ಮನೆ ಆರೈಕೆಗೆ ಒಳಗಾದ ‘ಕೊರೊನಾ’ ಸೋಂಕಿತರಿಗೆ ಆರೋಗ್ಯ ಇಲಾಖೆಯಿಂದ ಮಹತ್ವದ ಸೂಚನೆ

ಕೊರೊನಾ ಸೋಂಕು ಲಕ್ಷಣಗಳು ಬಹಿರಂಗವಾಗಿ ಗೋಚರಿಸದ ಹಾಗೂ ಪ್ರಾರಂಭಿಕ ಲಕ್ಷಣಗಳಿಂದ ಬಳಲುತ್ತಿರುವ 50 ವರ್ಷದೊಳಗಿನವರಿಗೆ ಮನೆ ಆರೈಕೆಗೆ ಒಳಪಡಿಸಲಾಗಿದೆ. ಇವರುಗಳಿಗೆ ಆರೋಗ್ಯ ಇಲಾಖೆಯಿಂದ ಮಹತ್ವದ ಸೂಚನೆ ನೀಡಲಾಗಿದೆ.

ಮನೆ ಆರೈಕೆಗೆ ಒಳಗಾದವರು ಪ್ರತಿನಿತ್ಯ ಕನಿಷ್ಠ ಎರಡು ಲೀಟರ್ ಬಿಸಿ ನೀರು ಕುಡಿಯಲು ಸೂಚನೆ ನೀಡಲಾಗಿದ್ದು, ಅಲ್ಲದೆ ಮನೆಯಲ್ಲಿ ಇದ್ದರೂ ಸಹ ಮಾಸ್ಕ್ ಕಡ್ಡಾಯವಾಗಿ ಧರಿಸುವಂತೆ ತಿಳಿಸಲಾಗಿದೆ.

ಮನೆಯ ಇತರೆ ಸದಸ್ಯರಿಂದ ಸಾಮಾಜಿಕ ಅಂತರ ಕಾಪಾಡಿಕೊಳ್ಳಲು ಸೂಚಿಸಲಾಗಿದ್ದು, ಕೆಮ್ಮುವಾಗ ಅಥವಾ ಸೀನುವಾಗ ತಪ್ಪದೆ ಕರವಸ್ತ್ರ ಬಳಸುವಂತೆ ಹೇಳಲಾಗಿದೆ. ಜೊತೆಗೆ ಇವರುಗಳು ಬಳಸುವ ಬಾತ್ರೂಮ್ ಆಗಾಗ ಸ್ವಚ್ಛಪಡಿಸಲು ಸೂಚಿಸಲಾಗಿದೆ.