ಇಸ್ರೇಲಿ ವಿಜ್ಞಾನಿಗಳು ಸಿಲಿಕಾನ್ ಚಿಪ್ ಬಳಸಿ ವೀರ್ಯವನ್ನು ಯಶಸ್ವಿಯಾಗಿ ರಚಿಸಿದ್ದಾರೆ. ಇನ್ನೂ ವೀರ್ಯ ಕೋಶಗಳನ್ನು ಉತ್ಪಾದಿಸದ ಯುವ ಇಲಿಗಳ ವೃಷಣದಲ್ಲಿನ ವೀರ್ಯ ಕೋಶಗಳ ಬೆಳವಣಿಗೆಯನ್ನು ಅನುಕರಿಸುವ ಮಾದರಿಯನ್ನು ವಿಜ್ಞಾನಿಗಳು ಅಧ್ಯಯನದ ಸಂದರ್ಭದಲ್ಲಿ ಕಂಡುಹಿಡಿದಿದ್ದಾರೆ.
ಇದಲ್ಲದೆ, ಪ್ರಯೋಗಾಲಯದ ಪರಿಸ್ಥಿತಿಗಳಲ್ಲಿ, ನೈಸರ್ಗಿಕ ಪರಿಸರಕ್ಕೆ ಹತ್ತಿರವಿರುವ ಪರಿಸರದಲ್ಲಿ ವೃಷಣ ಕೋಶಗಳನ್ನು ಬೆಳೆಸುವ ವಿಧಾನವನ್ನು ಅಭಿವೃದ್ಧಿಪಡಿಸಲು ಸಾಧ್ಯವಾಗಿದೆ. ಅಧ್ಯಯನಕ್ಕಾಗಿ ವಿನ್ಯಾಸಗೊಳಿಸಲಾದ ವಿಶೇಷ ಚಿಪ್ ಅನ್ನು ಬಳಸಿಕೊಂಡು ಸಂಪೂರ್ಣ 3D ವ್ಯವಸ್ಥೆ ನಿರ್ಮಿಸಲಾಗಿದೆ, ಇದು ಬೆಳವಣಿಗೆಯ ಅಂಶಗಳು, ವೃಷಣಗಳಿಂದ ಕೋಶಗಳು ಅಥವಾ ದೇಹದ ಅಂಗಾಂಶಗಳಿಂದ ಯಾವುದೇ ಇತರ ಜೀವಕೋಶಗಳನ್ನು ಸೇರಿಸಲು ಅನುವು ಮಾಡಿಕೊಡುವ ಮೈಕ್ರೋಫ್ಲೂಯಿಡಿಕ್ ಚಾನಲ್‌ ಗಳನ್ನು ಒಳಗೊಂಡಿದೆ.
ಈ ಅಧ್ಯಯನದಿಂದ ವೀರ್ಯ ಕೋಶಗಳನ್ನು ರಚಿಸುವ ಪ್ರಕ್ರಿಯೆಯಲ್ಲಿ ಹೊಸ ಬೆಳವಣಿಗೆ ತೆರೆದುಕೊಂಡಿದೆ. ಇದು ಫಲವತ್ತತೆಯಿಲ್ಲದ ಪುರುಷರಿಗಾಗಿ ಭವಿಷ್ಯದ ಚಿಕಿತ್ಸಕ ತಂತ್ರಗಳಲ್ಲಿ ಮೈಕ್ರೋಫ್ಲೂಯಿಡಿಕ್-ಆಧಾರಿತ ತಂತ್ರಜ್ಞಾನಗಳ ಅನುಷ್ಠಾನ ಸಕ್ರಿಯಗೊಳಿಸುತ್ತದೆ. ಪ್ರೌಢಾವಸ್ಥೆಯಲ್ಲಿ ಅವರ ಫಲವತ್ತತೆಯನ್ನು ದುರ್ಬಲಗೊಳಿಸಬಹುದಾದ ಆಕ್ರಮಣಕಾರಿ ಕಿಮೊಥೆರಪಿ/ರೇಡಿಯೊಥೆರಪಿ ಚಿಕಿತ್ಸೆಗಳಿಗೆ ಒಳಗಾಗುವ ಮಕ್ಕಳಿಗೆ ಫಲವತ್ತತೆಯನ್ನು ಕಾಪಾಡುತ್ತದೆ. ಅಲ್ಲದೇ, ಈ ವ್ಯವಸ್ಥೆಯು ಪುರುಷ ಫಲವತ್ತತೆಯ ಮೇಲೆ ಒಂದು ನವೀನ ವೇದಿಕೆಯಾಗಿ ಕಾರ್ಯನಿರ್ವಹಿಸುತ್ತದೆ ಎಂದು ಪ್ರೊ. ಹುಲಿಹೆಲ್ ಹೇಳಿದ್ದಾರೆ.
ಸಂಶೋಧನಾ ತಂಡದಲ್ಲಿ, ನೆಗೆವ್‌ ನ ಬೆನ್-ಗುರಿಯನ್ ವಿಶ್ವವಿದ್ಯಾಲಯ ಮತ್ತು ಸೊರೊಕಾ ವೈದ್ಯಕೀಯ ಕೇಂದ್ರದ ಆರೋಗ್ಯ ವಿಜ್ಞಾನಗಳ ವಿಭಾಗದ ಪ್ರೊ. ಎಮೆರಿಟಸ್ ಈಟಾನ್ ಲುನೆನ್‌ಫೆಲ್ಡ್, ಏರಿಯಲ್ ವಿಶ್ವವಿದ್ಯಾಲಯದ ಹಿರಿಯ ಅಧ್ಯಾಪಕ ಸದಸ್ಯ ಮತ್ತು ಪ್ರೊ. ಗಿಲಾಡ್ ಯೊಸಿಫೊನ್, ಸಂಶೋಧನೆಯ ನೇತೃತ್ವವನ್ನು ಪಿ.ಹೆಚ್‌.ಡಿ. ವಿದ್ಯಾರ್ಥಿಗಳಾದ ಅಲಿ ಅಬುಮಡಿಘೆಮ್, ಶ್ರಗಾ ಸೆಗಲ್, ಶೋಲೋಮ್ ಶುಚತ್ ಅವರಿದ್ದರು.
ವಿಜ್ಞಾನಿಗಳ ತಂಡ ಮೈಕ್ರೋಫ್ಲೂಯಿಡಿಕ್ ವ್ಯವಸ್ಥೆ ಬಳಸಿಕೊಂಡು ವೀರ್ಯ ರಚಿಸಲು ನವೀನ ಮೈಕ್ರೋಚಿಪ್ ಉತ್ಪಾದಿಸುವಲ್ಲಿ ಯಶಸ್ವಿಯಾಗಿದೆ. ವಿಜ್ಞಾನಿಗಳ ತಂಡದ ಪ್ರಕಾರ, ಆಕ್ರಮಣಕಾರಿ ಕಿಮೊಥೆರಪಿ ಪಡೆಯುವ ಕ್ಯಾನ್ಸರ್ ಹೊಂದಿರುವ ಮಕ್ಕಳು ಭವಿಷ್ಯದಲ್ಲಿ ಬಂಜೆತನಕ್ಕೆ ಒಳಗಾಗಬಹುದು. ಟೆಕ್ನಿಯನ್ – ಇಸ್ರೇಲ್ ಇನ್‌ ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿಯ ಸಂಶೋಧನಾ ಗುಂಪಿನ ಸಹಯೋಗದೊಂದಿಗೆ ವಿಜ್ಞಾನಿಗಳು ಸಿಲಿಕಾನ್ ಚಿಪ್(ಪಿಡಿಎಂಎಸ್) ಬಳಸಿ ಮೈಕ್ರೋಫ್ಲೂಯಿಡಿಕ್ ಸಿಸ್ಟಮ್ ಮೂಲಕ ಪ್ರಯೋಗಾಲಯದಲ್ಲಿ ವೀರ್ಯವನ್ನು ರಚಿಸುವ ಪ್ರಕ್ರಿಯೆಯನ್ನು ಸುಧಾರಿಸುವ ನವೀನ ವೇದಿಕೆಯನ್ನು ರಚಿಸುವಲ್ಲಿ ಯಶಸ್ವಿಯಾಗಿದ್ದಾರೆ. ಅವರ ಸಂಶೋಧನೆಯನ್ನು ಇತ್ತೀಚೆಗೆ ಪೀರ್-ರಿವ್ಯೂಡ್ ಜರ್ನಲ್ ಬಯೋಫ್ಯಾಬ್ರಿಕೇಶನ್‌ನಲ್ಲಿ ಪ್ರಕಟಿಸಲಾಗಿದೆ.
Loading ...