ರಾತ್ರಿ ಲಾರಿ ಹರಿದು 20ಕ್ಕೂ ಹೆಚ್ಚು ಕುರಿಗಳು ಮೃತಪಟ್ಟಿವೆ. 15ಕ್ಕೂ ಹೆಚ್ಚು ಕುರಿಗಳು ಸಾಯುವ ಸ್ಥಿತಿಯಲ್ಲಿವೆ.

ರಾತ್ರಿ ಕುರಿಗಾರ ರೇವಣ್ಣ ಇಲ್ಲಿನ ಕೋಲಾಪುರ ರಸ್ತೆಯಲ್ಲಿ ಕುರಿಗಳೊಂದಿಗೆ ಹಾದುಹೋಗುವಾಗ ಘಟನೆ ಸಂಭವಿಸಿದ್ದು, ಲಾರಿ ಏಕಾಏಕಿ ಕುರಿಗಳ ಹಿಂಡಿನ ಮೇಲೆ ಹರಿದಿದ್ದರಿಂದಾಗಿ ಅಪಘಾತವಾಗಿದೆ.

ಸ್ಥಳಕ್ಕೆ ಹಾಲುಮತ ಮಹಾಸಭಾದ ರಾಜ್ಯ ಉಪಾಧ್ಯಕ್ಷ ಡಾ. ಪ್ರಶಾಂತ್, ಪ್ರಮುಖರಾದ ಇಟ್ಟಿಗೆಹಳ್ಳಿ ದೊಡ್ಡಪ್ಪ, ತಮ್ಮಡಿಹಳ್ಳಿ ನಾಗರಾಜ್ ಭೇಟಿ ನೀಡಿದರು. ಕುರಿಗಾರ ರೇವಣ್ಣ ಅವರಿಗೆ ಭಾರೀ ನಷ್ಟವಾಗಿದ್ದು, ಕೂಡಲೇ ಪರಿಹಾರ ನೀಡುವಂತೆ ಒತ್ತಾಯಿಸಿದ್ದಾರೆ. ಘಟನೆ ಸಂಬಂಧ ಕುಂಸಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.