BREAKING: ಪ್ಯಾಲೇಸ್ತೀನ್ ಮೇಲೆ ಮುಂದುವರೆದ ಇಸ್ರೇಲ್ ಕ್ಷಿಪಣಿ ದಾಳಿ: 25 ಮಂದಿ ಸಾವು

ರಾಫಾ ಬಳಿಯ ಟೆಂಟ್ ಕ್ಯಾಂಪ್‌ ಗಳ ಮೇಲೆ ಇಸ್ರೇಲ್ ನಡೆಸಿದ ದಾಳಿಯಲ್ಲಿ 25 ಮಂದಿ ಮೃತಪಟ್ಟಿದ್ದು, 50 ಮಂದಿ ಗಾಯಗೊಂಡಿದ್ದಾರೆ ಎಂದು ಅಧಿಕಾರಿಗಳು ಹೇಳಿದ್ದಾರೆ

ಇಸ್ರೇಲಿ ಪಡೆಗಳು ಶುಕ್ರವಾರ ರಾಫಾದ ಉತ್ತರಕ್ಕೆ ಸ್ಥಳಾಂತರಗೊಂಡ ಪ್ಯಾಲೆಸ್ಟೀನಿಯನ್ನರ ಡೇರೆ ಶಿಬಿರಗಳ ಮೇಲೆ ಶೆಲ್ ದಾಳಿ ಮಾಡಿದ್ದು, ಕನಿಷ್ಠ 25 ಜನರನ್ನು ಕೊಂದಿದೆ ಮತ್ತು 50 ಮಂದಿ ಗಾಯಗೊಳಿಸಿದೆ ಎಂದು ಗಾಜಾದ ಹೀತ್ ಸಚಿವಾಲಯ ತಿಳಿಸಿದೆ,

ರಾಫಾದಲ್ಲಿ ಸಿವಿಲ್ ಡಿಫೆನ್ಸ್ ವಕ್ತಾರರಾದ ಅಹ್ಮದ್ ರಾದ್ವಾನ್ ಪ್ರಕಾರ, ಡೇರೆಗಳಿಂದ ತುಂಬಿರುವ ಕರಾವಳಿ ಪ್ರದೇಶದ ಎರಡು ಸ್ಥಳಗಳಲ್ಲಿ ಶೆಲ್ ದಾಳಿ ನಡೆದ ಬಗ್ಗೆ ರಕ್ಷಣಾ ಕಾರ್ಯಕರ್ತರಿಗೆ ಮಾಹಿತಿ ಬಂದಿದೆ. ದಾಳಿಯಲ್ಲಿ ಮೃತಪಟ್ಟವರ ಮತ್ತು ಗಾಯಗೊಂಡವರ ಸಂಖ್ಯೆಯನ್ನು ಆರೋಗ್ಯ ಸಚಿವಾಲಯ ವರದಿ ಮಾಡಿದೆ.

ಸಿವಿಲ್ ಡಿಫೆನ್ಸ್ ಒದಗಿಸಿದ ದಾಳಿಯ ಸ್ಥಳಗಳು ಇಸ್ರೇಲಿ ಗೊತ್ತುಪಡಿಸಿದ ಸುರಕ್ಷಿತ ವಲಯದ ಹೊರಗಿದ್ದವು. ಈ ಬಗ್ಗೆ ಪರಿಶೀಲಿಸುತ್ತಿದ್ದೇವೆ ಎಂದು ಇಸ್ರೇಲಿ ಮಿಲಿಟರಿ ಹೇಳಿದೆ. ಇಸ್ರೇಲ್ ಈ ಹಿಂದೆ ಮೆಡಿಟರೇನಿಯನ್ ಕರಾವಳಿಯ ಗ್ರಾಮೀಣ ಪ್ರದೇಶವಾದ ಮುವಾಸಿಯಲ್ಲಿನ ಮಾನವೀಯ ವಲಯದ ಸುತ್ತಮುತ್ತಲಿನ ಸ್ಥಳಗಳಲ್ಲಿ ಬಾಂಬ್ ದಾಳಿ ಮಾಡಿತ್ತು. ಈ ಪ್ರದೇಶ ಇತ್ತೀಚಿಗೆ ಟೆಂಟ್ ಕ್ಯಾಂಪ್ ಗಳಿಂದ ತುಂಬಿದೆ.