ಭಾರತೀಯ ಸೇನೆಯಿಂದ ಮತ್ತೊಂದು ಯಶಸ್ವಿ ಕಾರ್ಯಾಚರಣೆ: ಉಗ್ರರ 4 ಅಡಗುದಾಣ ಪತ್ತೆ, ಅಪಾರ ಶಸ್ತ್ರಾಸ್ತ್ರ ವಶಕ್ಕೆ

ಶ್ರೀನಗರ: ಜಮ್ಮು ಮತ್ತು ಕಾಶ್ಮೀರದ ಉಧಮ್ ಪುರದಲ್ಲಿ ಭಾರತೀಯ ಸೇನೆ ಉಗ್ರರ ಜಾಲವನ್ನು ಭೇದಿಸಿದೆ. ಲಷ್ಕರ್ ಎ ತೋಯ್ಬಾ ಸಂಘಟನೆಗೆ ಸೇರಿದ ನಾಲ್ಕು ಅಡಗುದಾಣಗಳು ಪತ್ತೆ ಮಾಡಲಾಗಿವೆ.

ಭಾರತೀಯ ಸೇನೆ ಕಾರ್ಯಾಚರಣೆ ತೀವ್ರಗೊಳಿಸಿದ್ದು, ಉಧಮ್ ಪುರದಲ್ಲಿ ಅಡಗುದಾಣಗಳು ಪತ್ತೆಯಾಗಿವೆ. ಈ ಅಡಗುದಾಣದಲ್ಲಿದ್ದ ಅಪಾರ ಪ್ರಮಾಣದ ಶಸ್ತ್ರಾಸ್ತ್ರಗಳನ್ನು ವಶಕ್ಕೆ ಪಡೆಯಲಾಗಿದೆ. ಈ ಮೂಲಕ ಭಾರತೀಯ ಸೇನೆಯಿಂದ ಮತ್ತೊಂದು ಯಶಸ್ವಿ ಕಾರ್ಯಾಚರಣೆ ನಡೆಸಲಾಗಿದೆ. ಜಮ್ಮು-ಕಾಶ್ಮೀರದಲ್ಲಿ ಭಯೋತ್ಪಾದಕರ ಅಡಗುದಾಣ ಪತ್ತೆ ಮಾಡಿ ಶಸ್ತ್ರಾಸ್ತ್ರ ವಶಕ್ಕೆ ಪಡೆದು ಉಗ್ರ ಚಟುವಟಿಕೆಗೆ ಮತ್ತಷ್ಟು ಕಡಿವಾಣ ಹಾಕಲಾಗಿದೆ.