ಕೋಟಾ: ಜೆಇಇ ಪರೀಕ್ಷೆಗೆ ತಯಾರಿ ನಡೆಸುತ್ತಿದ್ದ ವಿದ್ಯಾರ್ಥಿಯೊಬ್ಬ ಆತ್ಮಹತ್ಯೆಗೆ ಶರಣಾಗಿರುವ ಘಟನೆ ರಾಜಸ್ಥಾನದ ಕೋಟಾದಲ್ಲಿ ನಡೆದಿದೆ.
18 ವರ್ಷದ ವಿವೇಕ್ ಕುಮಾರ್ ಆತ್ಮಹತ್ಯೆ ಮಾಡಿಕೊಂಡಿರುವ ವಿದ್ಯಾರ್ಥಿ. ಮಧ್ಯಪ್ರದೇಶದ ಅಣ್ಣುಪುರದ ನಿವಾಸಿಯಾಗಿದ್ದ ವಿವೇಕ್ ಕುಮಾರ್, ಏಪ್ರಿಲ್ ನಲ್ಲಿ ರಾಜಸ್ಥಾನದ ಕೋಟಾ ಇನ್ಸ್ ಸ್ಟಿಟ್ಯೂ ಗೆ ಜೆಇಇ ಪರೀಕ್ಷೆ ಕೋಚಿಂಗ್ ಗೆ ಬಂದಿದ್ದ. ಹಾಸ್ಟೇಲ್ ಕೊಠಡಿಯಲ್ಲಿಯೇ ನೇಣು ಬಿಗಿದುಕೊಂಡು ಆತ್ಮಹತ್ಯೆಗೆ ಶರಣಾಗಿದ್ದಾನೆ.
ಪರೀಕ್ಷೆ ತಯಾರಿ ನಡೆಸುತ್ತಿದ್ದ ವಿವೇಕ್ ಏಕಏಕಿ ಮಧ್ಯರಾತ್ರಿ ತನ್ನ ರೂಮ್ ನಲ್ಲೇ ಆತ್ಮಹತ್ಯೆಗೆ ಶರಣಾಗಿದ್ದಾನೆ. ಯಾವುದೇ ಡೆತ್ ನೋಟ್ ಕೂಡ ಪತ್ತೆಯಾಗಿಲ್ಲ. ಘಟನಾ ಸ್ಥಳಕ್ಕೆ ಪೊಲೀಸರು ಭೇಟಿ ನೀಡಿ ತನಿಖೆ ನಡೆಸಿದ್ದಾರೆ.
ಕೋಟಾದಲ್ಲಿ ಈ ವರ್ಷ ಜನವರಿಂದ ಈವರೆಗೆ ನಡೆದ 16ನೇ ಆತ್ಮಹತ್ಯೆ ಪ್ರಕರಣ ಇದಾಗಿದೆ. ಕಳೆದ ಒಂದೇ ವರ್ಷದಲ್ಲಿ 26 ವಿದ್ಯಾರ್ಥಿಗಳು ಅತ್ಮಹತ್ಯೆಗೆ ಶರಣಾಗಿದ್ದರು.
Loading ...