ಕಂಗನಾ ರಣಾವತ್, ಬಾಲಿವುಡ್ನ ಕಾಂಟ್ರವರ್ಸಿ ಕ್ವೀನ್ ಅಂತಾನೇ ಫೇಮಸ್. ಸದಾ ಒಂದಲ್ಲ ಒಂದು ಸುದ್ದಿಯಲ್ಲಿರೋ ಕಂಗನಾ ಈಗ ಮತ್ತೆ ಸುದ್ದಿಯಲ್ಲಿದ್ದಾರೆ. ಈ ಬಾರಿ ಸುದ್ದಿಯಲ್ಲಿರೋದು ತನ್ನ ‘ಧಕ್ಕಡ್ ‘ ಸಿನೆಮಾಗಾಗಿ.
ಕಂಗನಾ ರಣಾವತ್ ಸಿನೆಮಾ ಅಂದ್ರೆ ಅಲ್ಲಿ ಒಂದಲ್ಲ ಒಂದು ನಿರೀಕ್ಷೆ ಇದ್ದೆ ಇರುತ್ತೆ. ಈ ಬಾರಿಯೂ ‘ಧಕ್ಕಡ್‘ ಅದೇ ರೀತಿ ನಿರೀಕ್ಷೆ ಇಟ್ಟುಕೊಂಡೇ ಈ ಸಿನೆಮಾ ತೆರೆಗೆ ಬಂದಿತ್ತು. ರಫ್ ಎಂಡ್ ಟಫ್ ಲುಕ್‌ಲ್ಲಿ ಕಾಣಿಸಿಕೊಂಡಿದ್ದ ಕಂಗನಾ ಈ ಬಾರಿಯೂ ಗಲ್ಲಾಪೆಟ್ಟಿಗೆ ಕೊಳ್ಳೆ ಹೊಡೆಯುವ ನಿರೀಕ್ಷೆ ಈಗ ಸುಳ್ಳಾಗಿದೆ. ಯಾಕಂದರೆ ಈ ಸಿನೆಮಾ ರಿಲೀಸ್ ಆದ 8 ನೇ ದಿನದಂದು ಮಾರಾಟವಾಗಿರೋ ಟಿಕೆಟ್ ಕೇವಲ 20 ಮಾತ್ರ. ಅದರ ಮೌಲ್ಯ 4,420 ರೂಪಾಯಿಗಳು.
ಮಹಿಳಾ ಸೂಪರ್ ಹಿರೋ ಲುಕ್‌ಲ್ಲಿ ಕಾಣಿಸಿಕೊಂಡಿರೋ ಕಂಗನಾ ಪ್ರಯತ್ನವನ್ನ ಚಿತ್ರರಸಿಕನಿಗೆ ಅಜೀರ್ಣವಾದಂತಿದೆ. ಜೊತೆಗೆ ಈ ಸಿನೆಮಾ ರಿಲೀಸ್ ಆಗುವುದಕ್ಕಿಂತ ಮುಂಚೆಯಿಂದಲೇ ನೆಗೆಟಿವ್ ವಿಮರ್ಷೆ ಪಡೆದಿದ್ದೆ ಹೆಚ್ಚು. ಬಾಲಿವುಡ್ ಹಂಗಾಮಾ, ಈ ಚಿತ್ರದ 8 ನೇ ದಿನದ ಕಲೆಕ್ಷನ್ ಬಿಡುಗಡೆ ಮಾಡಿದ್ದು, ಇದು ಎಷ್ಟು ಹಿನ್ನೆಡೆಯನ್ನ ಅನುಭವಿಸ್ತಿದೆ ಅನ್ನೊ ಪಿಕ್ಚರ್ ಎಲ್ಲರ ಮುಂದಿಟ್ಟಿದೆ.
ಕಂಗನಾ ರಣಾವತ್ ನಟನೆಯ ಈ ಚಿತ್ರದ ಬಂಡವಾಳ ಸುಮಾರು 80 ಕೋಟಿ ರೂಪಾಯಿಯಿಂದ 90 ಕೋಟಿ ರೂಪಾಯಿ. ಪ್ರಚಾರದ ಖರ್ಚು ಸೇರಿದರೆ ಚಿತ್ರದ ಒಟ್ಟು ಖರ್ಚು 100ಕೋಟಿ ಅನ್ನೊ ಅಂದಾಜು ಮಾಡಲಾಗಿದೆ. ಆದರೆ ಚಿತ್ರ ಮಾತ್ರ ಹೀನಾಯ ಸೋಲು ಕಂಡಿದ್ದರ ಹಿನ್ನೆಲೆಯಲ್ಲಿ ಲಾಭ ಗಳಿಸೊದಿರಲಿ ಹಾಕಿರೋ ಬಂಡವಾಳವೂ ಬರುವ ಲಕ್ಷಣ ಕಾಣಿಸುತ್ತಿಲ್ಲ.
Loading ...