ಬಾಲಿವುಡ್ ನಟಿ ಜಾಹ್ನವಿ ಕಪೂರ್ ರಕ್ಷಾಬಂಧನ ದಿನದಂದು ಪಾಪರಾಜಿ (ಸೆಲೆಬ್ರಿಟಿಗಳ ಫೋಟೋ ಕ್ಲಿಕ್ಕಿಸುವ ಹವ್ಯಾಸಿ ಛಾಯಾಗ್ರಾಹಕರು) ಗೆ ರಾಖಿ ಕಟ್ಟಿದ್ದಾರೆ. ಈ ಸಂದರ್ಭದಲ್ಲಿ ರಾಖಿ ಕಟ್ಟಿಸಿಕೊಂಡ ಬಳಿಕ ಆತ ಹಣ ನೀಡಲು ಬಂದಾಗ ನಯವಾಗಿ ನಿರಾಕರಿಸಿದ್ದು, ಈ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.
ಮುಂಬೈನ ಬಾಂದ್ರಾದಲ್ಲಿ ಈ ಘಟನೆ ನಡೆದಿದ್ದು, ಹೊರಗೆ ಹೋಗಿದ್ದ ಜಾಹ್ನವಿ ಕಪೂರ್ ಮರಳಿ ಬಂದಾಗ ಫೋಟೋ ಕ್ಲಿಕ್ಕಿಸಲು ಕೆಲ ಪಾಪರಾಜಿಗಳು ಕಾದು ನಿಂತಿರುತ್ತಾರೆ. ಈ ಸಂದರ್ಭದಲ್ಲಿ ಜಾಹ್ನವಿ ಕಪೂರ್ ಪಾಪರಾಜಿಗೆ ರಾಖಿ ಕಟ್ಟಿದ್ದಾರೆ. ಆತ ಕೂಡ ಇಂತಹ ಸಂದರ್ಭದಲ್ಲಿ ಸಹೋದರ, ಸಹೋದರಿಗೆ ಹಣ ನೀಡುವಂತೆ ನೀಡಲು ಮುಂದಾಗಿದ್ದಾನೆ.
ಆದರೆ ಜಾಹ್ನವಿ ಕಪೂರ್ ಇದನ್ನು ನಯವಾಗಿ ನಿರಾಕರಿಸಿ ಅಲ್ಲಿಂದ ತೆರಳಿದ್ದಾರೆ. ಸೋಶಿಯಲ್ ಮೀಡಿಯಾದಲ್ಲಿ ಈ ವಿಡಿಯೋ ವೈರಲ್ ಆಗುತ್ತಲೇ ನೆಟ್ಟಿಗರಿಂದ ಕಮೆಂಟ್ ಗಳ ಸುರಿಮಳೆ ಹರಿದು ಬಂದಿದೆ. ಕೆಲವರು ಪಾಪರಾಜಿಗೆ ಜಾಹ್ನವಿ ಕಪೂರ್ ರಾಕಿ ಕಟ್ಟಿದ್ದಕ್ಕೆ ಮೆಚ್ಚುಗೆ ವ್ಯಕ್ತಪಡಿಸಿದರೆ, ಮತ್ತಷ್ಟು ಮಂದಿ ಆತ ನೀಡಿದ ಹಣವನ್ನು ಜಾಹ್ನವಿ ಕಪೂರ್ ಪಡೆಯಬೇಕಿತ್ತು ಎಂದು ಅಭಿಪ್ರಾಯಪಟ್ಟಿದ್ದಾರೆ.
Loading ...