ವಿದೇಶಗಳಲ್ಲೂ ಖ್ಯಾತವಾಗಿರುವ ದೇಶೀ ತಿನಿಸುಗಳಲ್ಲಿ ಒಂದು ಸಮೋಸಾ. ಇದೀಗ ಇಟಾಲಿಯನ್ ವ್ಯಕ್ತಿಯೊಬ್ಬರು ಮೊದಲ ಬಾರಿಗೆ ಸಮೋಸಾ ತಿನ್ನುತ್ತಾ ಕೊಟ್ಟಿರುವ ಪ್ರತಿಕ್ರಿಯೆಯ ವಿಡಿಯೋವೊಂದು ನೆಟ್ಟಿಗರ ಹೃದಯ ಗೆದ್ದಿದೆ.
ಅಮಿತ್‌ ಮತ್ತು ಅಂಬ್ರಾ ಹೆಸರಿನ ಇಂಡೋ-ಇಟಾಲಿಯನ್ ಜೋಡಿಯೊಂದು ಇನ್‌ಸ್ಟಾಗ್ರಾಂನಲ್ಲಿರುವ ತಮ್ಮ ಪ್ರೊಫೈಲ್‌ನಲ್ಲಿ ಈ ವಿಡಿಯೋ ಪೋಸ್ಟ್ ಮಾಡಿದ್ದು, ಅದಾಗಲೇ ಎರಡು ಲಕ್ಷಕ್ಕೂ ಹೆಚ್ಚಿನ ವೀಕ್ಷಣೆ ಕಂಡಿದೆ.
‘ಮಧುಮೇಹ’ದವರಿಗೆ ಇಲ್ಲಿದೆ ನೋಡಿ ಸೂಪರ್ ಟಿಪ್ಸ್
40 ಸಾವಿರಕ್ಕೂ ಹೆಚ್ಚು ಫಾಲೋವರ್‌ಗಳನ್ನು ಇನ್‌ಸ್ಟಾಗ್ರಾಂನಲ್ಲಿ ಹೊಂದಿರುವ ಈ ದಂಪತಿಗೆ ಯೂಟ್ಯೂಬ್‌ನಲ್ಲಿ 90 ಸಾವಿರ ಮೀರಿ ಅನುಯಾಯಿಗಳಿದ್ದಾರೆ. ತಮ್ಮದೇ ಅನೇಕ ವಿಡಿಯೋಗಳನ್ನು ನಿರಂತರವಾಗಿ ಪೋಸ್ಟ್ ಮಾಡುವ ಈ ಜೋಡಿ, ಕೆಲವೇ ಹೊತ್ತಿನಲ್ಲಿ ವೈರಲ್ ಆಗಿಬಿಡುತ್ತಾರೆ.
ಈ ವಿಡಿಯೋದಲ್ಲಿರುವ ಇಟಾಲಿಯನ್ ವ್ಯಕ್ತಿ ಅಂಬ್ರಾರ ತಂದೆಯಾಗಿದ್ದಾರೆ. ಬಾಯಿಗಿಡುವ ಮುನ್ನ ಸಮೋಸಾ ಮೇಲೆ ಸ್ಪಲ್ಪ ಪುದೀನಾ ಚಟ್ನಿ ಹಾಕಿಕೊಂಡ ಈತ ಮೊದಲ ರುಚಿಗೇ ಮನಸೋತಂತೆ ಕಾಣುತ್ತಾರೆ.
“ಭಾರತೀಯ ಖಾದ್ಯವೊಂದನ್ನು ಮೊದಲ ಬಾರಿಗೆ ಪ್ರಯತ್ನಿಸಿದೆ,” ಎಂದು ಪೋಸ್ಟ್‌ಗೆ ಕ್ಯಾಪ್ಷನ್ ನೀಡಲಾಗಿದೆ.
Loading ...