ನಾಯಿಯಂತೆ ಕಾಣಲು 12 ಲಕ್ಷ ರೂ. ಖರ್ಚು ಮಾಡಿದ ಭೂಪ…!

ಟ್ವಿಟರ್ ಬಳಕೆದಾರರ @toco_eevee ತಾವು ನಾಯಿಯ ರೂಪದಲ್ಲಿರುವ ವಿಡಿಯೋ ಹಂಚಿಕೊಂಡಿದ್ದು, ತಮ್ಮ ಜೀವಿತಾವಧಿಯ ಕನಸು ನಾಯಿಯಾಗುವುದಾಗಿತ್ತು ಎಂದು ಹೇಳಿಕೊಂಡಿದ್ದಾರೆ. ನಾಯಿ ರೂಪ ತಾಳಲು ಜೆಪ್ಪೆಟ್ ಎಂಬ ವೃತ್ತಿಪರ ಏಜೆನ್ಸಿ ನೆರವು ಪಡೆದಿದ್ದರು.

ಒಬ್ಬ ವ್ಯಕ್ತಿಯ ಕೋರಿಕೆಯ ಮೇರೆಗೆ ನಾವು ನಾಯಿ ಮಾಡೆಲಿಂಗ್ ಸೂಟ್ ತಯಾರಿಸಿದ್ದೇವೆ. ಇದು ನೈಜ ನಾಯಿಯಂತೆ ನಾಲ್ಕು ಕಾಲುಗಳ ಮೇಲೆ ನಡೆಯುವ ನಾಯಿಯ ನೋಟವನ್ನು ತೋರುವಂತಿದೆ ಎಂದು ಜೆಪ್ಪೆಟ್ ಹೇಳಿಕೊಂಡಿದೆ.

ಈ ವೀಡಿಯೊ ಮಿಲಿಯನ್‌ಗಿಂತಲೂ ಹೆಚ್ಚು ವೀಕ್ಷಣೆಗಳನ್ನು ಗಳಿಸಿದೆ ಮತ್ತು ಹಲವಾರು ಪ್ರತಿಕ್ರಿಯೆಗಳನ್ನು ಪಡೆದುಕೊಂಡಿದೆ. ಈ ವೇಷಭೂಷಣ ತಯಾರಿಸಲು 40 ದಿನ ತೆಗೆದುಕೊಂಡಿತು ಮತ್ತು ಅಂದಾಜು 12 ಲಕ್ಷ ರೂ.ಗಳಾಯಿತಂತೆ.